Ailama Samita

O Ailama Samita sa fanau ia Fepuari 9, 1800. Ao tamaitiiti, na atamai o ia o se tamaitiiti aoga, ma i le 11 o ona tausaga na ia ulufale ai i le Aoga Alofa Initia a Mua [Moor’s Indian Charity School], lea na sili ona aotauina ai o ia nai lo o se isi lava o le fanau a le au Samita. I le avea ma se tagata matua, na ia auauna atu o se teutupe o le komiti o le aoga a Palamaira ma faatalanoaina faiaoga taufaaofi, e aofia ai ma le faiaoga o le aoga femalagaai o Oliva Kaotui.¹

ata vane o Ailama Samita

Ata na tusia e le tusiata o Ailama Samita.

Ina ua uma le maliu o lona uso o Alavini, sa maua e Ailama se vaega tele o le tamaoaiga o le aiga. Na ia faaipoipo atu ia Terusa Barden ia Novema 1826. I le avea ai ma se tasi o Molimau e Toavalu, na molimau Ailama i le moni o papatusi o le Tusi a Mamona, ma sa ia mulimuli ane fesoasoani i le lolomiina o le Tusi a Mamona. Na ia taitaia le uluai paranesi a le Ekalesia i Colesville, Niu Ioka, seia oo ina tuua le vaega mo Ohaio i le 1831.²

E toa ono le fanau a Ailama ma Terusa. Na laua mafatia i le toesea o le la tama teine e lua-tausaga i le 1832. “Sa valaaulia Maria mai le olaga nei i le faavavau,” na tusi ai Ailama i lana tusi talaaga. “Sa ia maliu i ou lima. O se aso ou te lei oo i ai muamua ma Oi ia faia e le Atua ia mafai ona ma toe feiloai ma ia i le aso tele o le laveaiina ia le toe valavala lava.”³

Sa auauna atu Ailama i ni nai misiona i le popofou o le Ekalesia ma o se tasi o faitaulaga sili muamua na faauuina i Katelani. Na ia fesoasoani e faatulaga le Aoga a Perofeta ma sa auai i se komiti e vaaia le fausiaina o le Malumalu o Katelani. I le 1834, na faatasi atu ai Ailama i le Tolauapiga o Isaraelu (Tolauapiga a Siona), ma sa tofia o ia i le Au Fautua Maualuga a Katelani.⁴

Na maliu Terusa i le 1836 ao lei leva ona ia fanauina se pepe teine, ma sa toe faaipoipo Ailama i ni nai masina mulimuli ane.⁵ I le avea ai ma se Fesoasoani Lua i le Au Peresitene Sili faatoa valaauina, na la malaga ai ma lona faletua lona lua, o Maria Filitia Samita, mo Fa Uesi, Misuri. Ao i ai i Misuri, sa faafalepuipuiina Ailama i le Falepuipui o Liperate faatasi ma lona uso o Iosefa.⁶

Ina ua uma ona toe faamautu le Au Paia i Navu, Ilinoi, na tauave e Ailama ni tiute faaletaitai taua. Na ia sui i lona tama, o Iosefa Samita le Matua, o se peteriaka o le Ekalesia i le 1841 ma sa tofia i le tofiga o le Fesoasoani i le Peresitene o le Ekalesia, o se tofiga ua leva ona tuua e Oliva Kaotui.⁷ I se faaaliga na mauaina ia Ianuari 1841, na fetalai mai ai le Alii, “Amuia lava laʼu auauna o Ailama Samita, aua o Aʼu o le Alii, ua alofa ia te ia, ona o le faamaoni o lona loto, ma ona, e fiafia o ia i mea ua saʼo i oʼu luma.”⁸ Sa auauna Ailama o se sui o le Aufono o le Aai o Navu, o se sui o le Au a Navu, ma le sui pulenuu o Navu. Sa tofia foi o ia i le komiti o le Malumalu o Navu ma le Aufono o le Limagafulu.⁹ E ui ina tau musu, na talia e Ailama le mataupu faavae o le autaunonofo ma i le 1843 na faaipoipo ai ia Katerina Phillips ma le uso o lona toalua lona lua ua oti lana tane, o Mesi Rasela Filitia Thompson.¹⁰

