11
Yauxej Xamiv Thawj zaj Thov Vajtswv
Nrog meej mom
1. Yog ib tag kis sawv ntxov uas zoo!
Lub hnub tab tom ci ntsa iab tuaj.
Thaum ntawd yog lub caij nplooj ntoo hlav.
Suab noog quaj zom zaws zoo mloog heev.
Yauxej thiaj mus tom ib lub hav zoov
Vim nws xav paub tus Tswv Ntuj.
Yauxej thiaj mus tom ib lub hav zoov
Vim nws xav paub tus Tswv Ntuj.
2. Yog thawj thawj zaus nws thov Vajtswv,
Nws thiaj li txhos caug nyo taub hau.
Ntxwg Nyoog ua Yauxej ntshai heev kawg
Kom Yauxej hais tsis tau lus lawm.
Ces Yauxej thiaj thov hauv nws nruab siab;
Nws cia siab tus Tswv hlub nws.
Ces Yauxej thiaj thov hauv nws nruab siab;
Nws cia siab tus Tswv hlub nws.
3. Txoj kev kaj ci ntsa iab tshwm sim
Ci tshaj cov tshav ntuj thaum tav su.
Qhov kaj ntawd txawm los ze zuj zus
Txog ntua Yauxej nws zoo siab heev.
Yauxej pom ob tug tib neeg dawb paug;
Vajtswv thiab tus Tswv Yexus.
Yauxej pom ob tug tib neeg dawb paug;
Vajtswv thiab tus Tswv Yexus.
4. Thaum ntawd Vajtswv hais tias “Yauxej,
Tus no yog kuv tus tub. Mloog nws!”
Vajtswv twb teb Yauxej cov lus,
Thiab Yauxej mloog tus Tswv txoj lus.
Nws zoo siab heev tsis pom qab piav tau
Vim nws paub tus Tswv nyob tiag!
Nws zoo siab heev tsis pom qab piav tau
Vim nws paub tus Tswv nyob tiag!
Cov lus: George Manwaring, 1854–1889
Suab nkauj: Sylvanus Billings Pond, 1792–1871; tau muab hloov, A. C. Smyth, 1840–1909