Phau Tshiab

Ib cov ntawv uas tib neeg txais kev tshoov siab sau (thaum xub thawj lawv sau lus Kilis) txog Yexus Khetos, cov Thwj Tim, thiab lwm tus uas coj raws li Yexus Khetos lawv lub neej thiab txoj kev qhuab qhia. Feem ntau muab Phau Tshiab faib ua plaub phau Txoj Moo Zoo, Cov Thwj Tim Tes Hauj Lwm, Povlauj tej tsab ntawv, tej tsab ntawv ntawm lwm tus neeg, thiab phau Tshwm Sim.

Plaub phau Txoj Moo Zoo—uas yog Mathais, Malakaus, Lukas, thiab Yauhas phau ntawv—yog tej zaj uas hais txog Khetos lub neej. Phau Tes Hauj Lwm hais txog zaj keeb kwm ntawm lub Koom Txoos thiab cov Thwj Tim, feem ntau yog Povlauj txoj kev ua tub txib, tom qab tus Khetos tuag lawm. Povlauj tej tsab ntawv hais txog lus qhia rau lub Koom Txoos cov thawj coj thiab cov mej zeej. Tej tsab ntawv ntxiv yog lwm cov Thwj Tim sau thiab qhia lus ntuas ntxiv rau Haiv Neeg Ntseeg uas nyob thaum ntawd. Phau Tshwm Sim, uas tus Thwj Tim Yauhas sau, muaj tej kev qhia txog tej uas yuav muaj los hauv hnub nyoog kawg.