O Meaalofa a le Agaga

I le Feagaiga Fou, sa folafola atu ai e Iesu Keriso i Ona soo e faapea, “e mulimuli atu foi nei faailoga i e faatuatua,” e aofia ai le tutulia i fafo o tiapolo, tautatala “i gagana fou,” ma le faamaloloina o ma’i.¹ Ae peitai, i le amataga o le vaitau o le 1800, e toatele tagata Kerisiano sa faafinauina pe o na vavega sa faamoemoeina mo na o ni faailoga mo le pule a Aposetolo anamua pe sa mulimuli i tagata talitonu o soo se vaitaimi. O tagata Kerisiano o e talitonu na muta meaalofa i Aposetolo e masani ona ta’ua o “mutaaga o vavega” ae o i latou o e talitonu o loo faaauau pea nei meaalofa ua ta’ua o “mana faalelagi.” O uluai Au Paia o Aso e Gata Ai, na talitonu i le savali o le Tusi a Mamona e faapea, e le’i faamutaina “aso o vavega”,² sa musuia faalelagi: sa latou saili mo ma faailoa atu meaalofa a le Agaga i ni auala eseese.

Peitai ane, e le’i umi ae iloa e le Au Paia, e le o mea uma e faaalia i mana faalelagi na sau mai i le Atua. Ina ua sau Iosefa Samita i Katelani mai Niu Ioka i le 1831, sa ia molimauina sauniga sa faatumulia i amioga o mana faalelagi ma faapea ona atugalu ai i le pe faapefea ona iloa le moni o meaalofa faaleagaga mai isi faaaliga.³ E ala i faaaliga na tuuina mai i le Perofeta, sa iloa ai e le Au Paia e mafai e agaga pepelo ona faaseseina tagata o e saili i faaaliga mo lo latou lava lelei, ma o meaalofa e tatau ona faaaoga e auauna atu ai ma ia aoao ai.⁴ Sa faamanino mai foi e le Alii e faapea, o i latou ua faauuina e “leoleo i le Ekalesia” o le a i ai le meaalofa ia iloatino ai po o le faaaogaina o meaalofa faapitoa pe sa mai i le Atua.⁵ Sa faaauau e taitai o le Ekalesia ona fefautuaai i le tasi ma le isi ma le Au Paia e uiga i le faamoemoe ma le faaaogaina tatau o meaalofa faaleagaga.⁶

O auala o loo faaalia mai ai meaalofa faaleagaga i totonu o le Ekalesia ua suia i le aluga o taimi. Mo se faataitaiga, i le seneturi lona 19, o le tautala ma le faaliliuga o gagana e le mailoa i sauniga a le Ekalesia sa o se mea masani. Mulimuli ane, sa tele lava ina maua e tagata o le Ekalesia le meaalofa o le tautala i gagana o se fesoasoani faalelagi e tuuina atu i faifeautalai e fesoasoani ia i latou i le talaiga o le talalelei i gagana eseese.⁷ O loo faaauau pea e le Au Paia o Aso e Gata Ai i aso nei ona fiafia i meaalofa e ofoina mai i soo o Keriso, e faamautu ai e le’i mavae lava aso o vavega.

Punaoa o le Ekalesia

“Meaalofa Faaleagaga,” Autu o le Talalelei, topics.lds.org.

Matthew McBride, “Religious Enthusiasm among Early Ohio Converts: MFF 46, 50,” i le Matthew McBride and James Goldberg, eds., Revelations in Context: The Stories behind the Sections of the Doctrine and Covenants (Salt Lake City: The Church of Jesus Christ of Latter-day Saints, 2016), 105–11.

Lisi o Tusi

O lomiga nei o loʻo tuʻuina atu nisi faʻamatalaga e uiga i lenei autu. I le faasinoina po o le fesoʻotaʻiina o oe i nei punaoa, matou te le lagolagoina pe faʻamaonia mea o loʻo i ai po o manatu o tusitala.

J. Spencer Fluhman, “The Joseph Smith Revelations and the Crisis of Early American Spirituality,” i le Andrew H. Hedges, J. Spencer Fluhman, and Alonzo L. Gaskill, eds., The Doctrine and Covenants: Revelations in Context (Provo, Utah: Religious Studies Center, Brigham Young University, 2008), 66–89.

Mark Lyman Staker, Hearken, O Ye People: The Historical Setting of Joseph Smith’s Ohio Revelations (Salt Lake City: Greg Kofford Books, 2009).

Autu e Faatatau i Ai: Meaalofa o le Tautala i Gagana, Faamalologa

Faamatalaga

1. Mareko 16:17–18.

2. Tagai Moronae 7:35.

3. Tagai Matthew McBride, “Religious Enthusiasm among Early Ohio Converts: MFF 46, 50,” i le Matthew McBride and James Goldberg, eds., Revelations in Context: The Stories behind the Revelations in the Doctrine and Covenants (2016), 105–116; Mark Lyman Staker, Hearken, O Ye People: The Historical Setting of Joseph Smith’s Ohio Revelations (Salt Lake City: Greg Kofford Books, 2009), 119–46, 175–91.

4. “Faaaliga, 9 Me 1831 [MFF 50],” i le Revelation Book 1, 82–85, josephsmithpapers.org; J. Spencer Fluhman, “The Joseph Smith Revelations and the Crisis of Early American Spirituality,” i le Andrew H. Hedges, J. Spencer Fluhman, and Alonzo L. Gaskill, eds., The Doctrine and Covenants: Revelations in Context (Provo, Utah: Religious Studies Center, Brigham Young University, 2008), 66–89.

5. “Revelation, circa 8 March 1831 [MFF 46],” josephsmithpapers.org.

6. Mo se faataitaiga o se soalaupulega a fautua maualuga e uiga i faatinoga a se paranesi o mana faalelagi, tagai Minute Book 2, 57–60, josephsmithpapers.org. Mo faataitaiga o fautuaga e uiga i le faaaogaina tatau o meaalofa faaleagaga, tagai “Journal, December 1841–December 1842,” i le Record Book, 1841–1845, 94, josephsmithpapers.org; “Journal, December 1842–June 1844; Book 1, 21 December 1842–10 March 1843,” 43–44, josephsmithpapers.org; “Try the Spirits,” Times and Seasons, vol. 3, no. 11 (Ape. 1, 1842), 743–48.

7. Tagai i Autu: Faamalologa, Meaalofa o le Tautala i Gagana.