ថ្នាក់​សិក្ខាសាលា
មេរៀន​ទី ១៥៨ ៖ ការពន្លឿន​កិច្ចការ​នៃ​សេចក្ដីសង្គ្រោះ


មេរៀនទី ១៥៨

ការពន្លឿន​កិច្ចការ​នៃ​សេចក្ដីសង្គ្រោះ

បុព្វកថា

តាំង​ពី​ការ​ចាប់​ផ្ដើម​នៃ​ការ​ស្ដារឡើងវិញ កិច្ចការ​នៃ​ព្រះអម្ចាស់​បាន​ពង្រីក​ទៅទូទាំង​ពិភពលោក ។ យើង​រស់នៅក្នុង​ជំនាន់​មួយ ដែលព្រះអម្ចាស់​កំពុង​ពន្លឿន​កិច្ចការ​របស់ទ្រង់ ។ យុវវ័យ​នៃ​សាសនាចក្រ​មានធនធាន​ និង​ឱកាសជាច្រើន​ដើម្បី​រួម​ចំណែក​ចំពោះ​ការ​ពន្លឿន​កិច្ចការ​របស់ព្រះអម្ចាស់ ។

យោបល់​សម្រាប់​ការបង្រៀន

ព្រះអម្ចាស់ កំពុង​ពន្លឿន​កិច្ចការ​របស់​ទ្រង់

សូម​អញ្ជើញសិស្ស​ឲ្យដើរ​ពី​ជ្រុង​ម្ខាង​ទៅជ្រុង​ម្ខាង​ទៀតនៃបន្ទប់​ថ្នាក់​រៀន​ដោយ​ល្បឿនធម្មតា ។ បន្ទាប់មក​សុំ​សិស្ស​ឲ្យ​ដើរ​ឆ្លងកាត់​បន្ទប់ម្ដងទៀត ហើយដើរក្នុង​ដំណើរលឿន ឬបង្កើនល្បឿន ។ ខណៈដែលសិស្សកំពុង​ដើរ​ឆ្លង​កាត់បន្ទប់ជាលើក​ទីពីរ សូម​សួរ​ដល់សិស្សក្នុងថ្នាក់​នូវ​សំណួរ​ដូច​ខាង​ក្រោម ៖

  • តើ​ការពន្លឿន​អ្វីមួយមាន​ន័យ​យ៉ាងណា ? ( បង្កើនល្បឿនវា ) ។ តើមានមូលហេតុបែបណាខ្លះដែលមនុស្ស​អាចនឹងពន្លឿន ឬបង្កើនល្បឿនការងារនោះ ?

សូម​អញ្ជើញ​សិស្ស​ម្នាក់​ឲ្យ​អាន គោលលទ្ធិ និង សេចក្ដី​សញ្ញា ៨៨:៧៣ ឲ្យឮៗ ។ សូម​ឲ្យ​សិស្ស​ក្នុង​ថ្នាក់​ផ្ទៀង​តាម​ ស្វែងរកអ្វី​ ដែល​ព្រះអម្ចាស់​បានមាន​បន្ទូលថា ទ្រង់នឹង​ពន្លឿន ។ សូម​ឲ្យ​សិស្ស​រៀបរាប់​ពី​អ្វី​ដែល​ពួកគេ​រកឃើញ ។

  • តើ​អ្នក​គិត​ថាការពន្លឿន​កិច្ចការ​របស់ព្រះអម្ចាស់ មានន័យ​យ៉ាង​ណា​ចំពោះទ្រង់ ?

យោងទៅលើ គោលលទ្ធិ និង សេចក្ដី​សញ្ញា ៨៨:៧៣អែលឌើរ រ័សុល អិម ណិលសុន បាន​មានប្រសាសន៍​ថា « ពេលវេលា​នៃការ​ពន្លឿន​នោះ គឺ​ជាពេលឥឡូវនេះហើយ » («Thus Shall My Church Be Called» Ensign ខែ ឧសភា ឆ្នាំ ១៩៩០ ទំព័រ ១៧ ) ។ សូម​សរសេរ​នូវ​គោលលទ្ធិ​ដូច​ខាង​ក្រោម​នៅលើ​ក្ដារខៀន ៖យើង​រស់នៅ​ក្នុងគ្រា​មួយ​ដែលព្រះអម្ចាស់​កំពុង​ពន្លឿន​កិច្ចការ​របស់ទ្រង់ ។

  • តើ​អ្នកបាន​ធ្វើ​ជា​សាក្សី​ថា ព្រះអម្ចាស់​កំពុង​ពន្លឿនកិច្ចការ​របស់​ទ្រង់ តាមរបៀបណាខ្លះ ?

សូម​អញ្ជើញ​សិស្ស​ម្នាក់​ឲ្យ​អាន គោលលទ្ធិ និង សេចក្ដី​សញ្ញា ១៣៣:១០ ឲ្យឮៗ ។ សូម​ឲ្យសិស្ស​ក្នុង​ថ្នាក់​ផ្ទៀង​តាម ស្វែងរក​នូវអ្វី​ដែល​ខគម្ពីរ​នេះ ផ្ដល់​យោបល់​អំពី​មូលហេតុ​ដែលព្រះអម្ចាស់​នឹង​ពន្លឿន​កិច្ចការ​របស់ទ្រង់ ។

  • តើ​ខគម្ពីរ​នេះ​ផ្ដល់​យោបល់​ដូចម្តេចខ្លះ អំពី​មូលហេតុ​ដែលព្រះអម្ចាស់​នឹង​ពន្លឿន​កិច្ចការ​របស់ទ្រង់ ? ( ដើម្បីជួយ​មនុស្ស​ត្រៀម​ខ្លួន​សម្រាប់ការ​យាងមក​ជា​លើក​ទីពីរ ) ។

