Hexekiyas

Ib tug vaj ntxwv ncaj ncees ntawm haiv neeg Yudas nyob hauv Phau Qub. Nws kav nees kaum cuaj xyoo, thaum lub sij hawm uas Yaxayas yog tug yaj saub hauv Yudas teb chaws (2 Vnt. 18–20; 2 Xvn. 29–32; Yay. 36–39). Yaxayas pab nws kho lub koom txoos thiab lub tsoom fwv huv tib si. Nws txwv kev pe mlom kom tsis muaj lawm thiab rov qab qhib kev ua hauj lwm hauv lub tuam tsev. Hexekiyas lub neej ntev zog kaum tsib xyoo los ntawm kev thov Vajtswv thiab kev ntseeg (2 Vnt. 20:1–7). Thaum nws nyuam qhuav pib kav muaj kev vam meej, tiam sis nws txoj kev ntxeev siab tawm tsam teb chaws Axilias tus vaj ntxwv (2 Vnt. 18:7) ua kom cov neeg Axilias tuaj txeeb teb chaws ob zaug: piav txog zaus ib hauv Yaxayas 10:24–32, zaus ob hauv 2 Vaj Ntxwv 18:13–19:7. Thaum tuaj txeeb teb chaws zaus ob, tus Tswv ib tug tim tswv tau cawm Yeluxalees dim (2 Vnt. 19:35).