Talafaasolopito o le Ekalesia
O Papatusi Auro

“O Papatusi Auro,” O Autu o le Talafaasolopito o le Ekalesia

“O Papatusi Auro”

O Papatusi Auro

Ina ua salalau le tala ua malupuipuia e Iosefa Samita le puletaofia mo le Tusi a Mamona, sa faapea ona aliae ai se mea na faalavelave i le autailolomi i le lotoifale. E tusa ai ma le faamatalaga a Wayne Sentinel o Palamaira, sa amata ona lolomi e nusipepa faamatalaga e uiga i le tulai mai o le tusi ma lona faaliliuga, ma sa faalagolago i manatu taumatemate ia na feaveai “mo se taimi umi ua mavae.” O le aitema anamua lea na maua e Iosefa “ua lauiloa ai e le lautele ma talanoa e uiga i ai,” e pei ona lipotia ai e le Sentinel, “o le ‘Tusi Paia Auro.’” E ui ina sa fai mai le faatonu, sa avea le faaupuga ma se upu masani i le eria, ae o lona faatatau atu i le vaaia o papatusi auro ua faailogaina ai le uluai taimi i le faamaumauga.1

Ata
o se faatusa o papatusi auro

O se faatusa o papatusi o le Tusi a Mamona.

Faatasi ai ma tala faatupu na feaveai solo e uiga i papatusi, o lea sa taumafai ai Iosefa e faamanino ma faamalamalama ia tala e ala i le lomiaina o faamatalaga aloaia i le uluai lomiga o le Tusi a Mamona. O le faatomuaga a Iosefa ma se molimau na tusia e se vaega o molimau e toavalu ua faamatalaina ai o papatusi e “foliga auro.”2 O tusitala o le Tusi a Mamona, sa na ona faapea mai, sa latou vaneina a latou tusitusiga i luga o “papatusi.”3 I a latou faamatalaga, sa faamamafaina ai e Iosefa Samita ma molimau le afua mai anamua o papatusi, ma tusitusiga tulaga ese,4ae o le iila lanu auro o papatusi lea sa maofa ai le toatele o tagata.5 Sa laga mai e Iosefa ia papatusi ia Setema 1827 i le faatonuga a se agelu na igoa ia Moronae, o le sa toe poloaiina Iosefa e faaliliu le faamaumauga mai anamua.6 Sa galue o ia i le faaliliuga i le va o le amataga o le  1828 ma Iuni 1829 ina ua uma lea, sa ia toefaafoiina atu papatusi i le agelu.7

Sa tuua mulimuli ane e molimau ni faamatalaga sa auiliiliina ai mea sa gaosia ai papatusi, mamafa, tele, mafiafia, ma le saisaiga. O le mamafa o papatusi pe tusa ma le “fasefulu i le limasefulu” pauna,8 ma o le tuufaatasiga sa pe a ma le fa i le ono futu le mafiafia.9 O itulau sa fuaina pe a ma le “ono” pe “fitu inisi le lautetele i le valu inisi le uumi”10 ma o itulau taitasi sa i ai le mafiafia “o papatusi apa”11 ma, e tusa ai ma le faamatalaga a Ema Samita, e gase ma se pao o se uamea pe a susue ona tulimanu e le limamatua, e pei ona faia e se tasi i nisi o taimi i tulimanu o se tusi.”12 E tolu ni mama e mamanu i le D na fusi ai itulau “i le pito i tua o tulimanu”13 i se voluma. E tusa ai ma le faamatalaga a se tasi o molimau, sa i ai se mea faapipii sa faamau ai le “pe a o le afa o le tusi” mai le loteina. O lenei vaega na faamauina sa le mafai ai ona tuueseese ia itulau ma “foliga ai e malo pei o se laupapa.”14 Sa faia mai e Iosefa Samita lana faaliliuga mai itulau na matalatala o papatusi.15