សូម​ដាក់​បង្ហាញ​រូបភាព ប្រធាន ស្ពែនស៊ើរ ដបុលយូ ឃឹមបឹល​ (​សៀវភៅ​សិល្បៈ​ដំណឹងល្អ [ឆ្នាំ ២០០៩ ] ទំព័រ ១៣៣, សូមមើលផងដែរ LDS.org) ។ សូម​ពន្យល់​ថា អំឡុង​ពេលការបម្រើ​របស់​ប្រធាន ស្ពែនស៊ើរ ដបុលយូ ឃឹមបឹល ក្នុងនាមជា​ប្រធាន​សាសនាចក្រ ព្រះអម្ចាស់​បានពន្លឿន​កិច្ចការ​របស់ទ្រង់ ។ ឧទាហរណ៍ កិច្ចការ​ផ្សព្វផ្សាយសាសនា​បាន​ពង្រីក ហើយ​សាសនាចក្រ​បាន​បោះពុម្ព​កំណែថ្មី​នៃ​ព្រះគម្ពីរ ។ នៅពេល​លោក​លើក​ទឹកចិត្ត​ដល់សមាជិក​សាសនាចក្រ​ឲ្យបោះជំហាន​ឆ្ពោះ​ទៅមុខ នោះប្រធាន ឃឹមបឹលបាន​មានប្រសាសន៍​ថា សាសនាចក្រ « បាន​បញ្ឈប់ជំហាននៅ​ត្រង់​កន្លែង​ខ្លះ យូរ​ល្មម​គ្រប់គ្រាន់ហើយ » ( «Let Us Move Forward and Upward» Ensign ខែ ឧសភា ឆ្នាំ ១៩៧៩ ទំព័រ ៨២ ) ។ លោក​ក៏បានបង្រៀន​ផងដែរ​ថា « យើង​ត្រូវ​តែពង្រីកការ​បោះ​ជំហាន​របស់​យើង ហើយត្រូវ​តែធ្វើវា​ឥឡូវនេះ » (Always a Convert Church: Some Lessons to Learn and Apply This Year » Ensign ខែកញ្ញា ឆ្នាំ ១៩៧៥ ទំព័រ ៣ ) ។

រូបភាព
ប្រធាន ស្ពែនស៊ើរ ដបុលយូ ឃឹមបឹល
  • តើ​អ្នកគិត​ថា​ប្រធាន ឃឹមបឹល ចង់មានន័យ​យ៉ាងណា នៅពេល​លោក​មានប្រសាសន៍​ថា យើង​ត្រូវ​តែ « ពង្រីកការ​បោះ​ជំហាន​របស់​យើង » ?

ដើម្បីជួយសិស្សយល់អំពី​របៀប​មួយចំនួន​ ដែល​ព្រះអម្ចាស់​កំពុង​ពន្លឿន​កិច្ចការ​របស់ទ្រង់​បច្ចុប្បន្ន​នេះ និង​របៀប​មួយចំនួន​ដែល​ពួកគេ​អាច​ចូលរួម​នៅក្នុង​កិច្ចការ​របស់ទ្រង់ សូម​ធ្វើ​សកម្មភាព​ដូច​ខាង​ក្រោម ៖

សូម​បំបែក​សិស្ស​ជា​បីក្រុម​ ហើយ​ផ្ដល់​ដល់​សិស្ស​ក្នុង​ក្រុម​និមួយៗ​នូវ ច្បាប់​ចម្លង​នៃ​កិច្ចការ​បង្រៀនមួយ​ដូច​ខាង​ក្រោម​។ សូម​ផ្ដល់​ដល់សិស្ស​នូវ​រយៈពេលពីរ​បីនាទី​ដើម្បី​សិក្សា និងត្រៀមខ្លួនដើម្បីបង្រៀន​តាម​កិច្ចការរបស់ពួកគេដល់មិត្តរួមថ្នាក់ ។ បន្ទាប់ពីផ្ដល់ពេលគ្រប់គ្រាន់​ហើយ​នោះ សូមរៀបចំ​សិស្ស​ជា​ក្រុមៗ​ដែល​មានបីនាក់ ដោយមាន​សិស្ស​ម្នាក់​ពី​ក្រុម​ដើមនិមួយៗ ។ សូមអញ្ជើញសិស្ស​ឲ្យ​ផ្លាស់វេន​គ្នា​ង្រៀន​ក្រុមរបស់ពួកគេ អំពី​របៀប​ដែល​ព្រះអម្ចាស់​កំពុង​ពន្លឿន​កិច្ចការ​របស់​ទ្រង់ និង​របៀប​ដែលពួកគេ​អាច​ចូលរួម​ក្នុងកិច្ចការ​នោះ ។

កិច្ចការ​បង្រៀន​ទី ១ ៖ ការ​ពន្លឿន​កិច្ចការ​ផ្សព្វផ្សាយសាសនា

ប្រធាន ស្ពែនស៊ើរ ដបុលយូ ឃឹមបឹល បាន​ប្រាប់ពួកបរិសុទ្ធ​ថា ព្រះអម្ចាស់​បាន​រៀបចំ ដើម្បី​បើក​ទ្វា​សម្រាប់​ពួកគេ​ឲ្យចែកចាយដំណឹងល្អ រួមទាំង​នៅក្នុង​ជាតិសាសន៍​ដែល​ពុំ​អនុញ្ញាត​ឲ្យ​មាន​កិច្ចការ​ផ្សព្វផ្សាយសាសនា​ផងដែរ ។ ទោះ​ជា​យ៉ាង​ណា​ក៏​ដោយ លោក​ក៏បាន​មានប្រសាសន៍​ថា ពួកបរិសុទ្ធ​ចាំបាច់​ត្រូវ​ត្រៀម​ខ្លួន​ឯង​ដើម្បីទទួលយក​ឱកាស​នោះផងដែរ ។ ប្រធាន ឃឹមបឹល​ក៏បាន​ថ្លែងទីបន្ទាល់​ថា បើ​យុវជនគ្រប់រូប​ត្រៀម​ខ្លួន​បម្រើ​បេសកកម្ម​ពេញម៉ោង នោះព្រះអម្ចាស់​នឹង​បើក​ទ្វា ហើយ​ផ្ដល់​មធ្យោបាយ​មួយ​សម្រាប់កិច្ចការ​ផ្សព្វផ្សាយសាសនា ដើម្បី​ចេញទៅ​ពេញពិភពលោក​ទាំងមូល ។ លោក​បាន​ប្រកាស​ថា ៖

រូបភាព
ប្រធាន ស្ពែនស៊ើរ ដបុលយូ ឃឹមបឹល

« ខ្ញុំ​ដឹង​ថា ពួកគេ​មាន​វាំងនន ដូចជា​វាំងនន​ដែក និង​វាំងន​ន​ឬស្សី ។ ខ្ញុំដឹង​ថា​វាលំបាក​ខ្លាំង ដោយសារ​យើងបាន​ខិតខំបញ្ចេញសមត្ថភាពខ្លះ​ហើយ ។… « ប៉ុន្តែខ្ញុំ​អាចមើល​ឃើញ​ថា វាគ្មាន​ហេតុ​ផលល្អទេ ដែល​ព្រះអម្ចាស់​នឹង​បើក​ទ្វារ​ ដែលយើង​ពុំ​បាន​ត្រៀម​ខ្លួនដើរ​ចូល​ទៅ​នោះ ។ ហេតុអ្វី​ក៏​ទ្រង់​គប្បី​បំបាក់​វាំងនន​ដែក ឬ​វាំងនន​ឬស្សី ឬ​វាំងនន​ផ្សេងទៀត បើ​យើង​ពុំ​ត្រៀមខ្លួន​ដើម្បី​ដើរ​ចូល​ផងនោះ ? «When the World Will Be Converted,»Ensignខែ តុលា ឆ្នាំ ១៩៧៤ ទំព័រ ៥, ៧ ) ។

