Pov Thawj Hwj Aloos, lub

Lub pov thawj hwj yau zog (Hen. 7:11–12; Q&K 107:13–14). Tej lub luag hauj lwm ntawm lub pov thawj hwj no yog npisov, pov thawj, xib hwb, thiab diskas (Q&K 84:30; 107:10, 14–15, 87–88). Thaum ub, raws li Mauxes txoj kev cai, muaj pov thawj hlob, pov thawj, thiab neeg Levis. Vim cov Neeg Ixayees tau ntxeev siab rau Vajtswv, thiaj tau tshem tawm Mauxes thiab lub pov thawj hwj dawb huv lawm thiab cia lub pov thawj hwj uas yau zog nyob. Lawv tsis kam hloov ua neeg dawb huv thiab txais lub Pov Thawj Hwj Mekhixedes thiab cov kab ke ntawd. (Saib Q&K 84:23–26). Lub Pov Thawj Hwj Aloos yog siv los ua cov kab ke ntawm txoj kev cai thiab txoj moo zoo uas ua rau sab cev nqaij daim tawv (1 Xvn. 23:27–32; Q&K 84:26–27; 107:20). Lub pov thawj hwj no muaj cov yawm sij ntawm cov tim tswv txoj kev los txhawb pab, thiab ntawm txoj moo zoo uas qhia kev hloov siab lees txim, thiab ntawm kev cai raus dej (Q&K 13). Tau muab lub Pov Thawj Hwj Aloos txum tim rov qab los rau lub ntiaj teb hauv lub caij nyoog tso txoj cai no thaum Tsib Hlis Ntuj hnub tim 15, xyoo 1829. Yauhas tus uas Muab Neeg Ua Kev Cai Raus Dej tau muab lub pov thawj hwj no rau Joseph Smith thiab Oliver Cowdery nyob ze Harmony, Pennsylvania (Q&K 13; JS—K 1:68–73).