Elisas

Ib tug yaj saub hauv Phau Qub nyob ntawm haiv Neeg Ixayees lub Nceeg Vaj Pem Qaum Teb thiab ib tug neeg uas coob tus vaj ntxwv hauv teb chaws ntawd tso siab rau.

Elisas muaj siab mos thiab hlub lwm leej lwm tus, nws tsis mob siab ua tej yam loj loj li nws tus xib hwb, Eliyas, tau ua. Tej txuj ci tseem ceeb uas nws tau ua (2 Vnt. 2–5; 8) ua tim khawv tias nws twb txais Eliyas lub hwj chim thaum nws pauv Eliyas chaw ua tus yaj saub (2 Vnt. 2:9–12). Piv xam hais tias, nws tau kho cov dej hauv lub pas dej uas muaj dej iab, muab tus Dej Yauladees faib hlo rau ob sab, ntxiv tus poj ntsuam cov roj, tsa ib tug tub hluas ntawm kev tuag rov los, kho ib tug txiv neej txoj kev mob ruas kom zoo, ua rau rab taus ntab tuaj, thiab ua rau cov Neeg Xilias dig muag (2 Vnt. 2–6). Nws qhuab qhia tib neeg ntev tshaj tsib caug xyoo thaum uas Yehaulas, Yehus, Yehau-ahas, thiab Yau-ases ua vaj ntxwv.