Raws li siv hauv cov vaj lug kub, kev zam txim txhais hais tias: (1) Thaum Vajtswv zam txim rau tib neeg, Nws muab txoj kev rau txim rau txoj kev txhaum txiav tas los yog tso tseg. Dhau los ntawm Khetos txoj Kev Theej Txhoj, kev zam txim rau kev txhaum yeej muaj rau txhua tus uas hloov siab lees txim, tsuas yog cov uas tau tua neeg los yog tau ua txhaum tus Vaj Ntsuj Plig Dawb Huv uas yog txoj kev txhaum uas zam tsis tau txim xwb. (2) Thaum tib neeg zam txim ib leeg rau ib leeg, lawv ib leeg hlub ib leeg raws li Khetos txoj kev hlub thiab lawv tsis muaj kev chim rau cov uas tau ua txhaum rau lawv (Mat. 5:43–45; 6:12–15; Luk. 17:3–4; 1 Nf. 7:19–21).