Toefuataiga o le Perisitua Arona

I se faasologa o tusi na lolomiina i le 1834, sa faamaumau e Oliva Kaotui le uluai auiliiliga o le faaalia mai o Ioane le Papatiso ia Oliva Kaotui ma Iosefa Samita i le 1829 i Haramoni, Penisilevania. E tusa ai ma Kaotui, o le asiasiga a Ioane le Papatiso na mafua ona o le faaliliuga o se fuaitau i le 3 Nifae lea na faamatalaina ai le tuuina atu e Iesu Keriso o le pule e papatiso ai i ona soo anamua. Sa tau mafaufau alii e toalua pe na faia papatisoga i le tele o seneturi i le pule e tatau ai. O le sailiga o tali i nei fesili, sa la o atu ai i se nofoaga tuufua e lata ane i le fale a Iosefa e ole atu ai i le Atua. “O le siufofoga o le Faaola na aumaia le filemu ia i maua,” na manatuaina e Kaotui, ma o se agelu “na afio mai i lalo o faaofuina i le mamalu, ma na tuuina mai le feau ua leva ona sailia.”¹

O Ioane le Papatiso o loo tuu ona aao i luga o le ao o Iosefa Samita o loo tootuli ma Oliva Kaotui o loo tootuli faatasi ma ia.

Ua faaee atu e Ioane le Papatiso le Perisitua Arona i luga o Iosefa Samita.

Na molimau nei alii e toalua e faapea sa la tootutuli i luma o le agelu o le sa “tuuina ona lima i luga o i maua” ma faapea mai, “I luga o oulua a’u auauna i le suafa o le Mesia ou te faaee atu le perisitua o Arona.” E ui ua i ai ia i laua le pule e papatiso ai le tasi ma le isi i le vai, ae sa folafola mai le agelu o le perisitua lenei e le’i faatagaina i la’ua e tuuina atu ai le meaalofa o le Agaga Paia. Na faamautinoa atu e le agelu ia i la’ua o le “mana o le faaee atu o lima, mo le meaalofa o le Agaga Paia” o le a o’o mai “i le taimi atofaina.” Sa ia faailoa atu o ia o Ioane, “o ia lava lea ua taua o Ioane le Papatiso i le Feagaiga fou,” ma faapea mai sa ia galue “i lalo o le taitaiga a Peteru, Iakopo, ma Ioane, o e o umiaina ki o le perisitua Mekisateko.” Sa faapea mai Iosefa Samita ma Oliva Kaotui o lenei aafiaga na tupu ia Me 15, 1829.² Ina ua tapunia le faaaliga, sa la o atu i le Susquehanna River e latalata ane ma papatiso e le tasi le isi.

O auiliiliga a Iosefa Samita ma Oliva Kaotui sa tusiina ina ua mavae nai tausaga talu le faaalia mai o Ioane le Papatiso, ae o lomiga e lua ma punaoa e lei faasalalauina na tusiaina e latalata ane i le mea na tupu, o loʻo faʻamaonia ai le la manatuaina. Mo se faataitaiga, sa lipotia e se nusipepa e le onaina e le au Mamona e faapea o le tautinoga a Kaotui sa ia mauaina se komisi mai asiasiga faa-agelu i ni nai masina i le mavae ai o le lomiga o le Tusi a Mamona.³ Mulimuli ane sa faamalamalama e Iosefa Samita i le taimi muamua, la te le’i mananao ma Kaotui e faasoa mai auiliiliga o le la aafiaga “ona o se agaga saua” i le eria.⁴

O le tala a Kaotui i le 1834 na avea o se vaega o le taumafaiga muamua a Iosefa e faamaumau ma faasalalau se talafaasolopito atoa o le Ekalesia. I lana talafaasolopito na tusia muamua, na gaosi i Ohaio i le 1832, sa folafola mai e Iosefa e faamatala ni mea taua na tutupu i le amataga e aofia ai le mauaina o “le Perisitua paia” e ala i le auaunaga a agelu.⁵ Na tolopoina ia taumafaiga o le lomiga ina ua faaleagaina e ni tagata leaga le ofisa lomitusi a le Ekalesia i Initipene, Misuri, i le 1833, ma o le talafaasolopito lava ia na faia ni toe iloiloga ma ni tuufaatasiga i le taimi o le soifuaga o Iosefa Samita. I lalo o le taitaiga a Iosefa, na tuufaatasia mulimuli ane e failautusi le tala a Kaotui ma ni faamatalaga faaopoopo na saunia e Iosefa lea o loo maua i le aso i le vaega 13 o le Mataupu Faavae ma Feagaiga ma i le Penina Tau Tele (Iosefa Samita—Talafaasolopito 1:68--72).⁶

E ui o le fuaitau Perisitua Arona e le’i i ai i faaaliga a Iosefa Samita seia oo i le 1834, o le manatu o se perisitua maualalo e faatusa i se isi perisitua e maoae atu, po o le maualuga, sa ta’ua uma i le Tusi Paia ma le Tusi a Mamona.⁷ O le toe iloiloga a Iosefa Samita o le tusi o Esoto (o se vaega o lana faaliliuga musuia o le Tusi Paia) i le taumafanafana o le 1832 na maitauina ai se vaevaega i le va o le perisitua maualuga ma le maualalo.⁸ O se faaaliga na mauaina e Iosefa ia Setema na sosoo ai na faamanino mai ai o le perisitua maualalo, lea sa tuuina atu ia “Arona ma lana fanau,” e faatatau i “le talalelei sauniuni, o lea talalelei o le talalelei o le salamo ma o le Papatisoga, ma le faamagaloina o agasala, ma le Tulafono o poloaiga faaletino.”⁹

