Xamuyees, Yaj Saub hauv Phau Qub
Ekanas thiab Hanas tus tub, Xamuyees yug los kom teb nws niam tej lus thov Vajtswv (1 Xam. 1). Thaum nws yog ib tug me nyuam, nws niam muab nws rau Elis tu; Elis yog tus pov thawj hlob ntawm lub tsev ntaub hauv Silaus (1 Xam. 2:11; 3:1). Tus Tswv hu Xamuyees ua ib tug yaj saub thaum nws hluas heev (1 Xam. 3). Tom qab Elis tuag, Xamuyees los ua tus yaj saub thiab txiav txim zoo kawg nkaus hauv Ixayees thiab rov qab tsa cai, tej txheej txheem, thiab kev teev ntuj hauv teb chaws ntawd (1 Xam. 4:15–18; 7:3–17).
1 Xamuyees 28:5–20 muaj zaj uas hais txog ib tug poj niam txawj txheev dab ntawm Edaules uas coj tau Xamuyees rov qab xeev ntawm kev tuag los vim Vaj Ntxwv Xa-ules hais kom ua. Qhov no yeej tsis yog kev ua yog toog uas los ntawm Vajtswv li, vim ib tug neeg txawj txheev dab yeej tsis muaj peev xwm ua rau ib tug yaj saub sawv los.
Ob phau ntawv 1Â thiab 2Â Xamuyees
Nyob hauv tej phau Npaivnpaum, ob phau 1Â thiab 2Â Xamuyees yog ib phau ntawv. Nyob hauv lwm phau Npaivnpaum, yog ob phau ntawv. Ob phau hais txog ib lub sij hawm kwv yees ntev li 130 xyoo, txij thaum Xamuyees yug los mus txog thaum ua ntej kiag uas tus Vaj Ntxwv Daviv tuag.
Phau 1Â Xamuyees
Tshooj 1–3 piav hais tias tus Tswv foom phem thiab rau txim rau Elis tsev neeg thiab hu Xamuyees los ua tus pov thawj hlob thiab tus neeg txiav txim. Tshooj 4–6 qhia tias vim li cas cov Neeg Filitees txeeb tau lub phij xab rau kev khi lus. Tshooj 7–8 ceev xwm txheej txog Xamuyees cov lus ceeb toom txog qhov uas lawv muaj cov vaj tswv cuav thiab ib tug vaj ntxwv phem. Tshooj 9–15 piav txog kev tsa Xa-ules ua vaj ntxwv thiab nws lub caij nyoog ua vaj ntxwv kav. Tshooj 16–31 qhia txog Daviv zaj keeb kwm thiab nws txoj kev tau hwj chim—Xamuyees tsa Daviv tus uas tau muab Nkauli-am tua. Xa-ules ntxub Daviv, tiam sis Daviv tsis kam muab Xa-ules tua txawm hais tias nws muaj cib fim ua li ntawd.
Phau 2Â Xamuyees
Phau ntawv no qhia txog tej yam uas muaj los thaum Daviv ua vaj ntxwv kav Yudas thiab thaum kawg kav tag nrho Ixayees. Tshooj 1–4 qhia txog kev tsov rog ntev ntawm cov uas nrog Daviv tom qab Yudas tsa nws ua vaj ntxwv, thiab cov uas nrog Xa-ules. Tshooj 5–10 qhia txog Daviv txoj kev tau hwj chim nyob hauv ntau lub teb chaws. Tshooj 11–21 qhia txog qhov uas Daviv txoj kev muaj zog ntawm sab ntsuj plig poob zuj zus mus vim nws ua txhaum thiab nws tsev neeg ntxeev siab. Tshooj 22–24 piav txog Daviv txoj kev sim rov qab txais tau tus Tswv txoj kev zam txim