Yauxej, Maivliag tus Txiv

Maivliag tus txiv, Yexus niam. Yauxej yog Daviv tus xeeb ntxwv (Mat. 1:1–16; Luk. 3:23–38) thiab nyob hauv Naxales. Nws qhaib Maivliag. Ua ntej nkawd sib yuav, tus tim tswv Khali-ees mus xyuas Maivliag; yog tus uas tshaj tawm tias tau xaiv Maivliag ua tus Cawm Seej niam (Luk. 1:26–35). Yauxej kuj txais kev tshwm sim txog kev yug los saum ntuj los no (Mat. 1:20–25).

Ntawm Yexus ob niam txiv, Maivliag yog tib tug niam uas los ntawm lub ntiaj teb vim Vajtswv Leej Txiv yog Yexus txiv. Tiam sis cov neeg Yudais xav tias Yauxej yog Yexus txiv, thiab Yexus saib nws zoo li ntawd (Luk. 2:48, 51). Vim tej zaj npau suav los saum ntuj los ceeb toom nws, Yauxej cawm tus me nyuam mos liab Yexus txoj sia thaum lawv khiav mus rau Iyiv (Mat. 2:13–14). Tom qab Helauj tas sim neej, ib tug tim tswv qhia Yauxej coj tus me nyuam Khetos rov qab mus rau Ixayees (Mat. 2:19–23).