Anplaham

Telas ib tug tub, uas yug los hauv lub nroog Ules hauv teb chaws Khadees (Chk. 11:26, 31; 17:5). Tus Tswv ib tug yaj saub uas nrog tus Tswv ua kev khi lus mus ib txhis; txhua haiv neeg ntawm lub ntiaj teb tau koob hmoov vim yog los ntawm nws. Anplaham lub npe hluas yog Anplas.

Nws khiav rau Halas, qhov chaw uas Telas tas sim neej, Chk. 11:31–32 (Anpl. 2:1–5).
Vajtswv hu nws mus rau Kana-as thiab txais kev khi lus uas los saum ntuj los, Chk. 12:1–8 (Anpl. 2:4, 15–17).
Mus rau teb chaws Iyiv, Chk. 12:9–20 (Anpl. 2:21–25).
Nyob hauv lub nroog Henploos, Chk. 13:18.
Cawm Lauj dim, Chk. 14:1–16.
Nrog Mekhixedes tham, Chk. 14:18–20.
Hankas yug nws tus tub Ixama-ees, Chk. 16:15–16.
Hloov nws lub npe hu ua Anplaham, Chk. 17:5.
Tus Tswv qhia Anplaham thiab Xalas tias nkawd yuav yug tau ib tug tub, Chk. 17:15–22; 18:1–14.
Xalas yug nws tus tub Ixaj, Chk. 21:2–3.
Tus Tswv txib nws muab Ixaj txi, Chk. 22:1–18.
Xalas tas sim neej thiab muab Xalas faus, Chk. 23:1–2, 19.
Anplaham tas sim neej thiab muab nws faus, Chk. 25:8–10.

Anplaham phau ntawv

Cov ntawv uas Anplaham sau thaum ub uas lub Koom Txoos txais tau thaum xyoo 1835. Antonio Lebolo nrhiav cov ntawv no thiab ib co neeg tuag uas tau muab qhwv cia nyob hauv tej chaw faus neeg nyob Iyiv teb, es nws muab cov ntawv no rau Michael Chandler. Chandler tso cov ntawv no rau neeg saib nyob hauv Amelikas Teb thaum xyoo 1835. Joseph Smith ib co phooj ywg yuav cov ntawv no los ntawm Chandler thiab muab rau tus Yaj Saub uas muab cov ntawv no txhais. Ib txhia ntawm cov ntawv no los muaj nyob hauv phau Lub Hlaws uas Muaj Nqis Heev

Tshooj 1 qhia txog tej uas muaj los rau Anplaham nyob hauv lub nroog Ules hauv teb chaws Khadees, yog qhov chaw uas cov pov thawj phem sim muab nws txi kom tuag. Tshooj 2 hais txog nws txoj kev tsiv mus rau Kana-as. Tus Tswv tshwm sim rau nws thiab nrog nws khi lus. Tshooj 3 hais txog qhov uas Anplaham pom tag nrho qab ntuj khwb thiab pom seb tej yam nyob saum ntuj yuav sib dhos li cas. Tshooj 4–5 yog ib zaj ntxiv txog txoj Kev Tsim.

Anplaham cov tub ki

Cov neeg uas ua raws li tej kev cai thiab tej kab ke ntawm Yexus Khetos txoj moo zoo thiaj txais tau cov lus cog tseg thiab kev khi lus uas Vajtswv khi nrog Anplaham. Txiv neej thiab poj niam txais tau cov koob hmoov no yog tias lawv yog Anplaham cov xeeb ntxwv tiag tiag los sis tau txais yuav lawv los ua cov hauv nws tsev neeg thaum lawv txais txoj moo zoo thiab ua kev cai raus dej. (Kal. 3:26–29; 4:1–7; Q&K 84:33–34; 103:17; 132:30–32; Anpl. 2:9–11). Cov uas yog Anplaham cov xeeb ntxwv tiag tiag lawv cov koob hmoov tej zaum yuav ploj mus yog tias lawv tsis mloog lus (Loos 4:13; 9:6–8).