Xwm Txheej Vaj Ntxwv
Ob phau nyob hauv Phau Qub. Ob phau no qhia keeb kwm me ntsis txog tej yam uas muaj los txij thaum Tsim Ntuj Tsim Teb mus txog thaum Xailas tshaj tawm tias yuav pub cov Neeg Yudais rov qab los rau Yeluxalees.
Xwm Txheej Vaj Ntxwv Ib
Tshooj 1–9 qhia txog tej caj ceg ntawm Adas mus txog Xa-ules. Tshooj 10 qhia txog Xa-ules txoj kev tuag. Tshooj 11–22 piav txog tej yam uas muaj feem nrog Daviv txoj kev kav. Tshooj 23–27 piav tias tau tsa Xalumoos ua vaj ntxwv thiab tau tsa cov neeg Levis. Tshooj 28 piav tias Daviv tau txib Xalumoos ua ib lub tuam tsev. Tshooj 29 qhia txog Daviv txoj kev tuag.
Xwm Txheej Vaj Ntxwv Ob
Tshooj 1–9 piav txog tej uas muaj feem nrog Xalumoos txoj kev kav. Tshooj 10–12 qhia txog Xalumoos tus tub Lehaunpau-as txoj kev kav, thaum lub sij hawm ntawd lub nceeg vaj Ixayees raug muab faib ua ob lub nceeg vaj nyob sab qaum teb thiab sab qab teb. Tshooj 13–36 qhia txog tej tug vaj ntxwv txoj kev kav mus txog thaum uas Nenpukajnexales txeeb tau Yudas lub nceeg vaj. Phau no kawg thaum Xailas tshaj tawm tias Yudas cov xeeb ntxwv uas raug ntes rov qab mus tau rau Yeluxalees.