35
Lub Teeb, Thov Coj Kuv Kev
Zoo li thov Vajtswv
1. Lub Teeb, thov coj kuv hauv kev tsaus ntuj nti;
Thov coj kuv kev!
Txog hmo ntuj lawm thiab kuv tsev nyob deb li;
Thov coj kuv kev!
Thov coj kuv mus; Tsis yog kuv thov xav ntsia
Rau yav tom ntej—ib kauj ruam thiaj txaus siab.
2. Thaum yav tas los kuv tsis tau thov kom koj
Yuav coj kuv kev.
Kuv nyiam xaiv kuv txoj kev; tiam sis ziag no,
Thov coj kuv kev!
Kuv nyiam nruab hnub, thiab txawm yog kuv ntshai los,
Kuv muaj siab hlob. Txhob nco txog yav tas los.
3. Ntev loo koj lub hwj chim pab kuv thiab tseem
Yuav coj kuv kev
Kom hla tej toj roob hauv pes thiab cov dej
Tas kuv lub neej.
Thaum tas sim neej kuv yuav pom lawv luag ntxhi,
Cov uas ncaim ntev, cov uas kuv hlub kawg li.
Cov lus: John Henry Newman, 1801–1890
Suab nkauj: John B. Dykes, 1823–1876