Talafaasolopito o le Ekalesia
Uinita Kuata

“Uinita Kuata,” O Autu o le Talafaasolopito o le Ekalesia

“Uinita Kuata,”

Uinita Kuata

I le 1846, i masina talu ona tuua Navu, Ilinoi, i se savaliga e tumu i le tiga ma telegese e 300 maila e kolosi ai le Teritori o Aioua, na faamalolo ai e Polika Iaga ma le Korama a Aposetolo e Toasefululua le malaga tele i sisifo a le Au Paia o Aso e Gata Ai ia saunia ai mo le taumalulu. Na faamoemoe Iaga ia taunuu atu i le Faaofuofu Tele i lena taumafanafana, ae o le palapala ma le mamai na tigaina ai le ausulufai.1 Ona o le fasiotia o Iosefa Samita ma sosoo ai ma le tuliesea o le Au Paia mai Navu, o le toatele o le Au Paia na talitonu na le toe mafai ona latou faalagolago i tulafono a Amerika mo le puipuiga.

Na filifili e taitai o le Ekalesia se nofoaga i le Teritori a Initia i le itu o Council Bluffs e lata i le Vaitafe o Misuri ma faia ai se maliega ma le au Omaha (Unmonhon) ma le au Potawatomi (Bodewadmik) ma ofisa o Initia o le Iunaite Setete e fausia se nofoaga le tumau.2 O le auvai i sisifo o le vaitafe, o se nofoaga autu mo le femalagaaiga a vaa, sa i ai foi i totonu o le Teritori a Initia. E 7,000 atoa lava le Au Paia na taunuu i le 1846, ae toeitiiti lava 3,000 na nonofo pea i tolauapiga i le auala o Aioua.3 Ao amata ona fausia e le Au Paia ni fale palapala ma ni fale ogalaau, na latou feagai ma le le lava o meaai ma sapalai mo le taumalulu ua lata mai. O le fiaaai, tinovale, ma tulaga o le fe’oma’i o tagata na faateteleina ai le pipisi o le faamai.4

Ao fuafua le Au Paia mo le malaga na loma, na oo mai se avanoa e faaleleia ai a latou punaoa i se manaoga mo ni tagata o le Fitafita a le Iunaite Setete. E ui lava ina lagonaina e le Au Paia le le toe talitonuina o le faigamalo o le Iunaite Setete ma na mumusu e lesitala i se taua e faasaga ia Meikisiko, ae e 500 alii na auai i le Au Tau a Mamona ina ia maua mai ni totogi e mafai ona fesoasoani ai i le Ekalesia.5 O le tele o le totogi o le auaunaga na tuuina atu o ni foai ia Epikopo Newel K. Whitney. Ona ia faatauina ai lea o meaai ma sapalai i St. Louis, Misuri, mo le faleteuoloa i Uinita Kuata.5

Na sailia e Polika Iaga le taitaiga mai le Alii ma mauaina se faaaliga lea na faatonuina ai le Au Paia i le ala e faatulaga ai la latou malaga tele.7 Na uunaia foi Iaga e ni nai miti faatasi ai ma se faaaliga vaaia i le ala e faatulaga ai le aiga o Isaraelu i lona ala o le feagaiga. Na to’a lona mafaufau ina ua ia tuua Uinita Kuata i le aso 7 o Aperila, 1847, e faatasi atu ma isi tagata o le vaega taimua o paionia ao latou amataina la latou savaliga.8

O le Au Paia na totoe i Uinita Kuata na taulai atu a latou taumafaiga i le saunia mo se malaga toatele lava. I le taumafanafana atoa ma le tautoulu o le 1847, sa toatele isi ausulufai na taunuu mai na ui mai i le auala i Aioua. Na valaaulia isi epikopo e fesoasoani e tausia e matitiva ma le tagolima—e toatasi i le poloka aai e tasi.9 O tamaitai, ia na toatele atu i lo alii i le aai, na tatalo faatasi ma faamanuiaina le tasi ma le isi.10 Ao faasolo ina lelei le tau, na fausia e le Au Paia ni fale malolosi atu ma totoina ma faia ni pa mo meaai e faaaoga e tagata malaga mai i le lumanai.

I le toe foi atu o Polika Iaga i Uinita Kuata i le tautoulu o le 1847 mai lana sailiiliga i le Faaofuofu Tele, na ia tau ai i se nofoaga faamanuiaina. Na ia mafaufau foi e tuua le nofoaga, ona o le a faamutaina le lisi o le fanua o le au Omaha i ni nai masina. Na amata ona agai atu le Au Paia i sasae e sopoia le vaitafe ma toe foi atu i Aioua, ma na iu ina latou faaigoaina lo latou laumua fou mo femalagaiga o Kanesville e faamamalu ai Tomasi L. Kane, o lē na fesoasoani ia i latou ina ua faateaese i latou mai Navu.11

I Kanesville ia Tesema o le 1847, na potopoto ai le Au Paia o Aso e Gata Ai i la latou tapeneko laupapa e lagolagoina le au Peresitene Sili fou lea na avea ai Polika Iaga ma peresitene. Na avea Orson Hyde ma Peresitene fou o le Korama a le Toasefululua.12 Na taitai atu e Iaga ma ona fesoasoani ni vaega i sisifo i le tautotogo; na nofo Hyde i Kanesville e vaai tagata e taunuu mai, sauniuniga, ma le Au Paia e malaga ese mai na taunuu mai le Iunaite Setete i sasae ma Europa.