សមាជិក​នៃ​សាសនាចក្រ​បាន​ធ្វើតាម​ការ​ទូន្មាន​របស់ប្រធាន ឃឹមបឹល ហើយ​បាន​ត្រៀម​ខ្លួន​ដើម្បី​ចែកចាយដំណឹងល្អ ។ អំឡុងការដឹកនាំរបស់​ប្រធាន ឃឹមបឹល នោះ​ចំនួន​អ្នក​ផ្សព្វផ្សាយសាសនា​ពេញម៉ោង បានកើន​ឡើង​ច្រើនជាង ៥០ ភាគ​រយ ។ នៅ​ចុង​ឆ្នាំ ១៩៨០ និង​ដើម​ឆ្នាំ ១៩៩០ រដ្ឋាភិបាល​អាល្លឺម៉ង់​ខាង​កើត ប្រទេសជាតិទាំងឡាយនៅ​ក្នុង​សហភាព​សូវៀត​ពី​ដើម និង​ប្រទេសជាតិនានាឯទៀត ជាទីកន្លែងដែល​កិច្ចការ​ផ្សព្វផ្សាយ​សាសនា​ត្រូវ​បាន​ដាក់កំហិត​ពីមុន​នោះ បាន​ចាប់​ផ្ដើម​អនុញ្ញាត​ឲ្យ​អ្នក​ផ្សព្វផ្សាយសាសនា​ចូល​ទៅ​ចែកចាយ​ដំណឹងល្អ​នៅក្នុង​ប្រទេស​ទាំងនេះ ។ ការព្យាករណ៍​របស់​ប្រធាន ឃឹមបឹល ត្រូវ​បាន​បំពេញ ។

នៅក្នុង​ខែ​តុលា ឆ្នាំ ២០០៨ ប្រធាន ថូម៉ាស អេស ម៉នសុន បាន​ថ្លែង​បញ្ជាក់ឡើងវិញ​នូវ​ដំបូន្មាន​ដែល​ប្រធាន ឃឹមបឹល បានផ្ដល់​ឲ្យថា ៖

រូបភាព
ប្រធាន ថូម៉ាស អេស ម៉នសុន

« នៅមាន …តំបន់​ជាច្រើន​នៅក្នុងពិភពលោក​ដែល​ឥទ្ធិពល​របស់​យើងនៅ​មាន​កម្រិត ហើយ​ជាកន្លែង​ដែល​យើង​ពុំ​ត្រូវ​បាន​អនុញ្ញាត​ឲ្យចែកចាយ​ដំណឹងល្អ​ដោយសេរី​ ។ ក៏ដូចជា​ប្រធាន ស្ពែនស៊ើរ ដបុលយូ ឃឹមបឹល កាលពី ៣២ ឆ្នាំ​មុន ខ្ញុំសូម​លើក​ទឹកចិត្តអ្នក​ឲ្យ​អធិស្ឋាន​សុំ​ការ​បើក​តំបន់​ទាំងនោះ ដើម្បី​យើងអាច​ចែកចាយ​ជាមួយពួកគេ​នូវ​សេចក្ដីអំណរ​នៃ​ដំណឹងល្អ ។ នៅពេល​យើង​បាន​អធិស្ឋាន​ក្នុងការ​ឆ្លើយតបចំពោះ​ការ​អង្វរ​ករ​របស់​ប្រធាន ឃឹមបឹល នោះ​យើង​បានឃើញ​អព្ភូតហេតុ​បើក​សម្ដែង​ពី​ប្រទេស​មួយទៅ​ប្រទេសមួយ ដែល​កាលពីមុន​បាន​បិទ​ទ្វារចំពោះ​សាសនាចក្រ​ ត្រូវ​បាន​បើកទ្វារឲ្យ​សាសនាចក្រ​ចូលវិញ ។​ ការណ៍ដូច្នេះ នឹង​កើតឡើង​ម្ដងទៀត នៅពេល​យើង​អធិស្ឋាន​ដោយសេចក្ដីជំនឿ (« Welcome to Conference»Ensignលីអាហូណាខែ វិច្ឆិកា ឆ្នាំ ២០០៨ ទំព័រ ៦ ) ។

សូម​ចង្អុល​បង្ហាញ​ថា នៅពេល​ប្រធាន ឃឹមបឹល បាន​លើក​ទឹកចិត្ត​ដល់​សមាជិក​សាសនាចក្រ​ឲ្យ​ពង្រីកជំហាន​របស់​ពួកគេ នោះលោក​បាន​បញ្ជាក់អំពីទំនួលខុសត្រូវមួយរបស់យុវជនគ្រប់រូបក្នុងសាសនាចក្រ ។ សូមអញ្ជើញ​សមាជិកម្នាក់​ពី​ក្រុម​របស់អ្នក​ឲ្យ​អាន​នូវសេចក្ដីថ្លែងការណ៍ដូចខាង​ក្រោម​ឲ្យ​ឮៗ ៖

រូបភាព
ប្រធាន ស្ពែនស៊ើរ ដបុលយូ ឃឹមបឹល

« សំណួរ​ត្រូវបាន​សួរ​ជារឿយៗ​ថា ៖ តើ​យុវជន​គ្រប់រូប​គួរតែ​បំពេញ​បេសកកម្ម​ដែរ​ឬទេ ? ហើយ​ចម្លើយ​ត្រូវ​បាន​ប្រទាន​ឲ្យដោយព្រះអម្ចាស់ ។ គឺ ‹ពិតមែនហើយ› ។ យុវជន​គ្រប់រូប​គប្បី​បំពេញ​បេសកកម្ម​ » («When the World Will Be Converted» ទំព័រ ៨ )។

សូមរំឮកសមាជិកនៃក្រុមរបស់​អ្នកថា ពួកព្យាការី​បាន​បន្ដ​លើក​ទឹកចិត្ត​យុវជន​ដែល​សក្ដិសម និង​មាន​សមត្ថភាព​គ្រប់រូប​ បម្រើ​បេសកកម្ម​ពេញម៉ោង ។ ពួកព្យាការី​ក៏​ស្វាគមន៍​ដល់​យុវនារី​ឲ្យ​បម្រើ​បេសកកម្ម​ពេញម៉ោង​ផងដែរ បើ​ពួកគេ​មានបំណង​ចង់​ធ្វើ​ ។ នៅ​ខែ​តុលា ឆ្នាំ ២០១២ ប្រធាន ថូម៉ាស អេស ម៉នសុន បាន​ប្រកាស​អំពី​ការ​ផ្លាស់ប្ដូរ​អាយុដែល​តម្រូវ​ឲ្យចេញ​ផ្សព្វផ្សាយ​សាសនា ដោយអនុញ្ញាត​ឲ្យ​យុវជន​ចាប់​ផ្ដើ​ម​ការ​បម្រើ​នៅវ័យ ១៨ ឆ្នាំ ហើយ​យុវនារី​នៅ​វ័យ ១៩ ឆ្នាំ ។

