Nyob hauv cov vaj lug kub, kev foom tsis zoo yog txoj kev phua cai raws li ntuj ceeb tsheej txoj kev cai uas cia los sis coj kev txiav txim thiab tej kev tsub txim los rau ib yam dab tsi, ib tug neeg, los sis ib haiv neeg, feem ntau vim yog txoj kev tsis ncaj ncees. Kev foom tsis zoo ua rau peb pom Vajtswv txoj kev hlub thiab kev txim lij. Qee zaus Vajtswv yog tus hais tej lus foom tsis zoo kiag los sis Nws cov tub qhe yog cov uas hais. Qee zaus, tsuas yog Vajtswv xwb thiaj paub tias vim li cas thiaj raug kev foom tsis zoo. Tsis tas li ntawd xwb, cov uas txhob txwm tsis mloog Vajtswv lus yuav raug kev foom tsis zoo yog li ntawd lawv thiaj thim lawv tus kheej nrug deb ntawm tus Tswv tus Ntsuj Plig.
Tej zaum tus Tswv yuav tshem ib tug los sis ib co neeg tej kev raug foom tsis zoo mus vim lawv ntseeg Yexus Khetos thiab ua raws li tej kev cai thiab tej kab ke ntawm txoj moo zoo (Amas 23:16–18; 3 Nf. 2:14–16; TNKN 1:3).