I Uinita Kuata, na tauivi ai le Au Paia ia saunia i latou lava mo le malaga i sisifo, ae peitai i Kanesville, o le lolofi atu o le au eli auro i le 1849, na faaosofia ai se solo mai o le tupe.13 O tagata malaga na o atu i Kalefonia na ui mai i Kanesville, na naunau e totogi se tau maualuga mo meaai ma sapalai. Na toe uunaia e Polika Iaga ma isi taitai le Au Paia ia faapotopoto i Siona, ma i le 1852, e 21 taavale solofanua ma pe 10,000 le Au Paia na malaga ese atu mo Iuta. Na vave ona toe faaigoaina Kanesville o Council Bluffs, ae faaigoa Uinita Kuata o Florence, Nebraska.14

Faamatalaga

  1. Richard E. Bennett, Mormons at the Missouri, 1846–1852: “And Should We Die” (Norman: University of Oklahoma Press, 1987), 90; Edward L. Kimball and Kenneth Godfrey, “Law and Order in Winter Quarters,” Journal of Mormon History, vol. 32, no. 1 (Spring 2006), 172–218.

  2. Na nonofo le au Potawatomi i le fanua i sasae o le Vaitafe o Misuri, ae o le au Omaha na tuuina atu i ai le fanua i sisifo o le vaitafe. Na tuuina mai e le malo o le Iunaite Setete se taimi tapulaa e lua tausaga i le fanua o le Omaha; ia oo atu ia Me o le 1848 ua tatau ona o ese tagata na nofoia Uinita Kuata. (Kimball and Godfrey, “Law and Order in Winter Quarters,” 174–75.)

  3. I le taumalulu o le 1846-47, e 4,000 tagata na nonofo i Uinita Kuata; o tolauapiga i sasae o le vaitafe na nonofo ai le isi 3,000. O le toa 3,000 na salalau solo pea i luga o le auala o Aioua ma toaluapi i nofoaga e pei o Garden Grove ma Mount Pisgah. O le isi 1,700 o le Au Paia na faaaluina le taumalulu ia Misuri, e matele lava i St. Louis. (Richard E. Bennett, “Winter Quarters: Church Headquarters, 1846–1848,” Ensign [Sept. 1997], 46–47. [Tagai foi Chad M. Orton, “‘This Shall Be Our Covenant’: D&C 136,” i le Matthew McBride and James Goldberg, eds., Revelations in Context: The Stories behind the Sections of the Doctrine and Covenants (Salt Lake City: The Church of Jesus Christ of Latter-day Saints, 2016), 307.])

  4. Tagai Joseph B. Hinckley, “Saints and Sickness: Medicine in Nauvoo and Winter Quarters,” Religious Educator, vol. 10, no. 3 (2009), 137–49; Evan L. Ivie, “Deaths in Early Nauvoo, Illinois, 1839–46, and in Winter Quarters, Nebraska, 1846–48,” Religious Educator, vol. 10, no. 3 (2009), 163-74.

  5. Tagai i Autu: Autau Mamona; Taua a Mekisiko ma Amerika.

  6. Bennett, “Winter Quarters,” 47.

  7. Tagai i le Mataupu Faavae ma Feagaiga 136.

  8. Orton, “This Shall Be Our Covenant,” 307–14; “Exodus to Zion in the American West,” history.ChurchofJesusChrist.org.

  9. Bennett, “Winter Quarters,” 47.

  10. Laurel Thatcher Ulrich, A House Full of Females: Plural Marriage and Women’s Rights in Early Mormonism, 1835–1870 (New York: Alfred A. Knopf, 2017), 169–83.

  11. Tagai Autu: Thomas L. and Elizabeth Kane; William G. Hartley, “Council Bluffs/Kanesville, Aioua: A Hub for Mormon Settlements, Operations, and Emigration, 1846–1852,” John Whitmer Historical Association Journal, vol. 26 (2006), 27–28.

  12. Tagai Autu: Succession of Church Leadership [Faasologa o le Taitaiga a le Ekalesia]; Aaron L. West, “Sustaining a New First Presidency in 1847: Why We Remember the Kanesville Tabernacle,” Nov. 20, 2017, history.ChurchofJesusChrist.org.

  13. Tagai i le Autu: Eligā Auro Tele i Kalefonia.

  14. Hartley, “Council Bluffs/Kanesville,” 43–46.