Hauxanas

Ib lo lus uas los ntawm lus Henplais uas txhais tias “thov cawm peb dim” thiab siv thaum qhuas thiab thov pab.

Thaum ua Rooj Noj Rooj Haus ntawm cov Tsev Ntaub, uas yog kev ua koob tsheej tus Tswv txoj kev coj cov neeg Ixayees dim mus rau thaj av uas cog lus cia lawm, cov tib neeg tau hu cov lus hauv Phau Ntawv Nkauj 118 thiab co tej ceg toov laj. Lub sij hawm zoo kawg nkaus thaum tus Tswv nkag rau hauv Yeluxalees, cov neeg coob coob quaj hais tias “Hauxanas” thiab nthuav tej ceg toov laj pua txoj kev rau Yexus tus nees luav mus rau saud, li no qhia tias lawv to taub tias Yexus yog tib tug Tswv uas tau coj cov neeg Ixayees dim puag thaum ub (Pnk. 118:25–26; Mat. 21:9, 15; Mak. 11:9–10; Yhs. 12:13). Cov neeg no paub Khetos yog tus Mexiyas uas neeg tau tos ntev los lawm. Lo lus Hauxanas tau hloov los ua ib lo lus kev zoo siab txog tus Mexiyas hauv txhua lub caij nyoog (1 Nf. 11:6; 3 Nf. 11:14–17). Muaj txoj kev hu hauxanas nyob hauv txoj kev fij lub Tuam Tsev Kirtland (Q&K 109:79) thiab tam sim no yog ib feem ntawm txoj kev fij tej tuam tsev niaj hnub no.