Atamu-onai-Amani

A o faapotopoto le Au Paia o Aso e Gata Ai e faapaia le Malumalu o Katelani i le 1836, sa latou lagiina le “Atamu-onai-Amani,” o se viiga sa fatuina e Viliamu W. Phelps ma sa aofia ai i viiga fou sa faatoa lolomi a le Au Paia o Aso e Gata Ai. O upu sa faamanatu ai aoaoga mai faaaliga a Iosefa Samita e uiga i se nofoaga e ta’ua o Atamu-onai-Amani, lea sa faaee atu ai e Atamu lana faamanuiaga faaiu i ana fanau. O loo faasino foi le viiga i le Afio Mai Faalua o le Faaola, pe a oo ina toefuatai mai Atamu-onai-Amani i lona matagofie ma le mamalu sa muai i ai.¹

Ata o Atamu-onai- Amani

Ata o Atamu-onai-Amani i le taimi nei.

Lua tausaga mulimuli ane, a o sailia ni fanua e mafai ona faamautu ai i le Itumalo o Daviess, Misuri, sa maua e Iosefa Samita ma se vaega o taitai o le Ekalesia se vaega matagofie e lata i le Grand River e tele le vai, o manu e mafai ona ai, ma laufanua laugatasi lanulauvao. I le talanoaina o se maupuepue lauiloa i le eria ua faaigoa o le Maupuepue o Totogo, sa faamalamalama atu ai e le Alii i se faaaliga e faapea sa Ia faaigoaina ia “Atamu-onai-Amani” ona “o le nofoaga o le a sau i ai Atamu e asiasi i ona tagata.”²

Sa olioli le Au Paia i lenei tala, ma e lei pine ae amata ona masii atu aiga i le eria. Sa latou faatulagaina o latou pitonuu i le faafanua o Siona (o le fuafuaga a Iosefa Samita mo le aai mo Initipene, Misuri) ma sa faailoa ai se tulaga mo se malumalu.³ Sa faatulaga e taitai le Siteki o Atamu-onai-Amani i le 1838, o se tasi o uluai siteki i le Ekalesia.⁴ Pe tusa ma le luaselau fale na fauina, ae sa na o ni nai masina le umi na i ai le pitonuu i Atamu-onai-Amani. E lei leva ae tulai mai feeseeseaiga i le va o le Au Paia o Aso e Gata Ai ma isi tagata o Misuri i le tautoulu o le 1838, ma sa faamalosia le Au Paia i Atamu-onai-Amani e tuua o latou fale.

Punaoa o le Ekalesia

Jacob W. Olmstead, “Far West and Adam-ondi-Ahman: MFF 115, 116, 117,” i le Matthew McBride and James Goldberg, eds., Faaaliga i le Talaaga: O Tala i tua atu o Faaaliga i le Mataupu Faavae ma Feagaiga (Salt Lake City: The Church of Jesus Christ of Latter-day Saints, 2016), 235–41.

“Adam-ondi-Ahman, Missouri,” Historic Sites, history.lds.org.

“Adam-ondi-Ahman,” josephsmithpapers.org

Talaaga o le Soifuaga

O lomiga nei o loo tuuina atu ai nisi faamatalaga e uiga i lenei autu. I le faasinoina po o le faafesootaia o oe i nei punaoa, matou te le faamaonia pe faamautinoa atu le anomea po o manatu o tusitala.

Leland H. Gentry, “Adam-ondi-Ahman: A Brief Historical Survey,” BYU Studies, vol. 13, no. 4 (Taumafanafana 2009): 89-95.

Robert J. Matthews, “Adam-ondi-Ahman,” BYU Studies, vol. 13, no. 1 (Tautotogo 1976): 29–39.

Autu Fesootai: Mormon-Missouri War of 1838, Zion/New Jerusalem, Far West

Faamatalaga

1. E tele faaaliga i le amataga sa i ai faamatalaga e uiga ia Atamu-onai-Amani. Mo se faataitaiga, sa faamalamalama mai i se faaaliga ia Mati 1832 e faapea i le “gagana mama a’ia’i,” o Amani o le suafa o le Atua. Tagai “Sample of Pure Language, between circa 4 and circa 20 March 1832,” i le Revelation Book 1, 144, josephsmithpapers.org. Tagai foi Robin Scott Jensen, Robert J. Woodford, and Steven C. Harper, eds., Revelations and Translations, Volume 1: Manuscript Revelation Books. Vol. 1 of the Revelations and Translations series of The Joseph Smith Papers, edited by Dean C. Jessee, Ronald K. Esplin, and Richard Lyman Bushman (Salt Lake City: Church Historian’s Press, 2011), 204–6. O se faaaliga i le 1835 ua iloa nei o le Mataupu Faavae ma Feagaiga 107 o loo faamatala mai ai faapea o le vanu o Atamu-onai-Amani na faaee atu ai e Atamu i luga o ana fanau lana faamanuiaga mulimuli (MFF 107:53; tagai foi “Instruction on Priesthood, between circa 1 March and circa 4 May 1835 [DC 107],” i le Mataupu Faavae ma Feagaiga, 1835 ed., 86, josephsmithpapers.org).

2. Mataupu Faavae ma Feagaiga 116; tagai foi Joseph Smith, “Journal, March–September 1838,” 43–44, josephsmithpapers.org. Sa faamatala mulimuli ane e Iosefa Samita se fonotaga i le lumanai lea o Atamu, o le “pulefaamalumalu i luga o agaga o tagata uma” o le “tama o le aiga o tagata” o le a “faapotopotoina faatasi ana fanau” e “saunia i latou mo le afio mai o le atalii o le tagata” ma “[tuuina atu] ana meatausi ia Keriso” (“Discourse, between circa 26 June and circa 4 August 1839–A, as Reported by Unknown Scribe,” 2, 3, josephsmithpapers.org).

3. “Plat of the City of Zion, circa Early June–25 June 1833,” josephsmithpapers.org.

4. “Conference Minutes,” Elders’ Journal, vol. 1, no. 4 (Aug. 1838), 60–61, josephsmithpapers.org.