Neeg Txais Qub Txeeg Qub Teg, tus Ib tug neeg uas yuav tau txais tej txiaj ntsim ntawm sab cev nqaij daim tawv los sis ntawm sab ntsuj plig uas nws tug. Nyob hauv vaj lug kub, muaj lus cog tseg hais tias cov neeg ncaj ncees yuav tau txais tag nrho Vajtswv tej qub txeeg qub teg. Anplaham xav kom muaj ib tug me nyuam los txais nws tej qub txeeg qub teg, Chk. 15:2–5. Anplaham tau los ua tus uas txais tej qub txeeg qub teg ntawm lub ntiaj teb los ntawm kev ncaj ncees ntawm txoj kev ntseeg, Loos 4:13. Peb yog Vajtswv cov me nyuam, thiab vim peb yog cov me nyuam, ces peb yuav txais tej qub txeeg qub teg, los ntawm Vajtswv thiab nrog Khetos txais yuav, Loos 8:16–17 (Q&K 84:38). Koj yog ib tug tub, tus uas txais tau Vajtswv tej qub txeeg qub teg los ntawm Khetos, Kal. 4:7. Vajtswv tau xaiv nws Leej Tub los ua tus txais tag nrho nws tej qub txeeg qub teg ntawm txhua yam, Hen. 1:2. Cov uas tos ntsoov rau hnub uas yuav zam lawv tej kev txhaum yog cov uas yuav tau Vajtswv lub nceeg vaj los ua lawv tug, Mxy. 15:11. Cov neeg no los ua Khetos cov me nyuam thiab cov uas tau Vajtswv lub nceeg vaj ua lawv tug, 4 Nf. 1:17. Cov uas tuag es tsis tau paub txog txoj moo zoo yuav tau Vajtswv lub nceeg vaj xilethi-aus los ua lawv tug, Q&K 137:7–8. Cov neeg tuag uas hloov siab lees txim yog cov muaj tug txais txoj kev cawm seej, Q&K 138:58–59. Anplaham muaj cai tau tej koob hmoov ntawd ua nws tug vim nws ncaj ncees, Anpl. 1:2.