Taua o Mamona-Misuri o le 1838

Taua a Mamona-Misuri (ua taua foi o le Taua a Mamona po o le Taua a Misuri) sa avea ma faafitauli i le va o Au Paia o Aso e Gata Ai ma isi tagatanuu i Misuri i matu i le tau toulu o le 1838. Na faateteleina le faafitauli ma faaaofia ai taitai o setete, e aofia le kovana, ma na iu i le faafalepuipuiina o Iosefa Samita ma le tuliesea faamalosi o le Au Paia mai Misuri.

O eseesega faalelotu, faalemalo, ma faalevafealoai i le va o le Au Paia o Aso e Gata Ai ma tagata Misuri na faatuputupulaia ai le feeseeseai mai le taimi ao faatoa taunuu le Au Paia o Aso e Gata Ai i le Itumalo o Siakisone, Misuri, i le 1831.¹ O taufaafefe a le autau le aloaia ma osofaiga a le au faatupufaalavelave na faamalosia ai le Au Paia mai le itumalo i le 1833. Sa toe siitia atu Mamona i itumalo tuaoi i le itu i matu, lea na faaauau ai ona latou feagai ma faiga saua. I le 1836, na faia ai e le setete le Itumalo o Caldwell e patino lava mo le faamautu i ai o Mamona, ma o e faasagatau i le Ekalesia na le taliaina le nonofo o soo se Au Paia o Aso e Gata Ai i fafo atu o lea itumalo fou. Ae na saili le Au Paia e faatino lo latou aia faaletulafono e ala i le faatuina o nofoaga i Itumalo tuaoi o Carroll ma Daviess. E oo atu i le taimi ua tuua ai e Iosefa Samita Ohaio mo le nofoaga Mamona i Fa Uesi, Misuri, i le tau mafanafana o le 1838, ua oo i se tulaga ogaoga le faasagatau i le i ai o le Ekalesia i Misuri.²

I le aso 4 o Iulai, 1838, na lapataia ai e Sini Rikitone o le a le toe faatagaina e le Au Paia sauga po o le faafitiina o o latou aia o ni tagatanuu o le Iunaite Setete. A faapea e potopoto au faatupu faalavelave, na ia leoleoa ai pei o le faititili i se tautalaga lautele, “o le a i le va o i matou ma i latou se taua o le faaumatiaga.” I lea lava taimi, na ia tautino ai o le a le avea le Au Paia ma e osofai: “O le a leai ni tagata o le a matou solia o latou aia tatau; ae o le a tutu mo o matou lava (aia tatau) seia oo i le oti.”³ I lea lava vaitaimi, o ni alii Mamona sa faatulagaina se autau le aloaia sa iloa o saTanu, lea na tauto e puipuia le Au Paia mai nisi vevesi. O tala i gaoioiga a sa Tanu na uunaia ai ni tagata o Misuri faapea o Mamona na taufaafefe mai le vevesi e faasaga i tuaoi.⁴

I le Aso o le Palota i lena tausaga, o tagata o le Itumalo o Carroll na palota mo Mamona ia tuua le itumalo. I le itumalo lata ane o Daviess, ina ua faasaina e tagata palota Mamona mai le ulufale atu i falepalota, na tupu ai loa se misa. I le fefefe ina nei tuliesea i latou mai le itumalo e se leoleo o le filemu o le lotoifale, na fesili atu le Au Paia o Aso e Gata Ai ia te ia ia saini se faamatalaga o le le faaituau. Na faitio mai le leoleo faapea na faafefeina o ia ia saini, ma o Iosefa Samita ma Laimani Wight na valaau ia tali atu i le moliaga i le faamasinoga. Na teena e le toalua lea le poloaiga vagana ua faamautinoa mai e le faamasinoga lo laua saogalemu. I le le fiafia ona o le faapea o Mamona e le taupulea, na toe faapotopoto ai le au faatupu faalavelave e faasaga i le Au Paia.

