O Isi Gaoioiga a le Au Paia o Aso e Gata Ai

Ina ua mavae le gau o le Sosaiete mo le Saogalemu o Katelani i le 1837, sa amata e se vaega o le Au Paia o Aso e Gata Ai i Katelani, Ohaio, ona fesiligia le taitaiga a Iosefa Samita.¹ Sa latou manatu ua le mafai ona latou toe taliaina Iosefa o se taitai, e ui ina sa latou talitonu pea sa toefuatai mai e Iesu Keriso Lana talalelei anamua e ala mai i le Perofeta. I le mulimuli ai i tu ma agaifanua faa-Porotesano o le faatuina o ekalesia fou e tetee ai i ni faitioga, sa latou amatalia a latou lava lotu e ese ai.²

I le taimi o le soifuaga o Iosefa Samita, e toatele ni vaega toalaiti sa tuua le Ekalesia ma amata a latou gaoioiga po o mau, e pipii lava i se talitonuga i le Tusi a Mamona ae teena le faaauauina o le taitaiga a Iosefa. Ina ua mavae le maliu o Iosefa Samita i le 1844, o le toatele o le Au Paia o Aso e Gata Ai sa lagolagoina le taitaiga a Aposetolo e Toasefululua, ae tele gaoioiga o mau sa amatalia e faavae i manatu eseese e uiga i le soloaiga i le au taitai.³ Sa faaauau pea ona faatutu ni ekalesia fou i nisi taimi, e masani lava ona o feeseeseaiga patino e uiga i aoaoga faavae po o aiaiaga faavae. Mo se faataitaiga, sa i ai mau sa faavae i le tetee i taumafaiga a Polika Iaga e faalauiloa le faapaiaga, i le faaaliga a Uilifoti Uitilafi e taofia le toe faaauauina o faaipoipoga faaautaunonofo, ma le au taitai o le misiona i Mekisiko i le vaitau o le 1930.⁴

O nisi o nei gaoioiga e lei umi ae mou atu, ae e toatele sa i ai pea mo le tele o tupulaga, e ui o le tele lava sa na o ni faalapotopotoga toalaiti naua. E ese mai Le Ekalesia a Iesu Keriso o le Au Paia o Aso e Gata Ai, o vaega aupito toatele e lua sa faatutuina mulimuli ane o se ekalesia sa faavae e James J. Strang (o nisi taimi sa faaigoa ai o le Strangite Church) ma le Ekalesia Toefaatulagaina a Iesu Keriso o le Au Paia o Aso e Gata Ai (lea ua faaigoa nei o le Nuu o Keriso), lea sa faavae i le 1860 ma sa taitaia muamua e le atalii o Iosefa Samita o Iosefa III.

I le tulaga faasolopito, o sootaga i le va o Ekalesia ma isi vaega sa faatamaiaina. Sa masani ona oso maualuga lagona o le feitagai a o lei fevaevaeai vaega, ma mulimuli ane ai fuafua lotu eseese e faamamafa o latou manatu o feeseeseaiga. I nisi tulaga, pei o le ekalesia moni a Viliamu Law O Le Ekalesia a Iesu Keriso o le Au Paia o Aso e Gata Ai i le 1844, ma le Ekalesia o Siona a Viliamu Godbe i le vaitau o le 1870, na feleilogaa’i ia mau fou nei ma vaega a le au aneti-Mamona. I le tulaga o le gaoioiga o le Fonotaga Lona Tolu i Mekisiko, o vaega loloto, na i ai i le amataga na iu ina suia i se faaaloalo ma sa galulue faatasi sili atu, ma iu ai ina toefaaleleia la latou mau ma le Ekalesia.⁵

I le seneturi lona 19 ma le amataga o le seneturi lona 20 , sa i ai ni feeseeseaiga o le Ekalesia ma le Ekalesia Toefaatulagaina i ala o faasalalauga, i galuega faamisiona, ma i fale faamasino, ma sa faapogisaina e nei feeseeseaiga soo se taumafaiga ina ia faaleleia le vafealaoaloai.⁶ E oo atu i le faaiuga o le seneturi lona 20 ma le amataga o le seneturi lona 21 , ua matuai faaleleia le vafealaoaloai o nei ekalesia e lua. E ui ina faatumauina e le ekalesia lava ia lona faasinomaga ma le tulaga iloga o aoaoga faalefaavae, sa galulue faatasi nei ekalesia e lua ma o latou sui auai i le faasaoina o o latou nofoaga fefaasoaai o talafaasolopito, faalauiloa le aotauina, ma le auauna atu i isi.⁷

Punaoa o le Ekalesia

“Church History Department Releases Book of Mormon Printer’s Manuscript in New Book,” Aug. 4, 2015, mormonnewsroom.org.

Russell R. Rich, “Nineteenth-Century Break-Offs,” Ensign, Sept. 1979, 68–71.

Talaaga o le Soifuaga

O lomiga nei o loo tuuina atu ai nisi faamatalaga e uiga i lenei autu. I le faasinoina po o le fesootaia o oe i nei punaoa, matou te le faamaonia pe faamautinoa atu le anomea po o manatu o tusitala.

Steven L. Shields, “The Succession Crisis, 1844–1865,” in Brandon S. Plewe, ed., Mapping Mormonism: An Atlas of Latter-day Saint History (Provo, Utah: Brigham Young University Press, 2012), 64–67.

Glen M. Leonard, Nauvoo: A Place of Peace, a People of Promise (Salt Lake City: Deseret Book, 2002).

Autu Fesootai: Dissent in the Church, Name of the Church

Faamatalaga

1. Tagai Autu: Sosaiete mo le Saogalemu o Katelani.

2. Mark Lyman Staker, Hearken, O Ye People: The Historical Setting for Joseph Smith’s Ohio Revelations (Salt Lake City: Greg Kofford Books, 2009), 532–40; Russell E. Richey, “Religious Organization in the New Nation,” in Stephen J. Stein, ed., The Cambridge History of Religions in America: Volume II, 1790 to 1945 (Cambridge: Cambridge University Press, 2012), 93–116.

3. Steven L. Shields, “The Succession Crisis, 1844–1865,” in Brandon S. Plewe, ed., Mapping Mormonism: An Atlas of Latter-day Saint History (Provo, Utah: Brigham Young University Press, 2012), 64–67.

4. Tagai Ronald W. Walker, Wayward Saints: The Social and Religious Protests of the Godbeites against Brigham Young (Provo, Utah: Brigham Young University Press, 2009); Brian C. Hales, Modern Polygamy and Mormon Fundamentalism: The Generations after the Manifesto (Salt Lake City: Greg Kofford Books, 2006); F. LaMond Tullis, “A Shepherd to Mexico’s Saints: Arwell L. Pierce and the Third Convention,” BYU Studies, vol. 37, no. 1 (Jan. 1997), 127–57.

5. Tagai Tullis, “A Shepherd to Mexico’s Saints,” 127–57.

6. Tagai David L. Clark, Joseph Bates Noble: Polygamy and the Temple Lot Case (Salt Lake City: University of Utah Press, 2008)

7. “Church History Department Releases Book of Mormon Printer’s Manuscript in New Book,” Aug. 4, 2015, mormonnewsroom.org.