សូម​ពិភាក្សា​សំណួរ​ខាង​ក្រោម​នេះ​ជា​ក្រុម ៖

  • ស្របតាម​ពួកព្យាការីថ្ងៃ​ចុង​ក្រោយ តើការ​រំពឹងទុកអ្វីខ្លះ​ដែលព្រះអម្ចាស់​មាន​ចំពោះ​យុវជន ទាក់ទង​នឹង​កិច្ចការ​ផ្សព្វផ្សាយសាសនា​ពេញម៉ោង​ ? ( ទោះ​សមាជិក​ក្រុម​អាច​ប្រើពាក្យ​ផ្សេង​ក្ដី ក៏ចម្លើយ​របស់ពួគគេ​គប្បី​ឆ្លុះ​បញ្ចាំង​នូវគោលការណ៍​ដូច​ខាង​ក្រោម ៖យុវជន​គ្រប់រូប​គប្បី​ត្រៀមខ្លួន​បម្រើ​បេសកកម្ម​ពេញម៉ោង ហើយ​រក្សា​ខ្លួន​ឲ្យ​បាន​សក្ដិសម​ដើម្បី​បម្រើ )

  • ហេតុអ្វី​ក៏​យុវជន​គ្រប់រូប​គប្បី​ត្រៀមខ្លួន​បម្រើ​បេសកកម្ម​ពេញម៉ោង​យ៉ាងដូច្នេះ ?

  • តើ​ការ​ត្រៀមខ្លួន​សម្រាប់​បេសកកម្ម​នាពេលឥឡូវ​នេះ អាច​ជួយ​អ្នក​រួមចំណែក​ចំពោះ​កិច្ចការ​របស់ព្រះ​អម្ចាស់​យ៉ា​ងដូចម្ដេច ?

  • តើអ្នកគិត​ថា ការ​ផ្លាស់ប្ដូរចំពោះតម្រូវការអាយុសម្រាប់​ការចេញ​ផ្សព្វផ្សាយសាសនា​ពេញម៉ោង​ដ៏បំផុសគំនិត​ បាន​រួចចំណែក​ចំពោះ​ការ​ពន្លឿន​កិច្ចការ​របស់ព្រះអម្ចាស់​យ៉ា​ង​ដូចម្ដេច ?

កិច្ចការ​បង្រៀនទី ២ ៖ កំណែថ្មី​នៃ​ព្រះគម្ពីរ

សូម​ឲ្យ​សមាជិក​ក្រុម​របស់អ្នក​ពិចារណា​អំពីអ្វី​ដែលពួកគេ​នឹង​ធ្វើ បើមាន​មិត្ត​ជិតស្និត​ម្នាក់​សួរ​ដល់​ពួកគេ​ថា « ខ្ញុំ​ចង់​ខិតទៅកាន់តែជិតព្រះ ។ តើ​ខ្ញុំ​គួរ​តែ​ធ្វើ​យ៉ាង​ដូចម្តេច ? » បន្ទាប់មកសូមសួរ​សំណួរ​ខាងក្រោម​នេះ ៖

  • តើ​អ្នក​នឹង​និយាយ​ទៅ​កាន់​មិត្តភក្តិ​របស់​អ្នក​យ៉ាង​ដូចម្តេច ?

សូម​អាន​សេចក្ដី​ថ្លែងការណ៍ខាងក្រោមនេះដោយ ប្រធាន ស្ពែនស៊ើរ ដបុលយូ ឃឹមបឹល ៖

រូបភាព
ប្រធាន ស្ពែនស៊ើរ ដបុលយូ ឃឹមបឹល

«​ខ្ញុំ​រក​ឃើញ​ថា ពេល​ខ្ញុំបង្ហាញនូវទំនាក់ទំនងមិនសូវហ្មត់ចត់ជាមួយ​នឹង​ព្រះ​អាទិទេព​ ហើយ​កាល​វាហាក់ដូចជាគ្មានព្រះ កំពុងស្តាប់ ហើយ​មាន​បន្ទូល​មក​កាន់​ខ្ញុំ នោះ​ខ្ញុំ​ឃ្លាត​ពី​ទ្រង់​កាន់តែ​ឆ្ងាយ​ហើយ។ បើ​សិន​ខ្ញុំ​ផ្តោត​យកចិត្ត​ទុកដាក់​ទាំង​ស្រុង​លើ​ព្រះ​គម្ពីរ ចន្លោះរវាងខ្ញុំនឹង​ព្រះ ត្រូវបានបង្រួម​ឲ្យ​តូច ជីវភាព​ខាង​វិញ្ញាណ​មានត្រឡប់មកវិញ » (Teachings of Spencer W. Kimball បាន​បោះពុម្ព​ដោយ អែតវើត អិល ឃឹមបឹល [ឆ្នាំ ១៩៨២ ]ទំព័រ ១៣៥ ) ។

សូម​ជូនដំណឹងល្អ​ដល់​សមាជិក​ក្រុមរបស់អ្នកថា សេចក្ដីថ្លែង​ការណ៍​របស់​ប្រធាន ឃឹមបឹល ពន្យល់​អំពី​តម្រូវការ​ដ៏​ខ្លាំង​ ចំពោះយើងដើម្បី​មានព្រះគម្ពីរ ។ សូមអញ្ជើញ​សមាជិក​ក្រុម​របស់អ្នក​ម្នាក់​ឲ្យ​អាន គោលលទ្ធិ និង សេចក្ដី​សញ្ញា ១០៤:៥៨-៥៩ ឲ្យ​ឮៗ ។ សូម​ឲ្យ​ក្រុម​ផ្ទៀងតាម ហើយ​ប្រាប់​ថា​ហេតុអ្វី​ព្រះអម្ចាស់​ចង់​ឲ្យ​អ្នកដឹកនាំ​សាសនាចក្រ​បោះពុម្ព​វិវរណៈទាំងឡាយ ។

  • តើកា​រសិក្សា​ព្រះគម្ពីរ​អាចជួយ​យើង​ពង្រីកជំហាន​របស់​យើង ហើយ​រួមចំណែក​ក្នុងការ​ពន្លឿន​កិច្ចការ​របស់ព្រះអម្ចាស់​យ៉ាង​ដូចម្ដេច ?

