Smith, Joseph, tus Hluas

Tus yaj saub uas Vajtswv xaiv kom muab Yexus Khetos lub Koom Txoos tseeb txum tim rov qab los rau hauv lub ntiaj teb. Joseph Smith yug los hauv lub xeev Vermont nyob hauv lub Teb Chaws Amelikas thiab ua neej nyob txij thaum xyoo 1805 mus txog 1844.

Thaum xyoo 1820, Vajtswv Leej Txiv thiab Yexus Khetos tshwm sim rau Joseph, thiab nws kawm hais tias tag nrho tej lub koom txoos nyob hauv lub ntiaj teb tsis muaj tseeb (JS—K 1:1–20). Tom qab ntawd tus tim tswv Maulaunais tuaj xyuas, thiab tshwm sim qhov chaw uas tau muab cov phiaj kub zais, uas muaj cov ceev xwm txheej ntawm ib co neeg thaum ub nyob hauv sab ntuj Amelikas (JS—K 1:29–54).

Joseph txhais cov phiaj kub thiab thaum xyoo 1830 muab cov ntawv ntawd luam tawm ua Phau Ntawv Maumoos (JS—K 1:66–67, 75). Thaum xyoo 1829, nws txais txoj cai lub pov thawj hwj los ntawm Yauhas tus uas Muab Neeg Ua Kev Cai Raus Dej thiab los ntawm Petus, Yakaunpaus, thiab Yauhas (Q&K 13; 27:12; 128:20; JS—K 1:68–70).

Raws li Vajtswv qhia, thaum lub Plaub Hlis Ntuj hnub tim 6, xyoo 1830, Joseph thiab ob peb tug ntxiv muab Yexus Khetos lub Koom Txoos uas tau txum tim rov qab los (Q&K 20:1–4). Raws li Joseph txoj kev ua thawj coj, lub Koom Txoos loj tuaj nyob hauv Canada, Akiv Teb, thiab sab hnub tuaj ntawm lub Teb Chaws Amelikas, qhov ntau tshaj yog nyob hauv Ohio, Missouri, thiab Illinois. Joseph thiab Haiv Neeg Ntseeg mus qhov twg los lawv raug kev tsim txom loj heev. Thaum lub Rau Hli Ntuj hnub tim 27, xyoo 1844, Joseph thiab nws tus tij laug Hyrum raug tua tuag nyob hauv Carthage, Illinois, nyob hauv lub Teb Chaws Amelikas.