Cawm Seej, tus Kuj saib Yexus Khetos Tus uas cawm neeg dim. Los ntawm Nws txoj Kev Theej Txhoj, Yexus Khetos muab kev txhiv dim thiab kev cawm seej rau txhua tus tib neeg. “Cawm Seej” yog ib lub npe ntawm Yexus Khetos. Tus Tswv yog kuv lub teeb thiab kuv txoj kev cawm seej, Pnk. 27:1 (Khd. 15:1–2; 2 Xam. 22:2–3). Kuv yog tus Tswv; thiab kuv tib tug thiaj yog tus cawm seej xwb, Yay. 43:11 (Q&K 76:1). Tis nws lub npe hu ua Yexus: rau qhov nws yuav los cawm nws haiv neeg kom lawv dim lawv tej kev txhaum, Mat. 1:21. Hnub no nej tus Cawm Seej twb yug los, nws yog Khetos uas yog tus Tswv, Luk. 2:11. Vajtswv hlub neeg ntiaj teb kawg li nws Tib Leeg Tub thiaj los cawm tib neeg dim, Yhs. 3:16–17. Tsis muaj lwm lub npe tsuas yog Khetos xwb uas cawm tau tib neeg dim, Teh. 4:10–12 (2 Nf. 25:20; Mxy. 3:17; 5:8; Q&K 18:23; Mauxes 6:52). Peb saib ntsoov tos tus Cawm Seej, tus Tswv Yexus Khetos, uas yuav los saum ntuj los, Flp. 3:20. Leej Txiv txib Leej Tub los ua tus Cawm Seej ntawm lub ntiaj teb, 1 Yhs. 4:14. Tus Tswv tau tsa ib tug Mexiyas ib tug Cawm Seej ntawm neeg ntiaj teb, 1 Nf. 10:4. Vajtswv tus Me Nyuam Yaj yog neeg ntiaj teb tus Cawm Seej, 1 Nf. 13:40. Txoj kev paub txog tus Cawm Seej yuav nthuav mus thoob plaws rau txhua haiv neeg, txhua xeem neeg, txhua yam lus, thiab txhua yam neeg, Mxy. 3:20. Khetos yeej yuav tsum tuag tiag xwv kom txoj kev cawm seej yuav los tau, Hlm. 14:15–16. Kev hloov kom tsis muaj txim thiab kev hloov ua dawb huv los ntawm tus Cawm Seej yeej ncaj thiab tseeb, Q&K 20:30–31. Kuv yog Yexus Khetos, tus Cawm Seej ntawm neeg ntiaj teb, Q&K 43:34. Kuv Tib Leeg Tub yog tus Cawm Seej, Mauxes 1:6. Tag nrho cov uas ntseeg Leej Tub thiab hloov siab lees txim rau lawv tej kev txhaum yuav txais kev cawm dim, Mauxes 5:15.