សូម​ពន្យល់​ថា នៅ​ដើមឆ្នាំ ១៩៧០ អ្នកដឹកនាំ​សាសនាចក្រ​ទទួល​ស្គាល់​ពី​តម្រូវការ​ ដែលសមាជិក​សាសនាចក្រ​ត្រូវ​ចេះ​បទគម្ពីរ​ឲ្យ​បាន​កាន់តែ​ស្ទាត់ជំនាញ​ ហើយ​ឲ្យមាន​កំណែថ្មី​នៃ​ព្រះគម្ពីរ​ប៊ីប​ជា​បទដ្ឋាន​មួយ​ដើម្បី​សិក្សា និង​បង្រៀន ។ នៅ​ឆ្នាំ ១៩៧៩ បន្ទាប់ពី​រយៈពេលជាច្រើន​ឆ្នាំ​នៃ​កិច្ចខិតខំ​ ដ៏បំផុសគំនិត និង​ឧស្សាហ៍ព្យាយាម នោះ​សាសនាចក្រ បាន​បោះពុម្ព​កំណែថ្មីនៃ​ព្រះគម្ពីរប៊ីប របស់​ស្តេច​ជេមស៍ អិល.ឌី.អេស ជាផ្លូវការ​ជា​ភាសាអង់គ្លេស ។ គម្ពីរប៊ីបនេះ មាននូវជំនួយ​ការ​សិក្សា​ដ៏ច្រើន ដែល​ពុំធ្លាប់មានពីមុន រួមមានទាំង​លេខ​យោង​ជាមួយ​នឹង​សេចក្ដីយោង​បទគម្ពីរ និង​ជំនួយ​ដទៃៗទៀតត្រូវ​បាន​ពង្រីក​កាន់តែ​ច្រើន ហើយ​បានកែលម្អ​ដើម​ជំពូក ដក​ស្រង់ចេញមកពី​ការបកប្រែ​របស់​យ៉ូសែប ស្ម៊ីធ Topical Guide និង​ Bible Dictionary ។ នៅឆ្នាំ ១៩៨១ សាសនាចក្រ​បានបោះពុម្ពកំណែថ្មី នៃ​បណ្ដុំ​ព្រះគម្ពីរទាំងបី​ជា​ភាសា​អង់គ្លេស ដែល​រួមមាន​ទាំង​ការ​កែលម្អ​លេខយោង ដើម​ជំពូក ផែនទី និង​មាតិកា ។ នៅ​ឆ្នាំ ២០០៩ សាសនាចក្រ​បានបោះពុម្ព​កំណែថ្មី​នៃ​ព្រះគម្ពីរ​ប៊ីបនៃ វីណា វ៉ាឡេរ៉ា អិល.ឌី.អេស ជាភាសា​អេស្ប៉ាញ ។

សូម​អញ្ជើញ​សិស្ស​ម្នាក់ឲ្យអានសេចក្ដីថ្លែងការណ៍ដូចខាង​ក្រោម​ដោយ​ប្រធាន ប៊យដ៏ ឃេ ផាកកឺ នៃ​កូរ៉ុម​នៃ​ពួក​សាវក​ដប់ពីរ​នាក់ ដែលបាន​ធ្វើ​ឡើង នៅ​រយៈពេល​មួយឆ្នាំ បន្ទាប់ពី​បានចេញ​បណ្ដុំ​ព្រះគម្ពីរ​ទាំងបី​ជាភាសា​អង់គ្លេស​នៅឆ្នាំ ១៩៨១ ។​ សូម​ឲ្យ​សិស្ស​ស្ដាប់​អំពី​របៀប​ដែល​លោក​បាន​មើលឃើញ​ជាមុន​ថា កំណែថ្មី​នៃ​ព្រះគម្ពីរ​ទាំងនេះ នឹង​ប្រទានពរ​ដល់​ជីវិត​ជាច្រើន ហើយ​កំរិក​កិច្ចការ​របស់ព្រះឆ្ពោះទៅមុខ ។

រូបភាព
ប្រធាន ប៊យដ៏ ឃេ ផាកកឺ

« រយៈពេល​ជា​ច្រើនឆ្នាំ​បាន​កន្លង​ផុតទៅ ព្រះគម្ពីរ​ទាំងនេះ​នឹង​បង្កើត​ផល​ជា​ជំនាន់​នៃ​ពួក​គ្រីស្ទាន​ស្មោះត្រង់​ជា​បន្ដ​បន្ទាប់ ដែល​ស្គាល់​ព្រះអម្ចាស់​ព្រះយេស៊ូវគ្រីស្ទ ហើយ​ដែល​ចង់គោរពតាម​ព្រះទ័យ​ទ្រង់ ។

« … ពួកគេ​នឹង​អភិវឌ្ឍ​ចំណេះ​វិជ្ជា​ដំណឹងល្អ លើស​ហួស​ជីដូនជីតា​របស់ពួកគេ​អាច​សម្រេច ។ ពួកគេ​នឹង​មាន​ទីបន្ទាល់​ថា ព្រះយេស៊ូវ​គឺជា​ព្រះគ្រីស្ទ ហើយ​អាច​ប្រកាស​អំពី​ទ្រង់ និង​ការពារ​ទ្រង់ » (Scriptures »Ensignខែ វិច្ឆិកា ឆ្នាំ ១៩៨២ ទំព័រ ៥៣ ) ។

សូមចែកចាយទីបន្ទាល់​របស់អ្នក​ថា បទគម្ពីរ​ថ្លែង​ទីបន្ទាល់​ថា ព្រះយេស៊ូវ​គឺជា​ព្រះ​គ្រីស្ទ ។ ការ​សិក្សា​បទគម្ពីរ​អាច​ជួយ​យើង​ទទួលបាន​ទីបន្ទាល់​អំពី​ ព្រះយេស៊ូវ​គ្រីស្ទ ហើយជួយបំពេញ​ជីវិត​របស់​យើង​ដោយព្រះវិញ្ញាណបរិសុទ្ធ ។

សូម​ពន្យល់​ថា កិច្ចខិតខំ​ដ៏អស្ចារ្យ បានមាន និង​បន្ដ​ធ្វើឡើង​ដើម្បី​ផ្ដល់​ឲ្យ​សមាជិក​សាសនាចក្រ​នូវ​ព្រះគម្ពីរ ហើយ​ជំនួយសម្រាប់​ការ​សិក្សា​ជាភាសា​របស់ពួកគេ ។

សូម​ពិភាក្សា​សំណួរ​ខាង​ក្រោម​នេះ​ជា​ក្រុម ៖

  • ហេតុអ្វី​ក៏ការ​សិក្សា​ព្រះគម្ពីរ​ប្រចាំ​ថ្ងៃ​សំខាន់ ?

  • តើ​ការសិក្សា​ព្រះគម្ពីរ​ផ្ទាល់ខ្លួន​របស់អ្នក បានជួយអ្នក​ ឲ្យជួយក្នុងកិច្ចការ​របស់ព្រះអម្ចាស់​យ៉ាង​ដូចម្ដេច ?