Na talosaga atu le Au Paia i le malo mo le puipuiga, ma na o mai ni au e tausia le filemu. Ae o se tali faalemalo na faalavelaveina ina ua faaleagaina e aufaatupu faalavelave se nofoaga o Mamona i De Witt, Itumalo o Carroll, ma faamalosia ai le Au Paia iina ia sosola mo o latou ola. Na tali atu le kovana o Misuri, o Lillburn W. Boggs, i se talosaga mo le fesoasoani e ala i le fai mai o le Au Paia ma Misuri e tatau ona tauina la latou lava taua. Ao faateleina lipoti i aufaatupu faalavelave ua susunuina fale o Mamona i isi itumalo, na filifili loa le Au Paia e tali atu i le tau.

E lua vaiaso na fai ai le taua faaauupegaina. I le ogatotonu o Oketopa, na osofaia ai e Mamona ma susunu fale ma faleoloa i Gallatin ma Millport. I le Vaitafe Piopio, na tau ai Mamona ma tagata o le militeli a Misuri, ma taunuu i le feoti ai o se Misuri e toatasi ma le lua Mamona, e aofia ai Aposetolo Tavita W. Patten. O se taunuuga o nei taua, o Kovana Boggs, lea na lagolagoina talu ai gaoioiga a aneti-Mamona i le Itumalo o Siakisone, na tuuina atu le poloaiga lea ua iloa o le “poloaiga e faaumatia,” lea na faatagaina le militeli a le setete e tutuliese Mamona mai le setete pe fasiotia i latou pe a tatau ai.⁵ O le vaega e sili ona matautia o le taua na oo mai i ni nai aso mulimuli ane i le aso 30 o Oketopa, ina ua tafanaina e se vaega o Misuri faaauupegaina le Au Paia i le Ili Laupapa a Hawn, na fasiotia ma faamalepeina ai ma le le alofa alii ma tama. 17⁶

Atavali e faaalia ai le taua i le va o Misuri ma tagata militeli Mamona i le Vaitafe Piopio.

The militia, under the command of Major General Samuel D. Lucas, laid siege to Far West on October 31. Na taofia e Luka Iosefa Samita ma ni nai isi taitai Mamona ma poloaiina lo latou faaumatia mo le isi aso. O le isi taitai e igoa ia Alesana Doniphan na luitauina le poloaiga, ma o Iosefa ma nai isi na lokaina ma poloaiina ia tutu i le faamasinoga i moliaga o le faalata ma le fasioti tagata. O le taimi lea, o le toatele o le Au Paia o Aso e Gata Ai na saili se sulufaiga i setete tuaoi o Ilinoi.⁷

O le Taua a Mamona-Misuri na faailogaina le iuga o le uluai i ai o le Ekalesia i Misuri. O le faaaliga a Iosefa Samita i le fausiaina o “Siona” o se nuu o ni Au Paia amiotonu e itiiti le faavae i se nofoaga faalefaafanua ae sili atu i soo se mea lava e faapotopoto i ai tagata o le Ekalesia.⁸ Na oo foi le taua i se taunuuga o le faaleagaina o taitai taua. O Tomasi B. Marsh, Osona Hyde, ma Viliamu W. Phelps na tuua uma lava le Ekalesia ma toe foi mai i ni tausaga mulimuli ane, ae o taitai e pei o Ioane Corrill ma Siaosi Hinkle e lei toe foi mai lava.⁹ I le mavae ai o le puapuagatia i se falepuipui malulu, ma vaapiapi i le taimi o le taumalulu o le 1838–39, na sosola ai Iosefa Samita, lona uso o Ailama, ma ni nai tagata i le fesoasoani a se leoleo na alofa ane ao malaga atu i se isi nofoaga. E ui lava ina faigata, ae o le tulaga o le falepuipui na faamaonia le laveai ia Iosefa, ao tuuina mai faaaliga taua ia te ia i le taimi o lona falepuipui.¹⁰