Cov Neeg Yudais yog (1) cov xeeb leej xeeb ntxwv ntawm Yudas, ib tug tub ntawm Yakhauj kaum ob tug tub, (2) cov neeg ntawm lub nceeg vaj Yudas sab qab teb yav thaum ub, los yog (3) cov neeg uas ntseeg kev cai Yudais, ua neej raws li nws thiab nws tej kab lis kev cai tiam sis tej zaum yog los sis tsis yog Neeg Yudais yug. Los txog tam sim no coob leej pib siv lo lus Yudais thaum hais txog tag nrho Yakhauj cov xeeb leej xeeb ntxwv, tiam sis ua li no yuam kev lawm. Tsuas yuav tsum siv lo lus no thaum hais txog cov uas los ntawm lub nceeg vaj Yudas los xwb los sis, qhov tseem ceeb tshaj niaj hnub no, cov uas los ntawm pab xeem neeg Yudas thiab lwm xeem neeg uas nyob nrog lawv.