Talafaasolopito o le Ekalesia
Iosefa Samita ma Faaipoipoga Faaautaunonofo


“Iosefa Samita ma Faaipoipoga Autaunonofo,” O Autu o le Talafaasolopito a le Ekalesia

“Iosefa Samita ma Faaipoipoga Faaautaunonofo”

Iosefa Samita ma Faaipoipoga Faaautaunonofo

Na talitonu le Au Paia o Aso e Gata Ai o le faaipoipo i le tagata e toatasi i le taimi—faaipoipoga o le alii e toatasi i le tamaitai e toatasi—o le tulafono autu lea a le Alii e uiga i le faaipoipoga.1 I taimi o le Tusi Paia, na poloaiina ai e le Alii nisi o Lona nuu e faatino faaipoipoga faaautaunonofo—o le faaipoipoga o le alii e toatasi i tamaitai e sili atu ma le toatasi.2 Sa maua foi ma usitaia e nisi o tagata O Le Ekalesia a Iesu Keriso o le Au Paia o Aso e Gata Ai, lenei poloaiga na tuuina mai e ala mai i perofeta a le Atua.

Ina ua uma ona maua se faaaliga na poloaiina ai o ia e faatino faaipoipoga faaautaunonofo, sa faaipoipo atu ai Iosefa Samita i ni ava e toatele ma faalauiloa atu le faatinoga lea i aumea mamae. O lenei mataupu faavae sa o se tasi lea o vaega sa sili ona luitauina o le Toefuataiga—mo Iosefa lava ia ma mo isi tagata o le Ekalesia. O faaipoipoga faaautaunonofo sa tofotofoina ai faatuatua ma na mafua ai feeseeseaiga ma le tetee. E toaitiiti ni Au Paia o Aso e Gata Ai sa taliaina i le taimi muamua le toefuataiga o se faiga faaletusi paia, i o latou manatu e matuai ese lava. Peitai ane, e toatele sa mulimuli ane molimau mai e uiga i aafiaga mamana faaleagaga sa fesoasoani ia i latou e aveesea ai lo latou mumusu ma tuuina atu ia i latou le lototele e talia ai lenei faatinoga.

E anoanoai faamatalaga e uiga i le faatinoga anamua o faaipoipoga faaautaunonofo e le o mailoa ona sa talosagaina i latou na auai ia le faalauaiteleina a latou faatinoga. O le mea lea e manifi ai lava faamaumauga anamua o faaipoipoga faaautaunonofo: e itiiti ni faamaumauga o lena vaitaimi na tuuina mai ai ni faamatalaga, ma o mea e manatua e faamatalaina mulimuli ane, e le o taimi uma e faatuatuaina ai. Sa faamatalaina e le AuPaia ni tala taua e faatatau i le faatinoga o faaipoipoga faaautaunonofo e Iosefa Samita ma isi uluai Au Paia o Aso e Gata Ai. Mo nisi faamatalaga e uiga i faaipoipoga faaautaunonofo anamua, tagai “Faaipoipoga Faautaunonofo i Le Ekalesia a Iesu Keriso o le Au Paia o Aso e Gata Ai,” Gospel Topics Essays, topics.lds.org.

Autu e Faatatau i Ai: Iosefa Samita le Itiiti., Ema Hale Samita, Fanny Alger, Nauvoo Expositor

Faamatalaga

  1. Tagai “O Le Aiga: O Se Folafolaga i le Lalolagi,” Ensign po o le Liahona, Me 2017, 145; Iakopo 2:27, 30.

  2. Tagai “Faaipoipoga Faaautaunonofo i Katelani ma Navu,” Gospel Topics Essays, topics.lds.org.