កិច្ចការ​បង្រៀនទី ៣ ៖ ការ​ពន្លឿន​កិច្ចការ​ព្រះវិហារបរិសុទ្ធ និងកិច្ចការ​ពង្សប្រវត្តិ

សូម​ក្រុម​របស់អ្នក​ឲ្យប៉ាន់ស្មាន​ថាមាន​ព្រះវិហារបរិសុទ្ធចំនួន​ប៉ុន្មាន​ ត្រូវ​បាន​សាងសង់​ក្នុងរយៈ​ពេល ១៤៣ ឆ្នាំ ចន្លោះ​ការ​រៀបចំ​សាសនាចក្រ​នៅក្នុង​ឆ្នាំ ១៨៣០ និង​ការហៅ​របស់ប្រធាន ស្ពែនស៊ើរ ដបុលយូ ឃឹមបឹល នៅឆ្នាំ ១៩៧៣ ( ១៧ ព្រះវិហារ​បរិសុទ្ធ ) ។ បន្ទាប់មក​សូម​ក្រុម​ឲ្យ​ស្មាន​ថាមាន​ព្រះវិហារបរិសុទ្ធ​ចំនួន​ប៉ុន្មាន​ដែលត្រូវ​បានប្រកាស ឬ​បានសាង​សង់​នៅក្នុង​ ៤០ ឆ្នាំ ចន្លោះ​ឆ្នាំ ១៩៧៣ និង ឆ្នាំ ២០១៣ ( ១៥៣ ព្រះវិហារបរិសុទ្ធ ) ។

សូមពន្យល់​ថាការ​សាងសង់សង់​ព្រះវិហារបរិសុទ្ធ​បានកើនឡើងយ៉ាងច្រើនក្រៃលែង នៅក្រោម​ការ​ដឹកនាំ​របស់ប្រធាន ហ្គរដុន ប៊ី ហ៊ិងគ្លី ។ សូម​អញ្ជើញ​នរណា​ម្នាក់​ពីក្នុង​ក្រុម​របស់អ្នក​ឲ្យអាន​នូវ​សេចក្ដីថ្លែងការណ៍​ដូច​ខាង​ក្រោម​ដោយ​ប្រធាន ហ្គរដុន ប៊ី ហ៊ិងគ្លី ៖

រូបភាព
ប្រធាន ហ្គរដុន ប៊ី ហ៊ិងគ្លី

« ខ្ញុំ​មានបំណងប្រាថ្នា​ដ៏ឆេះឆួលឡើងមួយថា ព្រះវិហារបរិសុទ្ធ​មួយ ត្រូវ​ស្ថាបនា​នៅក្នុង​កន្លែងដែលស្ថិតនៅក្បែរពួកបរិសុទ្ធ​ថ្ងៃចុង​ក្រោយ នៅ​ទូទាំង​ពិភពលោក​ ។… កិច្ចការ​កំពុង​ឆ្ពោះទៅមុខ​យ៉ាង​លឿន​តាមដែល​យើងអាច​ធ្វើទៅបាន ។ វា​គឺជា​ការ​អធិស្ឋាន​ដ៏ខ្ជាប់ខ្ជួន​របស់ខ្ញុំ​សុំ​ឲ្យ​វា​អាច​ត្រូវ​បាន​ពន្លឿន​ល្បឿនឡើង​ ដើម្បី​ឲ្យប្រជាជន​របស់​យើង​កាន់​តែ​ច្រើននាក់ អាច​ចូល​ទៅក្នុង​ដំណាក់​ដ៏ពិសិដ្ឋ​របស់ព្រះអម្ចាស់​បាន​កាន់តែ​ងាយស្រួល » (Of Missions, Temples, and Stewardship»Ensignខែ វិច្ឆិកា ឆ្នាំ ១៩៩៥ ទំព័រ ៥២, ៥៣ ) ។

សូមអញ្ជើញ​សិស្ស​ម្នាក់​ឲ្យ​អាន គោលលទ្ធិ និង សេចក្ដី​សញ្ញា ១២៨:១៥, ១៧ ឲ្យ​ឮៗ ។ សូម​ឲ្យ​ក្រុម​ផ្ទៀង​តាម រក​មើល​ទំនួលខុសត្រូវ​ដែល​យើង​មាន​ចំពោះ​ជីដូនជីតា​របស់​យើង ។ បន្ទាប់មក សូមអាន​ឮៗ​នូវ​សេចក្ដីថ្លែង​ការណ៍​នៃ​គោលលទ្ធិ​ដូច​ខាងក្រោម​ដែល​បាន​ផ្ដល់​ឲ្យដោយ អែលឌើរ ដាវីឌ អេ បែដណា នៃ​កូរ៉ុម​នៃ​ពួក​សាវក​ដប់ពីរ​នាក់ ៖ យើងមាន​ទំនួលខុសត្រូវ​ក្នុង​សេចក្ដីសញ្ញា ដើម្បី​ស្រាវជ្រាវ​រក​ជីដូនជីតា​របស់​យើង ហើយ​ផ្ដល់​ដល់ពួកគេ​នូវពិធីបរិសុទ្ធ​នៃ​ដំណឹងល្អ​សម្រាប់​ការ​សង្គ្រោះ»The Hearts of the Children Shall Turn,»Ensignលីអាហូណាខែ វិច្ឆិកា ឆ្នាំ ២០១១ ទំព័រ ២៥ ) ។

សូម​ចង្អុល​បង្ហាញ​ថា សំណង់ព្រះវិហារបរិសុទ្ធ និង​ការរីកចម្រើននៃកិច្ចការ​ពង្សប្រវត្តិ គឺជាភស្ដុតាង​ដែលព្រះ​កំពុង​ពន្លឿន​កិច្ចការ​របស់​ទ្រង់​ នៅ​ផ្នែក​ម្ខាងទៀត​នៃ​វាំង​នន ។ សូម​អញ្ជើញ​សិស្ស​ម្នាក់​ឲ្យ​អាន​សេចក្ដី​ថ្លែងការណ៍​ខាងក្រោម​ដោយ​អែលឌើរ បែដណា ។ សូម​ឲ្យ​ក្រុម​ស្ដាប់​មើល​របៀប​ដែលពួកគេ​អាច​រួមចំណែក​ចំពោះកិច្ចការ​របស់ព្រះអម្ចាស់ ។