E faavae i nei fua, ua taumateina ai e tagata suesue i ona po nei, o papatusi o se auro maoi o lona mamafa e tusa ma le 45 kilokalama (100 pauna) ma atonu e fai si vaivai tele mo mataitusi e vaneina.16 Atonu sa faaaoga e i latou na tausia faamaumauga o le Tusi a Mamona se aloi [paluga] e fatu ai papatusi metala, lea e foliga ai e lanuauro ae e le o se auro atoa lona tino mai. Sa talitonu Viliamu Samita, o le uso laitiiti o Iosefa, “o se paluga faatasi o le auro ma le apamemea” sa faia ai papatusi.17

Autu e Fesootai I Ai: Angel Moroni, Book of Mormon Translation

Faamatalaga

  1. The Wayne Sentinel, June 26, 1829, 3.

  2. Joseph Smith Jr., The Book of Mormon: An Account Written by the Hand of Mormon, upon Plates Taken from the Plates of Nephi (Palmyra, New York: E. B. Grandin, 1830), iii–iv, 590, josephsmithpapers.org; ua faaopoopo le faamamafa.

  3. 1 Nifae 9:2–4; Upu a Mamona 1:1–3, 6, 10.

  4. Iosefa Samita le Itiiti., O Le Tusi a Mamona, 590; ua faaopoopo le faamamafa.

  5. Tagai “19th-Century Publications about the Book of Mormon (1829–1844),”Harold B. Lee Library, Brigham Young University, lib.byu.edu. Faatusatusa i tala na fatufatuina e Iosefa Samita, e pei o le “Revelation, July 1828 [DC 3],” i le Tusi o Faaaliga 1, 1–2, josephsmithpapers.org;“Revelation, March 1829 [DC 5],” josephsmithpapers.org;“Revelation, Spring 1829 [DC 10],” i le Book of Commandments, 22–27, josephsmithpapers.org;“Revelation, April 1828–B [DC 8],” i le Revelation Book 1, 12–13, josephsmithpapers.org.

  6. O Moronae o se tasi o tausi faamaumauga anamua o ana tusitusiga sa saofaga i le Tusi a Mamona.

  7. Iosefa Samita, “History, 1838–1856, volume A-1 [23 December 1805–30 August 1834]131, josephsmithpapers.org.

  8. “A Witness to the Book of Mormon,” Iowa State Register, Aug. 28, 1870.

  9. “Mormonism—No. II,”Tiffany’s Monthly,Aug. 1859, 165; Joseph Smith letter to John Wentworth, i le Joseph Smith, “History, 1838–1856, volume C-1 [2 November 1838–31 July 1842],” 1282, josephsmithpapers.org.

  10. Joseph Smith,“Church History,” Times and Seasons, Mar. 1, 1842, 707, josephsmithpapers.org; “Mormonism—No. II,” 165; “An Old Mormon’s Closing Hours,” Chicago Tribune, Jan. 24, 1888, 5.

  11. “Mormonism—No. II,” Tiffany’s Monthly, Aug. 1859, 164.

  12. Joseph Smith III, “Last Testimony of Sister Emma,” Saints’ Herald, Oct. 1, 1879, 2.

  13. Tavita Uitimera, Faatalanoaga, i le apitalaaga a Edward Stevenson, Tes. 22–23, 1877, i le Edward Stevenson Collection 1849–1922, Church History Library, Salt Lake City.

  14. Tavita Uitimera, Faatalanoaga e P. Wilhelm Poulson,Deseret Evening News, Aug. 16, 1878, i le Lyndon W. Cook,David Whitmer Interviews: A Restoration Witness (Orem, Utah: Grandin Book Company, 1991), 20–21.

  15. “An Old Mormon’s Closing Hours,” 5.

  16. Tagai Robert F. Smith, “The ‘Golden’ Plates,” i le Reexploring the Book of Mormon,ed. John W. Welch (Provo, Utah: Foundation for Ancient Research and Mormon Studies, 1992), 277.

  17. William B. Smith, “The Old Soldier’s Testimony,”Saints’ Herald,Oke.  4, 1884, 644.