Raws li siv hauv cov vaj lug kub, Lwm Haiv Neeg txhais tau ua ob peb yam. Qee zaum yog hais txog ib haiv neeg uas tsis koom tsev neeg Ixayees, qee zaum yog hais txog ib haiv neeg uas tsis yog Neeg Yudais caj ceg, thiab qee zaum yog hais txog cov teb chaws uas tsis muaj txoj moo zoo, txawm hais tias tej zaum tej teb chaws ntawd kuj muaj roj ntshav Ixayees nyob hauv lawv thiab. Qhov uas hais kawg no yog lub ntsiab uas siv feem ntau nyob hauv Phau Ntawv Maumoos thiab phau Lus Qhuab Qhia thiab Kev Khi Lus.