“Tagata na Mulimuli ia (Viliamu) Godbe [Godbeites],” Autu o le Talafaasolopito o le Ekalesia
“Tagata na Mulimuli ia (Viliamu) Godbe [Godbeites]”
Tagata na Mulimuli ia (Viliamu) Godbe [Godbeites]
O le au sa Godbeites o se gaoioiga solotetee i le faaiuga o le vaitau o le 1860 ma le amataga o le vaitau o le 1870 o e sa teenaina le taitaiga a Polika Iaga ma ana aiaiga faavae tau tamaoaiga. Sa latou ta’ua i latou o le “Gaoioiga Fou” ma mulimuli ane faatulaga ai le Ekalesia a Siona, sa latou avea ma sui o tulaga taufefaatauaiga ma fiafia i tulaga tau maina nai lo le fiafia i faatoaga, sa finau mo tupe faasili nai lo le galulue faatasi, ma taliaina le faiga o faatasiga e talanoa ai i agaga o tagata ua maliliu. O a latou taitai na aofia ai le toatele o tagata liliu mai i le Ekalesia na fananau i Peretania o e na o mai i aiga faipisini ma atamamai. O lenei gaoioiga na taitaia e Viliamu Godbe, o se faatauoloa mauoa i Sate Leki, ma iu ai ina oo atu ia Amasa Laimani lea sa avea ma Aposetolo.
O le gaoioiga a le au Godbeite na tulai ae i le 1869 e tali atu ai i se polokalama fou o taumafaiga faapisinisi tuufaatasi o faafetauaiga na amatalia e Polika Iaga. Na popole Iaga faapea o le a selesele tagata maumea e pei o Godbe i le tele o tupe maua mai oloa e faatau atu e ala i e matitiva. Ina ia faaitiitia le pule a tagata mauoa, sa ia fautuaina tagata o le lotoifale ia tuufaatasi a latou punaoa, gaosia a latou lava oloa, ma faatau atu i faleoloa i ni tau taugofie.1 Sa tetee Godbe ma ana paaga i le faatulagaga a le Ekalesia o se faalavelave i mea tautupe ma o se faatiga i le saolotoga o le lotofuatiaifo.
I le 1870 sa auai faatasi atu le au Godbeites i isi ina ia faavaeina le Pati a le Liberal ma tetee atu i faatosinaga a le Ekalesia i mataupu faaletino ma faaupufai. I le isi itu, na fesoasoani taitai o le Ekalesia ina ia faavaeina le Pati mo Tagata, lea na manino le fesoasoani i mea na fiafia i ai le Au Paia o Aso e Gata Ai. O nei toe faatulagaga faaupufai a Iuta faatasi ma popolega i tulaga tau lotu na faatupulaia ai le ita i va o tagata o le Ekalesia ma tuaoi e le o ni Au Paia o Aso e Gata Ai i le vaitaimi e taitai atu ai i le faaseteteina o Iuta i le 1896.2
O le toatele o le au Godbeite sa tetee i taitai o le Ekalesia e ala i le ta’ua o faaaliga fou na maua i le taimi o faatasiga e talanoa ai ma agaga o tagata ua maliliu. O se gaoioiga faaleagaga ua salalau atu lea e talitonu ai ona tagata lagolago e mafai e tagata soifua ona fesootai ma agaga o i latou ua maliliu ua lauiloa i le Iunaite Setete. Ina ua maea le auai ai i nai faatasiga e talanoa ai ma agaga o tagata ua maliliu, na ta’ua ai e Godbe e faapea o agaga o Iosefa Samita ma isi sa talanoa mai e ala mai i tagata soifua, po o “auala,” e taitai ai o ia i le toe faatulagaina o le Ekalesia. Sa faatino e i latou o e na mulimuli ni talanoaga masani ma agaga o i latou ua maliliu, ma le faamoemoe e talanoa ma perofeta ua maliliu, tagata o aiga, ma isi tagata taua mai talafaasolopito. O nei tala i faaaliga na faateleina ai finauga i le va o nisi o le au Godbeites ma taitai o le Ekalesia.3
I lea lava taimi, na avea le au Godbeites ma itu tete’e sili ona toatele ma sili ona malosi i le taitaiga a Polika Iaga i le Teritori o Iuta. E ui e lei umi-tele, o lenei gaoioiga na o faatasi ma se suiga i le taitaiga e le Ekalesia o tulaga o le tamaoaiga i le lotoifale. O ala felagolagomai o le Au Paia o loo galulue faatasi mo se fiafia lautele na faatumauina, ae o uarota, ae le o aai ma taulaga, e muamua fesoasoani i le manuia lautele i tulaga tau tupe mo tagata o le Ekalesia. Mulimuli ane, na pau maualalo le taua o le fuafuaga tutotonu, ma foai volenitia a tagata taitoatasi ma aiga—sefuluai ma taulaga anapogi—na tulai mai e avea ma auala autu o le lagolagoina o le malo faaletino.
Ao lei i ai le au Godbeites, o le tele o mea faafeagai i le Ekalesia na sau mai i fafo—mai i le au faitioPorotesano o e sa nonofo mamao ese mai tagata o le Ekalesia. Peitai, o tagata tetee a le au Godbeite, na faavaeina se niusipepa faalelotoifale (na mulimuli ane ta’ua o le Salt Lake Tribune) ma i le faaiuga o le vaitau o le 1800 sa tetee ma le loto i ai i le Ekalesia ae i le vaitau o le 1920 sa avea ai ma tagata faauo, pe afai e taua tele taimi, o se tuaoi i le Deseret News na anaina e le Ekalesia. O le talatuu o le tetee o le au Godbeite na suia i le tele o tagata tusitala faasalalau le faaituau. O popolega faaupufai, pisinisi, faataulaitu, ma tusitala faasalalau o tagata tetee a le au Godbeite na suia i le vaitau o le 1880, ma i le amataga o le vaitau o le 1890 o le gaoioiga a taitai a le ua maliliu po o ua salalau solo i ni tulitulimataiga eseese.
Autu Fesootai: Tutoatasi i Upufai o Malo, Taumafaiga Faapisinisi Felagolagomai