Hanpakus
Ib tug yaj saub hauv Phau Qub, nyob hauv Yudas uas hais txog cov neeg tej kev phem, tej zaum nyob rau lub sij hawm thaum Yehauyakhees kav teb chaws (kwv yees xyoo 600 ua ntej Yexus yug los).
Phau ntawv Hanpakus
Tshooj 1 yog cov lus sib tham ntawm tus Tswv thiab Nws tus yaj saub, uas zoo li cov uas muaj nyob hauv Yelemis 12 thiab Lus Qhuab Qhia thiab Kev Khi Lus 121. Hanpakus nyuaj siab heev uas cov neeg phem ho vam meej. Nyob hauv tshooj 2 tus Tswv ntuas Hanpakus hais tias kom ua siab ntev—cov neeg ncaj ncees yuav tsum xyaum ua lub neej nrog kev ntseeg. Tshooj 3 yog sau txog Hanpakus cov lus thov Vajtswv uas nws lees paub Vajtswv txoj kev txim lij.