O Tootoo Faalelagi

O Iosefa Samita ma ana tupulaga na soifua i se aganuu na fiafia i mataupu tau tusipaia, gagana ma faatinoga. O tala o le Tusi Paia, e pei o le tala ia Mose ma lona uso o Arona, ua faamatalaina le faaaogaina o mea faitino e pei o tootoo e faaalia ai le finagalo o le Atua (tagai Esoto 7:9–12 ma le Numera 17:8). O le tele o Kerisiano i aso o Iosefa Samita na faapena foi ona ta’ua tootoo faalelagi o ni meafaigaluega mo faaaliga. Na latou talitonu o nei tootoo e mafai ona fesoasoani ia i latou ia maua ai ni vai mai le eleele po o minerale.¹

Oliva Kaotui

Oliva Kaotui

O uluai fuaitau o le faaaliga i le Mataupu Faavae ma Feagaiga 8 ua tau mai faapea na i ai ia Oliva Kaotui “le meaalofa o le galue ma le tatupu fou” po o le “tootoo o le natura,” ua tau mai ai na te faaaogaina se tootoo faalelagi i nisi taimi. Na faailoa mai e le Alii le meaalofa a Kaotui, ma folafola mai faapea “e leai lava se isi mana sei vagana ai le Atua e mafai ai ona aoga lenei mea o le Natura i ou lima.” Ina ua saunia e taitai o le Ekalesia lenei faaaliga mo le faaaofia ai i totonu o le Mataupu Faavae ma Feagaiga i le 1835, na latou ta’ua le meaalofa a Kaotui “o le meaalofa a Arona,” ua faaalia ai lona tutusa ma le tootoo o Arona.²

O isi punaoa ua faapea lava ona fautuaina mai o Oliva Kaotui, e faapea foi ma Iosefa Samita  le Matua ma Iosefa Samita  le itiiti, na faaaogaina foi tootoo. Ae ua le faamanino maia e le faaaliga pe na faapefea ona faaaoga e Kaotui lana tootoo. Ua ia faaalia maia ua na o le tasi lea o meaalofa e mafai ona maua e Kaotui. Ma le isi, ua aoaoina e le faaaliga Kaotui i le ala e maua ai le meaalofa o le faaliliu e ala i le suesue, tatalo, ma le fesoasoani a le Agaga Paia.

Punaoa o le Ekalesia

Jeffrey G. Cannon, “Oliver Cowdery’s Gift: MFF 6, 7, 8, 9, 13,” i le Matthew McBride and James Goldberg, eds., Revelations in Context: The Stories behind the Sections of the Doctrine and Covenants (Salt Lake City: The Church of Jesus Christ of Latter-day Saints, 2016), 15–19.

“Faaaliga, Aperila 1829–B [DC 8],” Historical Introduction, josephsmithpapers.org.

Lisi o Tusi

O lomiga nei o loo maua ai nisi faamatalaga e uiga i lenei autu. O le faasino atu i ai po o le faafesootai o oe i lenei punaoa, matou te le avatu se faamaoniga po o se mau i anotusi po o manatu o le tusitala.

Larry E. Morris, “Oliver Cowdery’s Vermont Years and the Origins of Mormonism,” BYU Studies,vol. 39, no. 1 (2000), 106–29.

Autu e Faatatau i ai: O Maa Vaai, Sailiga O Oa

Faamatalaga

1. O loo i ai ia lava faiga i nei aso i nisi o loo nonofo i nuu i tua.

2. O loo ua maua nei ia uluai kopi o pepa tusitusia o le faaaliga i le Mataupu Faavae ma Feagaiga 8 ua faaigoaina o se “tatupu fou.” I le 1833, ina ua saunia lenei faaaliga mo le lolomiina, na iloilo ai e Sini Rikitone le tusiga ia ta’ua o se “tootoo o le natura.”” Revelation, April 1829–B [DC 8],” in Revelation Book 1, 13, josephsmithpapers.org; Book of Commandments, 1833, 19, josephsmithpapers.org; Mataupu Faavae ma Feagaiga, 1835, 161, josephsmithpapers.org.