151
Cov Txwj Laug ntawm Ixayees
Txiv Neej
Ua siab loj
1. Cov txwj laug ntawm Ixayees los koom nrog kuv mus
Thiab nrhiav cov neeg ncaj ncees txawm lawv nyob qhov twg—
Tom tiaj suab puam, saum toj roob, nruab nqhuab, los hiav txwv—
Thiab coj lawv rau Xioos nyob nrog kev dawb huv.
[Chorus]
Auj Npanpiloos, au Npanpiloos, peb yuav tso koj tseg;
Peb mus nyob saum roob Efalais ua ke.
2. Cov nplej siav puv teb, tiam sis cov neeg hlais muaj tsawg;
Yog peb sib koom peb ua tau txhua yam tsis txhawj.
Peb yeej yuav sau cov nplej zoo tawm ntawm cov npluag nplej
Thiab coj lawv khiav tawm kev tu siab kev ua qhev.
[Chorus]
Auj Npanpiloos, au Npanpiloos, peb yuav tso koj tseg;
Peb mus nyob saum roob Efalais ua ke.
3. Ib yam li peb tus Thawj Tub Rog, peb yuav mus xyuas
Cov neeg uas qaug zog, cov tshaib plab thiab cov pluag;
Peb yuav txhawb lawv lub siab ntsws nrog nws txoj moo zoo
Thiab coj lawv taug kev los mus nyob hauv Xi-oos.
[Chorus]
Auj Npanpiloos, au Npanpiloos, peb yuav tso koj tseg;
Peb mus nyob saum roob Efalais ua ke.
Cov lus: Cyrus H. Wheelock, 1813–1894
Suab nkauj: Thomas H. Bayly, 1797–1839, tau muab hloov