Iosefa F. Samita

O Iosefa F. Samita sa avea ma Peresitene lona ono o Le Ekalesia a Iesu Keriso o le Au Paia o Aso e Gata Ai. Sa 5 tausaga o le matua o Iosefa i le taimi na maliufasia ai lona tama, o Ailama Samita ae na 13 i le taimi na maliu ai lona tina o Mele Filitia Samita. I le 15 o ona tausaga, sa auauna atu ai Iosefa F. Samita i se misiona i Atumotu o Sanuisi (lea ua ta’ua nei o Hawaii), o lana misiona muamua lea o ni misiona sa ia auauna atu ai i Hawaii ma Peretania. I le 1866 sa faauuina ai o ia o se Aposetolo ma valaauina ai i le Au Peresitene Sili o se fesoasoani ia Polika Iaga; ana le oo lava i le tausaga na sosoo ai e le vaetofiaina o ia o se sui auai o le Korama a Aposetolo e Toasefululua.¹ Sa faaipoipo Samita i ni tamaitai se toa 5 ma e toa 48 lana fanau, o le toa 5 o i latou sa vaetamaina. O lona aiga sa faamatalaina e ala i ni sootaga vavalalata ma felagolagomai. Ina ua mavae ona auauna atu o se fesoasoani i le toafa o Peresitene o le Ekalesia, sa lagolagoina loa Samita e avea ma Peresitene o le Ekalesia i le 1901.

Iosefa F. Samita

Atapu’e o Iosefa F. Samita.

I le 17 o tausaga sa ia taitaia ai le Ekalesia, sa faapea ona i ai se faatosinaga taua a Iosefa F. Samita i aafiaga o tagata o le Ekalesia i o latou uarota ma paranesi. I lalo o lana taitaiga, na faalauiloa mai ai ni toe faaleleiga tetele i le faalapotopotoga o le korama o le perisitua, e aofia ai le faalaugatasia o le faafia ona fai o fonotaga ma anomea e aoaoina, faatulagaina o le matutua mo faauuga o tofi eseese o le perisitua, ma le faamamafaga o alaomea o le pule o le perisitua.²

I le aluga o tausaga o lona avea ai ma Peresitene o le Ekalesia, sa galue ai foi Samita e faaleleia le sootaga i le va o le Ekalesia ma tagata lautele. I le 1904 sa tulai ai o ia i luma o le Konekeresi a le Iunaite Setete o se vaega o faamasinoga na faia pe faataga Reed Smoot e saofai i le senate, o se Aposetolo na filifilia i le Senate.³ Ao ia faaauauina ni taumafaiga e aapa atu i tagata lautele, sa iu ina molimauina e Samita se tuuitiitiaga iloga o le feita o tagata i le Ekalesia.

Sa amatalia e Samita le afiafi faaleaiga (lea ua ta’ua nei o le afiafi o aiga) ma polokalama o le seminare ma fesoasoani i le Ekalesia ia amata ona i ai i ona nofoaga talafaasolopito i le Iunaite Setete i sasa’e. I le 1918 na maua ai e Samita se faaaliga vaaia e uiga i le lalolagi o agaga, lea sa faaopoopoina mulimuli ane i tusitusiga paia o le Mataupu Faavae ma Feagaiga 138.

Mo nisi faamatalaga e uiga i le soifuaga o Iosefa F. Samita, tagai i vitio Prophets of the Restoration i le history.ChurchofJesusChrist.org ma i le polokalama o le Gospel Library.

Punaoa o le Ekalesia

Aoaoga a Peresitene o le Ekalesia: Iosefa F. Samita (Salt Lake City: The Church of Jesus Christ of Latter-day Saints, 1998).

M. Russell Ballard, “The Vision of the Redemption of the Dead,” Ensign, Oct. 2018, 71–74.

Lisa Olsen Tait, “Susa Young Gates and the Vision of the Redemption of the Dead,” i le Matthew McBride and James Goldberg, eds., Revelations in Context: The Stories behind the Sections of the Doctrine and Covenants (Salt Lake City: The Church of Jesus Christ of Latter-day Saints, 2016), 315–22.

“The Spirit World,” episode 26, The Mormon Channel Q&A, mormonchannel.org.

Joseph F. Smith papers, 1854–1918, Church History Library, Salt Lake City.

Talaaga o le Soifuaga

O lomiga nei o loo tuuina atu ai nisi faamatalaga e uiga i lenei autu. I le faasinoina atu po o le faafesootaia o oe i nei punaoa, matou te le faamaonia pe faamautinoa atu le anomea po o manatu o tusitala.

Joseph Fielding Smith, Life of Joseph F. Smith, Sixth President of The Church of Jesus Christ of Latter-day Saints (Salt Lake City: Deseret News Press, 1938).

George S. Tate, “‘The Great World of the Spirits of the Dead’: Death, the Great War, and the 1918 Influenza Pandemic as Context for Doctrine and Covenants 138,” BYU Studies, vol. 46, no. 1 (2007), 4–40.

Faamatalaga

1. Tagai i le Autu: Succession of Church Leadership

2. Tagai i le Autu: Adjustments to Priesthood Organization.

3. E toatele tagata Amerika i lena taimi, na masalosalo e faapea sa faaauauina faalilolilo e taitai o le Ekalesia ona uunaia le faiga faasolitulafono o faaipoipoga autaunonofo, sa fesiligia pe na talafeagai le avea o se Aposetolo o le Au Paia o Aso e Gata Ai ma se senatoa. Sa latou finauina e faapea, o le a sili atu ona faamaoni o ia i le Ekalesia nai lo lona tiute o le faatumauina o tulafono a le Iunaite Setete. Tagai “The Manifesto and the End of Plural Marriage,” Gospel Topics Essays, topics.ChurchofJesusChrist.org.