Ntsiab Cai Kuj saib Txoj Moo Zoo Ib txoj lus qhuab qhia, lus tseeb, los sis kev cai. Thawj ob lub ntsiab cai ntawm txoj moo zoo yog kev ntseeg txog tus Tswv Yexus Khetos thiab kev hloov siab lees txim (TNKN 1:4). Txhob tso tej ntsiab cai ntawm Khetos txoj lus qhuab qhia tseg, cia peb mus ntxiv kom txog qhov zoo tag nrho, JST, Hen. 6:1. Cov txwj laug, cov pov thawj thiab cov xib hwb ntawm lub koom txoos no yuav qhia tej ntsiab cai ntawm kuv txoj moo zoo, uas nyob hauv vaj lug kub, Q&K 42:12. Qhia nej zoo dua txog tej ntsiab cai, txog tej lus qhuab qhia, txog txhua yam, Q&K 88:78 (Q&K 97:14). Kom txhua tus neeg yuav coj raws tej lus qhuab qhia thiab ntsiab cai raws li txoj kev ywj siab xaiv uas kuv tau muab rau nws, Q&K 101:78. Peb nce txog theem twg ntawm kev txawj ntse nyob hauv lub neej no, kev txawj ntse ntawd yuav sawv los nrog peb nyob hauv lub caij kev sawv rov los, Q&K 130:18–19.