រូបភាព
អែលឌើរ ដាវីឌ អេ បែដណា

« វា​ពុំ​មែនជាព្រឹត្តិការណ៍ចៃដន្យ​ដែល កម្មវិធី FamilySearch និង​ឧបករណ៍​ដទៃទៀត បាន​ចេញមក​នៅគ្រា​មួយ​ដែលយុវវ័យ ចេះ​យ៉ាងស្ទាត់ជំនាញ​ជាមួយនឹងបច្ចេកវិទ្យា​ព័ត៌មាន​ដ៏ទូលំទូលាយ និងទំនាក់ទំនង​នោះទេ ។ ម្រាមដៃរបស់អ្នក​ត្រូវ​បាន​បង្រៀន​ឲ្យ​វាយ​សារ និង​ធ្វីត​ដើម្បី​បង្កើន​ល្បឿន និង​ចម្រើនកិច្ចការ​របស់​ព្រះអម្ចាស់--ពុំគ្រាន់តែ​ទំនាក់ទំនង​បានឆាប់​ជាមួយ​មិត្តរបស់អ្នកប៉ុណ្ណោះទេ ។ ជំនាញ និង​សមត្ថភាព ដែល​ជាភស្ដុតាង​នៅក្នុង​ចំណោម​មនុស្ស​វ័យក្មេង​ជាច្រើនសព្វថ្ងៃនេះ គឺជា​ការ​រៀបចំ​មួយ​ដើម្បី​រួមចំណែក​ចំពោះ​កិច្ចការ​នៃ​សេចក្ដីសង្គ្រោះ » (« The Hearts of the Children Shall Turn »Ensignលីអាហូណាខែ វិច្ឆិកា ឆ្នាំ ២០១១ ទំព័រ ២៦ ) ។

សូម​ពិភាក្សា​សំណួរ​ខាងក្រោម​នេះ​ជាមួយ​ក្រុម​របស់អ្នក ៖

  • តើ​បទពិសោធន៍​វិជ្ជមាន​អ្វីខ្លះ​ដែលអ្នកមាន នៅក្នុងការ​ធ្វើកិច្ចការ​ពង្សប្រវត្តិ​របស់អ្នក ឬ​ការទៅព្រះវិហារបរិសុទ្ធ​ដើម្បីចូលរួម​ក្នុង​ពិធីបរិសុទ្ធ​សម្រាប់មរណជន ?

ទំនួលខុសត្រូវ​របស់យើង​នៅក្នុងការជម្រុញកិច្ចការ​ឲ្យឆ្ពោះទៅមុខ

បន្ទាប់ពីសិស្ស​បាន​បញ្ចប់ការ​បង្រៀន​របស់ពួកគេ​នៅក្នុងក្រុមតូចៗ​ហើយ អញ្ជើញសិស្ស​ពីរបីនាក់​ឲ្យចែកចាយគំនិត និងអារម្មណ៍​របស់ពួកគេ អំពី​ការ​ពន្លឿន​កិច្ចការ​នៃ​ព្រះអម្ចាស់ ។

សូម​អញ្ជើញ​សិស្ស​ម្នាក់​ឲ្យ​អាន​នូវ​សេចក្ដី​ថ្លែងការណ៍​ខាងក្រោម​ដោយ​អែលឌើរ ដេវីឌ អេ. ហេត នៃ​កូរ៉ុម​នៃ​ពួកសាវក​ដប់ពីរ​នាក់ ។ សូម​ឲ្យសិស្ស​ក្នុង​ថ្នាក់​ស្ដាប់ ហើយស្វែងរកនូវអ្វី​ដែលអាច​កើតមានឡើង នៅពេល​យើង​មានចំណែក​នៅក្នុងកិច្ចការ​របស់ព្រះអម្ចាស់ ។

រូបភាព
អែលឌើរ ដាវីឌ ប៊ី ហេត

« បងប្អូនប្រុសស្រី ព្រះអម្ចាស់​កំពុង​បើក​ផ្លូវ ហើយ​ធ្វើឲ្យ​មាន​លទ្ធភាព​ដើម្បី​ពង្រីក​កិច្ចការ​របស់​ទ្រង់​នៅ​ទូទាំង​ពិភពលោក ហើយ​នោះជា​ពរជ័យ​មួយ​សម្រាប់​យើង​ទាំងអស់​គ្នា-- ដែល​បុគ្គល​ម្នាក់ៗ​ត្រូវចូល​រួម​ចំណែក--តាម​របៀប​ផ្ទាល់ខ្លួន ។…

« តើមាននរណា​ក្រៅពី​ពួកព្យាការីនៃព្រះ អាច​មើល​ឃើញជាមុន​អំពី​អព្ភូតហេតុ​នៃ​ការ​រីកចម្រើន​យ៉ាង​លឿន​នៃ​កិច្ចការ​របស់ព្រះអម្ចាស់ ? ពិតណាស់ ដូចដែលព្រះអម្ចាស់​បាន​ប្រាប់ជាមុននៅក្នុងកណ្ឌ ៨៨ អំពី គោលលទ្ធិ និង សេចក្ដី​សញ្ញា នោះ​ទ្រង់​កំពុង​ពន្លឿន​កិច្ចការ​របស់ទ្រង់​តាម​ពេលវា ( សូមមើលគ. និង ស. ៨៨:៧៣Missionary Work—Our Responsibility,»Ensignខែ វិច្ឆិកា ឆ្នាំ ១៩៩៣, ទំព័រ ៦១, ៦២ ) ។

  • ស្របតាម​អែលឌើរ ហេត តើ​មានអ្វីខ្លះអាច​កើតឡើង នៅពេល​យើង​មានចំណែក​នៅក្នុងកិច្ចការ​របស់ព្រះអម្ចាស់ ? ( នៅពេល​សិស្ស​ឆ្លើយ សូម​សរសេរ​សេចក្ដីពិត​ដូច​ខាង​ក្រោម​នៅលើ​ក្ដារខៀន ៖យើង​អាច​ត្រូវបានប្រទានពរ​ដោយ​ការ​ចូលរួមចំណែក​នៅក្នុងការ​ពន្លឿន​កិច្ចការ​របស់ព្រះអម្ចាស់ ) ។

  • តើពរជ័យអ្វីខ្លះ​ដែលអ្នកបាន​ទទួលពិសោធន៍ នៅពេល​អ្នកបាន​ចូលរួម​ក្នុងការ​ពន្លឿន​កិច្ចការ​របស់ព្រះអម្ចាស់ ?

សូម​អញ្ជើញសិស្ស​ឲ្យពិចារណា​អំពី​ឱកាស​ទាំងឡាយ ដែលពួកគេ​ត្រូវ​រួមចំណែក​ដើម្បីពន្លឿន​កិច្ចការ​របស់ព្រះអម្ចាស់ ។ សូម​ឲ្យ​សិស្ស​ឆ្លើយ​នឹង​សំណួរ​ខាងក្រោម នៅក្នុងសៀវភៅ​កំណត់ចំណាំ​ក្នុង​ថ្នាក់​របស់ពួកគេ ឬ​សៀវភៅកំណត់ហេតុ​សិក្សា​ព្រះគម្ពីរ​របស់​ពួកគេ ។

  • តើ​មាន​វិធី​មួយ​ចំនួន​ណាខ្លះ ដែល​អ្នកអាច​រួមចំណែក​ដើម្បីពន្លឿន​ដល់​កិច្ចការ​របស់​ព្រះអម្ចាស់ ?

