Ntshav

Cov neeg Ixayees thaum ub thiab ntau haiv neeg niaj hnub no xav tias yog lub hauv paus ntawm txoj sia los yog qhov uas ua rau txhua tus neeg muaj sia muaj zog. Nyob hauv Phau Qub lub caij nyoog, tus Tswv txwv tsis pub cov neeg Ixayees noj ntshav (Lek. 3:17; 7:26–27; 17:10–14).

Lub hwj chim theej txhoj ntawm ib txoj kev txi yog los ntawm cov ntshav vim lawv xav tias yeej yuav tsum muaj cov ntshav thiaj muaj txoj sia. Kev muab tsiaj txhu txi nyob hauv Phau Qub yog ib lub cim txog kev txi loj uas Yexus Khetos yuav ua tom qab (Lek. 17:11; Mauxes 5:5–7). Yexus Khetos cov ntshav uas theej txhoj ntxuav tus uas hloov siab lees txim tej kev txhaum (1 Yhs. 1:7).