Ina ua mua’i faatulaga e Iosefa Samita ma Oliva Kaotui le Ekalesia i le amataga o le 1830, sa la vaevaeina tiutetauave i ni nai tofi, i se mamanu sa ta’ua i le Tusi Paia ma le Tusi a Mamona. O nei tofi sa tutusa ma i latou i isi lotu i lea taimi, lea sa masani ona faatulagaina ai latou faalapotopotoga e mulimuli i mamanu o le Feagaiga Fou ma tofi e pei o tiakono, aoao, ositaulaga, toeaina, ma epikopo.¹⁰ I le taimi muamua, o nei tofi i le Ekalesia fou toefaatulagaina sa le o faatasi ma le Perisitua Arona po o le Mekisateko. Mulimuli ane, o faaaliga faaopoopo na faatonuina Iosefa Samita i le auala e faaogatusa ai le faatulagaga o le Ekalesia ma le pule o le perisitua, ma i le 1835, o tofi ma tiute na sili atu ona faatulagaina lelei i lalo o le vaaiga a le Perisitua Arona ma le Mekisateko.¹¹

Punaoa o le Ekalesia

Gordon B. Hinckley, Priesthood Restoration,” Ensign, Oke. 1988, 69–72.

“Aaronic Priesthood,” josephsmithpapers.org.

Mark L. Staker and Curtis Ashton, “Where Was the Priesthood Restored?” history.lds.org.

Talaaga o le Soifuaga

O lomiga nei o loo tuuina atu ai nisi faamatalaga e uiga i lenei autu. I le faasinoina po o le faafesootaia o oe i nei punaoa, matou te le faamaonia pe faamautinoa atu le anomea po o manatu o tusitala.

Brian Q. Cannon and BYU Studies Staff, “Seventy Contemporaneous Priesthood Restoration Documents,” in John W. Welch, ed., Opening the Heavens: Accounts of Divine Manifestations, 1820–1844 (Provo, Utah: Brigham Young University Press, 2005), 215–63.

Mark L. Staker, “‘Commissioned of Jesus Christ’: Oliver Cowdery and DC 13,” in Scott C. Esplin, Richard O. Cowan, and Rachel Cope, eds., You Shall Have My Word: Exploring the Text of the Doctrine and Covenants (Provo, Utah: Religious Studies Center, Brigham Young University), 50–63.

Related Topics: Restoration of the Melchizedek Priesthood, Book of Mormon Translation

Faamatalaga

1. Oliver Cowdery letter to William W. Phelps, Sept. 7, 1834, i le Latter Day Saints’ Messenger and Advocate, vol. 1, nu. 1 Oke. 1834), 15.

2. Joseph Smith, “History, 1838–1856, Volume A-1 [23 December 1805–30 August 1834],” 17–18, josephsmithpapers.org.

3. Tagai “The Golden Bible,” Painesville [Ohio] Telegraph, Nov. 16, 1830, 3, ma le Painesville Telegraph, Dec. 7, 1830, in Brian Q. Cannon and BYU Studies Staff, “Seventy Contemporaneous Priesthood Restoration Documents,” in John W. Welch, ed., Opening the Heavens: Accounts of Divine Manifestations, 1820–1844 (Provo, Utah: Brigham Young University Press, 2005), 241–42; Historical Introduction, “History, circa Summer 1832,” josephsmithpapers.org.

4. Joseph Smith, “History, 1838–1856, volume A-1 [23 December 1805–30 August 1834],” 18, josephsmithpapers.org.

5. Joseph Smith, “History, circa Summer 1832,” 1, josephsmithpapers.org.

6. Na amataina le tala a Kaotui i le vaega lea na faai’u ai le tala a Iosefa i le 1832. O Iosefa Samita, Oliva Kaotui, ma Ioane Uitimera lea na faaauauina le tauaveina o tiute mo vaega eseese ia na ta’ua i le tusi folau a Iosefa, o Iosefa na avea le lua muamua (lea na o ia lava le molimau), Kaotui le lona tolu (lea na auai ai foi), ma Ioane Uitimera (mulimuli ane na avea ma se tusitala i talafaasolopito a le Ekalesia) lona fa (tagai Historical Introduction, “History, circa Summer 1832”).

7. Tagai Eperu 7:1–17 ma le Alema 4–5, 13. Na faaliliuina e Iosefa Samita ma Oliva Kaotui nei fasifuaitau mai le Tusi a Mamona ae le’i oo ia Me 15,1829.

8. “Old Testament Revision 2,” 70, josephsmithpapers.org; “Revelation, 22–23 September 1832 [DC 84],” josephsmithpapers.org.

9. “Revelation, 22–23 September 1832 [DC 84],” 1, spelling standardized; Doctrine and Covenants 84:18, 26–27.

10. The Doctrines and Discipline of the Methodist Episcopal Church, 22nd ed. (New York: N. Bangs and J. Emory, 1824), 24–30, 80–82; The Constitution of the Presbyterian Church, in the United States of America: Containing the Confession of Faith, the Catechisms, and the Directory for the Worship of God (Philadelphia: Towar and Hogan, 1827), 357–61, 380–81; Ratio Disciplinae, or the Constitution of the Congregational Churches (Portland, Maine: Shirley and Hyde, 1829), 72–79; “Formula for the Government and Discipline of the Evangelical Lutheran Church,” appendix 2 in S. S. Schmucker, Elements of Popular Theology, with Special Reference to the Doctrines of the Reformation, as Avowed before the Diet at Augsburg, in MDXXX (Andover: Gould and Newman, 1834), 372–74.

11. “Instruction on Priesthood, between circa 1 March and circa 4 May 1835 [DC 107],” i le Mataupu Faavae ma Feagaiga, 1835, 82–85, josephsmithpapers.org.