Yaloos
Nyob hauv Phau Ntawv Maumoos, Enos ib tug tub thiab Lihais ib tug tub xeeb ntxwv. Nws ceev cov Neeg Nifais cov xwm txheej rau rau caum xyoo, xyoo 420 mus txog 361 ua ntej Yexus yug los (Enos 1:25; Yaloos 1:13). Nws yog ib tug txiv neej uas rau siab ntseeg uas txiav txim kom tsis tshua sau ntau heev rau hauv phau keeb kwm ceev xwm txheej (Yaloos 1:2).
Yaloos phau ntawv
Tsuas muaj kaum tsib nqe nyob hauv phau no hauv Phau Ntawv Maumoos. Yaloos sau tias cov Neeg Nifais tseem ua neej raws li Mauxes txoj kev cai ntxiv mus thiab tos ntsoov rau txoj kev uas Khetos yuav los. Cov vaj ntxwv uas yog ib co neeg muaj kev ntseeg heev tau coj lawv. Lawv vam meej thaum lawv mloog lawv cov yaj saub, cov pov thawj, thiab cov xib hwb.