Talafaasolopito o le Ekalesia
Fa Uesi

“Fa Uesi,” O Autu o le Talafaasolopito a le Ekalesia

“Fa Uesi”

Fa Uesi

I le 1836, i le tolu tausaga talu ona tutuliese le Au Paia o Aso e Gata Ai mai le Itumalo o Siakisone, na faatuina ai e le malo a Misuri le Itumalo o Caldwell, o se itumalo fou i se vaega o le setete e le toatele nisi o nonofo ai, lea na latou faamoemoe o se nofoaga mo le Au Paia o Aso e Gata Ai e faamautu ai. Sa faatauina e le Au Paia fanua iina ma amata ona fausia se aai e taʻua o Fa Uesi.1 Ia Aperila o le 1838, na faaalia ai e le Alii ia Iosefa Samita o Fa Uesi o le a avea “o se laueleele paia ma faapaiaina” ao potopoto iina le Au Paia e fausia se malumalu ma tapuai ia te Ia.2

Mai le faaiuga o le 1836 i le 1839, e tusa ma le lima afe le Au Paia na faatuina ni fale i totonu ma faataamilo i Fa Uesi, lea na avea ma laumua o le Ekalesia ina ua taunuu Iosefa Samita ia Mati 1838.3 I lona taimi i Fa Uesi, na maua ai e le Perofeta faaaliga e fitu na lolomiina mulimuli ane i totonu o le Mataupu Faavae ma Feagaiga. I nei faaaliga, na faaali mai ai e le Alii le igoa atoa O Le Ekalesia a Iesu Keriso o le Au Paia o Aso e Gata Ai ma faatuina le tulafono o le sefuluai, faatasi ai ma isi mea.4

O le nofoaga i Fa Uesi na faatusatusa i le “Plat of the City of Zion,” (Ata Faataatia o le Aai o Siona) o se fuafuaga faʻavae na muai fuafuaina mo le fausiaina o Siona i le Itumalo o Siakisone, Misuri.5 I le aso 4 o Iulai, 1838, na faatulaga ai ma faapaiaina e le Au Paia maa tulimanu e fa mo se malumalu i lo latou aai fou.6

Ata
O le maa tulimanu ma le maa faamanatu o le Malumalu i Fa Uesi.

O le maa tulimanu ma le maa faamanatu o le Malumalu i Fa Uesi, Misuri.

E leai se isi galuega na faia i le malumalu. O osofaiga a le au faatupu faalavelave e faasaga i le Au Paia i Caldwell ma tuaoi lata ane i le tautoulu o le 1838 na vave ona avea ma feteenaiga faaauupegaina tele. O le kovana o Misuri o Lilburn W. Boggs na faʻatonuina le militeri a le setete e siomiaina Fa Uesi ma tutuliese le Au Paia mai le setete. O Major General Samuel D. Lucas, o le taitai o le militeri a le setete, na feiloai ma se vaega a le Au Paia i fafo ane o Fa Uesi ma talosagaina Iosefa Samita ma isi taitai o le Ekalesia e talia le aveina faapagota pe o le a ia osofaia le aai. Ina ua toe foi atu le vaega i Fa Uesi, o se tasi o ona sui auai, o George M. Hinkle, na taʻu atu ia Iosefa e faapea o Lucas na “manao i se faatalanoaga” ae na foliga mai e lei faamalamalamaina na faamoemoe le ta’ita’i au e ave faapagota Iosefa. Na malilie Iosefa ma isi e feiloai ma Lucas ma sa vave ona pueina ma taufaamatau i le fasiotia, ae na iu lava ina falepuipui ao faatalitali se faamasinoga.7

Ata
O le Tuuina atu ma le Loto i ai i Fa Uesi

Ata o le tuuina atu ma le loto i ai i Fa Uesi ia Novema 1838.

A’o i ai Iosefa Samita i le falepuipui, sa usitai le Au Paia i manaoga a le setete e tuua Misuri ma faaaogaina Fa Uesi o se nofoaga amata mo la latou malaga tele. O se tasi o faaaliga na maua e Iosefa Samita na faatonuina ai Aposetolo e Toasefululua e tuua Fa Uesi i le aso 26 o Aperila, 1839, mo se misiona i Egelani.8 O nisi tagata tetee o le Ekalesia sa latou faapea mai ua latou taofia le faataunuuina o lenei faatonuga paia. Ae ui i lea, ae le’i amataina le misiona a le Toasefululua i Egelani, na toe foi atu Polika Iaga ma isi Aposetolo i le nofoaga o le malumalu i Fa Uesi i le po e faataunuu ai le faaaliga i le aso atofaina.9

Faamatalaga

  1. Clark V. Johnson, “Let Far West Be Holy and Consecrated,” i le Larry C. Porter and Susan Easton Black, eds., The Prophet Joseph: Essays on the Life and Mission of Joseph Smith (Salt Lake City: Deseret Book, 1988), 228–29.

  2. “Revelation, 26 April 1838 [DC 115],” i le Joseph Smith, Journal, March–September 1838, 33, josephsmithpapers.org; tagai foi Doctrine and Covenants 115:7–8.

  3. “Journal, March–September 1838,” 16–17, josephsmithpapers.org. Tagai foi James B. Allen and Gllen BM. Leonard, The Story of the Latter-day Saints, 2nd ed. Aai o Sate Leki: Deseret Book, 1992), 116–17.

  4. “Revelation, 26 April 1838 [DC 115]”; “Revelation, 8 July 1838–C [DC 119],” josephsmithpapers.org. Tagai Mataupu Faavae ma Feagaiga113–115, 117–120.

  5. “Revised Plat of the City of Zion, circa Early August 1833,” josephsmithpapers.org; tagai foi Steven L. Olsen, The Mormon Ideology of Place: Cosmic Symbolism of the City of Zion, 1830–1846, Dissertations in Latter-day Saint History (Provo, Utah: Joseph Fielding Smith Institute for Latter-day Saint History and BYU Studies, 2002), Figure 11.

  6. Alexander L. Baugh, “The Mormon Temple Site at Far West, Caldwell County, Missouri,” i le Thomas M. Spencer, ed., The Missouri Mormon Experience (Columbia: University of Missouri Press, 2010), 80–81.

  7. Mark Ashurst-McGee, David W. Grua, Elizabeth Kuehn, Brenden W. Rensink, and Alexander L. Baugh, eds., Documents, Volume 6: February 1838–August 1839. Vol. 6 of the Documents series of The Joseph Smith Papers, edited by Ronald K. Esplin, Matthew J. Grow, and Matthew C. Godfrey (Salt Lake City: Church Historian’s Press, 2017), 269–271. Na lagona e Iosefa ua faalataina o ia ma le loto i ai, e ui ina sa finau pea e Hinkle ma isi na malamalama Iosefa i manaoga o Lucas.

  8. “Revelation, 8 July 1838–A [DC 118],” i le Joseph Smith, Journal, March–September 1838, 54, josephsmithpapers.org.

  9. “Revelation, 8 July 1838–A [DC 118],” 55, josephsmithpapers.org; tagai foi Doctrine and Covenants 118:4–5; Baugh, “The Mormon Temple Site at Far West,” 82–83.