Ina ua malilie le Aufono o le Aai o Navu e faaumatia le Nauvoo Expositor le fale lomitusi ia Iuni 1844, na faatumulia uma Iosefa ma Ailama i le le femalamalamaai. Na tuuina e le auuso faatasi, le aai i lalo o le tulafono faamiliteri ia puipuia ai tagatanuu mai le taufaafefe o au faatupufaalavelave. O i laua uma na faasaini i le tusi samania mo le faatautee i le la faatonuga faaletulafono militeri ma sa tatau ai ona o ese mo Karefasi, Ilinoi, e tutu i le faamasinoga.¹¹ Ao faatali Ailama ma Iosefa mo le faamasinoga, na osofaia e le aufaatupufaalavelave le Falepuipui i Karefasi, ma fasiotia ai le auuso i se faasologa pulufana. Ua manatuaina e le Au Paia o Aso e Gata Ai Ailama o se maturo talu mai lena taimi. O le tele o e na tupuga mai ia te ia na avea ma taitai o le Ekalesia, e aofia ai lona atalii o Iosefa F. Samita ma le atalii o lona atalii o Iosefa Filitia Samita, o e na auauai e auauna o se Peresitene o le Ekalesia.

Punaoa o le Ekalesia

“Hyrum Smith,” josephsmithpapers.org.

“Hyrum Smith: A Man of Mildness and Integrity,” Museum Treasures series, Nov. 25, 2015, history.lds.org.

M. Russell Ballard, “Hyrum Smith: ‘Firm as the Pillars of Heaven,’” Ensign, Nov. 1995, 6–9.

Ronald K. Esplin, “Hyrum Smith: The Mildness of a Lamb, the Integrity of Job,” Ensign, Feb. 2000, 30–36.

Talaaga o le Soifuaga

O lomiga nei o loo tuuina atu ai nisi faamatalaga e uiga i lenei autu. I le faasinoina po o le faafesootaia o oe i nei punaoa, matou te le faamaonia pe faamautinoa atu le anomea po o manatu o tusitala.

Hyrum Smith Papers, Harold B. Lee Library, Brigham Young University, Provo, Utah.

Autu e Fesootai: Joseph Sr. and Lucy Mack Smith Family [ Aiga o Iosefa le Matua ma Lusi Maka Samita], Deaths of Joseph and Hyrum Smith [Maliliu o Iosefa ma Ailama Samita]

Faamatalaga

1. Richard K. Behrens, “Dartmouth Arminianism and Its Impact on Hyrum Smith and the Smith Family,” John Whitmer Historical Association Journal, vol. 26 (2006), 172–77.

2. “Testimony of Eight Witnesses, Late June 1829” i le The Book of Mormon, 1830, 590, josephsmithpapers.org; Lucy Mack Smith, “Lucy Mack Smith, History, 1845,” 178, 191–92, josephsmithpapers.org; “Hyrum Smith,” josephsmithpapers.org.

3. Hyrum Smith journal (1832–1833), 29, Harold B. Lee Library, Brigham Young University, Provo, Utah; o le sipelaga ma faailoga ua faatulagaina.

4. “Hyrum Smith,” josephsmithpapers.org.

5. Samuel Harrison Smith and Don Carlos Smith letter to Hyrum Smith, Oct. 13, 1837, Hyrum Smith Papers, 1834–1843, Church History Library, Salt Lake City; “Hyrum Smith.”

6. “Hyrum Smith.”

7. “Revelation, 19 January 1841 [DC 124],” i le Book of the Law of the Lord, 10–11, josephsmithpapers.org.

8. “Revelation, 19 January 1841 [DC 124],” 4.

9. “Hyrum Smith.”

10. Brian C. Hales, Joseph Smith’s Polygamy, 3 vols. (Salt Lake City: Greg Kofford Books, 2013), 2:42–47.Salt Lake City, UT 2013-47

11. Dallin H. Oaks and Marvin S. Hill, Carthage Conspiracy: The Trial of the Accused Assassins of Joseph Smith (Urbana: University of Illinois Press, 1975), 16–18; Joseph Smith letter to Emma Smith, June 25, 1844, “Correspondence, 1829–1844,” Joseph Smith Collection, 1827–1844, Church History Library, Salt Lake City.