បន្ទាប់​ពី​ផ្ដល់​ពេលវេលា​គ្រប់គ្រាន់ហើយ សូម​អញ្ជើញសិស្ស​ឲ្យដាក់គោលដៅ​មួយដើម្បីធ្វើតាម​អ្វី​ដែលពួកគេ​បាន​សរសេរ ។ សូមបញ្ចប់​ដោយការ​ថ្លែងទីបន្ទាល់​អំពី​ការ​ពន្លឿន​កិច្ចការ​របស់ព្រះអម្ចាស់ និងទំនួលខុសត្រូវ​ និងឱកាស​របស់យើង​ដើម្បីចូលរួម​នៅក្នុងកិច្ចការ​របស់ទ្រង់ ។

សេចក្តី​អធិប្បាយ និង ព័ត៌មាន​សាច់រឿង

« យើង​ត្រូវតែ​ពង្រីកជំហាន​របស់​យើង »

ប្រធាន ស្ពែនស៊ើរ ដបុលយូ ឃឹមបឹល បាន​បង្រៀន​ថា ៖

រូបភាព
ប្រធាន ស្ពែនស៊ើរ ដបុលយូ ឃឹមបឹល

« តើ​យើង​មាន​អ្វីមួយ​ដែល​យើង​ចាំបាច់​ត្រូវ​ចែកចាយ​ដែរឬទេ ? » មាន ! យើងមានដំណឹងល្អ​នៃ​ព្រះយេស៊ូវ​គ្រីស្ទ ដំណឹងល្អ​នៃសេចក្ដីសុខសាន្ដ ដំណឹងល្អនៃសេចក្ដីអំណរ ។ យើងមានសេចក្ដីពិត​ដែល​អាច​ធ្វើ​ឲ្យនរណាម្នាក់​បាន​ល្អ​ប្រសើរ​ និងកាន់តែ​ពេញលេញ អាច​ធ្វើ​ឲ្យ​អាពាហ៍ពិពាហ៍​កាន់តែ​មានសុភមង្គល និង​កាន់តែ​ផ្អែមល្ហែម អាចធ្វើឲ្យ​គេហដ្ឋាន​កាន់តែ​ដូចជា​ស្ថានសួគ៌ ។ យើងមានអំណាច​បព្វជិតភាព​នៃ​ព្រះ ដើម្បីប្រទានពរ​ដល់គេហដ្ឋាន និងជីវិត​របស់យើង និងជីវិត​របស់អ្នកដទៃ ។ មែនហើយ វាគឺ​ចំពោះខ្លួន​យើង គេហដ្ឋាន​របស់យើង កូរ៉ុម​របស់យើង ថ្នាក់​រៀនរបស់យើង កិច្ចការ​សាសនាចក្រ​របស់យើង ដែល​យើង​ត្រូវ​តែ​អនុវត្ត​ឲ្យកាន់តែ​ក្លៀវក្លា​នូវ​រឿង​ទាំងឡាយ​ដែល​យើង​បាន​ទទួល ។​ ហើយ​ឥឡូវ​យើង​ត្រូវ​បាន​សុំ​ឲ្យ ‹ផ្ដល់​នូវ​អ្វី​ដែល​យើង​មាន​› ចំពោះអ្នកជិតខាង​ដែលពុំ​មែនជា​សមាជិក​របស់​យើង និង​សហការី​របស់​យើង​ផងដែរ ។ ព្រះអម្ចាស់​បាន​បញ្ជា​យើង​ឲ្យធ្វើ​ដូច្នោះ ។ យើង​ត្រូវ​តែពង្រីកជំហាន​របស់​យើង ហើយត្រូវ​តែធ្វើវា​ឥឡូវនេះ » (Always a Convert Church: Some Lessons to Learn and Apply This Year»Ensignខែកញ្ញា ឆ្នាំ ១៩៧៥ ទំព័រ ៣ ) ។

កូរ៉ុមនៃពួក​ចិតសិប​នាក់

ការ​ពង្រីក​នៃ​ករ៉ុម​នៃ​ពួកចិតសិបនាក់ គឺជា​ភស្ដុតាងដែលព្រះអម្ចាស់​កំពុងពន្លឿនកិច្ចការរបស់ទ្រង់ ។

នៅឆ្នាំ ១៩៧៦ ប្រធាន ស្ពែនស៊ើរ ដបុលយូ ឃឹមបឹល បានរៀបចំ​កូរ៉ុម​ទីមួយ​នៃពួកចិតសិបនាក់ និង​កូរ៉ុម​បន្ថែមទៀត​នៃ​ពួកចិតសិបនាក់ ត្រូវ​បាន​បន្ថែម នៅពេល​សាសនាចក្រ​បាន​រីកចម្រើន ។ ចំនួន​នៃ​កូរ៉ុម​អាច​បន្ដ​ពង្រីក​តាមដែល​ចាំបាច់ ។

« [ នៅឆ្នាំ ២០១៤ ] មាន … កូរ៉ុម នៃ​ពួក​ចិតសិប​នាក់ចំនួនប្រាំបី​ ។ កូរ៉ុម​នីមួយៗ អាច​មាន​ចំនួនសមាជិក​ដល់​ទៅ ៧០ នាក់ ។ សមាជិក​នៃ​កូរ៉ុម​នៃ​ពួកចិតសិបនាក់ ជាញឹកញាប់​ត្រូវ​បានហៅ​ជាសាមញ្ញថា ‹ ពួកចិតសិបនាក់ › ។ ពួកចិតសិបនាក់ ត្រូវ​បាន​ហៅ​ឲ្យប្រកាស​ដំណឹងល្អ​ និង​ស្ថាបនា​សាសនាចក្រ ។ ពួកគេ​ធ្វើ​ការ​នៅក្រោម​ការ​ដឹកនាំ​នៃ​កូរ៉ុម​នៃ​ពួកសាវកដប់ពីរនាក់ និង​គណៈប្រធាន​នៃពួកចិតសិប​នាក់ ។…

« … សមាជិក​នៃ​កូរ៉ូម​ទីមួយ និងទីពីរ​នៃ​ពួកចិតសិបនាក់ ត្រូវ​បាន​ចាត់ទុកជា​ពួកអ្នកមានសិទ្ធិអំណាច​ទូទៅ មានន័យ​ថា ពួកគេ​មានសិទ្ធិអំណាច​ដើម្បី​បម្រើ​នៅគ្រប់ទីកន្លែង​ក្នុងពិភពលោក ។ សមាជិក​នៃ​កូរ៉ុម​ផ្សេងទៀត ត្រូវ​បាន​ហៅ​ថា​ពួកចិតសិប​នាក់​ប្រចាំតំបន់ ហើយ​សិទ្ធិអំណាច​របស់​ពួកគេ ត្រូវ​បាន​កំណត់​តាម​តំបន់​ដែលពួកគេបម្រើ » («Quorums of the Seventy,» LDS.org) ។