Aualofa

O le Aualofa a Tamaitai o Navu sa faatulagaina ia Mati, 1842.¹ E ui ina taofia aloaia gaoioiga a le Aualofa ia Mati 1845, o le faatonuga na tuuina atu e Iosefa Samita i tamaitai e fesoasoani i e matitiva ma faaola agaga na faaauauina.² E ui ina leai se faalapotopotoga aloaia, sa faaauau pea ona faapotopoto faatasi tamaitai o le Au Paia o Aso e Gata Ai e tatalo, pepese, ma molimau ma faamanuia le tasi i le isi, o latou aiga, e mamai, ma e matitiva.

Toe Faatulagaina o le Aualofa

I le 1854, i lalo o le taitaiga a Polika Iaga, sa amata e tamaitai ona toe faatulaga i latou lava i ni Aualofa i le lotoifale.³ Sa fesoasoani tamaitai i o latou tuaoi Initia Amerika, auauna atu i Au Paia lima vaivai, lalagaina ni kapeta mo faletatalo, ma fesoasoani e faaofuina tagata o le militeri o loo puipuia le Teritori o Iuta. Pe a ma le 24 Aualofa na faatulagaina, ae o le taunuu atu o autau o le malo i le 1857, na faauma ai lava nei taumafaiga.⁴

E oo atu i le 1867 sa manatu lava Polika Iaga i le tele o le fuainumera o Au Paia fai atu i Iuta o tauivi ma le ola tutoatasi i mea tautupe. Na ia valaaulia Eliza R. Snow e fesoasoani i epikopo i le toe faatulagaina o Aualofa i le lotoifale. I le avea ai ma se failautusi o le Aualofa a Navu, sa faamaumau ma teuina e Snow minute o fono ma faaaogaina i latou o se taiala mo isi sosaiete fou.

tagavai

Tagavai faamanatu na fai mo le iupeli 50-tausaga o le Ekalesia.

O se Faalapotopotoga Tutotonu

O uluai Aualofa i Iuta sa vave ona faatoateleina—e oo atu i le 1869 ua silia ma le 100 lala sa galulue. O se tuputupu ae faapea na manaomia ai se faatulagaga sili atu, ma i le 1877 sa faatulagaina ai le uluai Aualofa faalesiteki i Ogden, Iuta, sa galue ai Jane Snyder Richards o le peresitene. E lei leva ae faia Aualofa a le Siteki i Iuta atoa, ma i le tolu tausaga mulimuli ane, na tofiaina e le Peresitene o le Ekalesia o Ioane Teila Eliza R. Snow o se peresitene aoao i Aualofa uma lava. Sa faatulagaina e Snow se komiti tutotonu na mulimuli taua o le aufono aoao a le Aualofa. I totonu o le sefulu tausaga, ua lata atu le aofai o sui o le Aualofa i le 17,000 i le salafa o le Iunaite Setete, Kanata, Egelani, Sikotilani, Siamani, Suitiselani, Nouei, Suetena, Tenimaka, Motu o le Pasefika, Ausetalia, ma Niu Sila.⁵

tamaitai o loo galulue

Tamaitai o loo galulue i silika

O sui o le Aualofa i le seneturi 19 sa faatautaia le tele o pisinisi, e aofia ai le faaputuina o saito, gaosiaina o le silika, faleoloa tuufaatasi, tausiga faasoifua maloloina, ma le aia tatau o tamaitai e palota ai.⁶ Sa iloa foi e taitai le manaoga o le autalavou ma tamaiti ma fesoasoani e faatulagaina le Asosi o le Alualu i Luma o Mutuale ma le Peraimeri.⁷ O tamaitai o le Aualofa sa lagolago ma le malosi le puipui o le saolotoga taulotu i le feagai ai ma le alualu i luma o le faamamafa a le malo ia taofia faaipoipoga faaautaunonofo. O uluai Peresitene Aoao o le Aualofa i Iuta sa auauna o ni faatina i le malumalu.

Fetaiai ma Luitau o le Seneturi lona 20

I le seneturi lona 20 sa gauai atu le Aualofa i se lalolagi ua faateteleina le faasaienisi ma tu faaonapo nei. O polokalama a le Aualofa sa faaautuina i le faaleleia o le nuu. I le taimi ao peresitene Bathsheba W. Smith, sa lagolagoina e le Aualofa vasega i le faatamaoaigaina o aiga ma faatausimai ma faatautaia se ofisa o galuega mo tamaitai talavou.⁸ Sa ofoina atu e taitai o Aualofa a latou faaputuga saito e fesoasoani i Initia Amerika i Iuta, tagata pagatia o le oge o le 1907 i Saina, ma e na sao mai le mafuie o le 1909 i San Francisco.⁹ I le 1915, i lalo o le faatonuga a Emmeline B. Wells, sa suitulaga le niusipepa o le Relief Society Magazine i le Woman Exponent, o se faitauga faaonaponei sili atu ua i ai mataupu e suesue a, ripoti mai iunite o le lotoifale, ma fautuaga mo le tausia o aiga.¹⁰ I tausaga o le 1920 sa taitaia ai e le sui o le aufono aoao o Amy Brown Lyman taumafaiga e faaaogaina tomai tau galuega faaleagafesootai faaonaponei i polokalama o le Aualofa ma faatonuina mataupu tau tina maitaga ma le soifua maloloina lelei o tamaiti.

I le taimi lava lena, sa feagai ai le Aualofa ma le matafaioi faigata o le taufaamasani i le suiga o le faatulagaga o le Ekalesia. I lalo o Bathsheba Smith, sa sueina e uso o le Aualofa ni tupe mo se fale o tamaitai i le Lotoa o le Malumalu—ae nai lo lena, sa siitia atu ofisa a le Aualofa aoao i le Bishop’s Building.¹¹ O potutele a le Aualofa a uarota sa suia i se potu i totonu o falesa o le lotoifale.¹² O le polokalama faaputu saito a le Aualofa ua leva ona faatautaia sa oo ina faamutaina i le 1918 ina ua faatauina e taitai o le Ekalesia le saito i le malo o le Iunaite Setete e fesoasoani i taumafaiga o le Taua I a le Lalolagi.¹³ E amata mai i le 1936 sa i le Aualofa se tiutetauave e matua taua tele i le Fuafuaga mo le Saogalemu fou a le Ekalesia, lea na taua mulimuli ane o le fuafuaga o le uelefea.¹⁴

Aualofa i le mavae o le Taua Lona II o le Lalolagi

I tausaga 1950, i lalo o le faatonuga o le Peresitene Aoao o le Aualofa o Belle S. Spafford ma le Peresitene o le Ekalesia o Tavita O. Makei, sa toe sueina foi e uso o le Aualofa ni tupe mo se fale i luga o le Lotoa o le Malumalu, lea na faapaiaina i le 1956.¹⁵ Sa faaauau pea ona suia le galuega o le Aualofa ao aumaia ai e taumafaiga auaufaatasi a le Ekalesia aoao le tele o gaoioiga a le Aualofa i lalo o le faatonuga a taitai perisitua i le lotoifale faapea taitai perisitua aoao. E oo atu i le 1970 ua see atu matafaioi mo le sueina o tupe, mekasini, ma le uelefea i komiti ma matagaluega o le Ekalesia. Na amata mai i le 1971, o tamaitai uma o le Au Paia o Aso e Gata Ai e 18 tausaga ma matutua atu sa otometi lava ona lesitala o ni sui o le Aualofa. O le tuutuuga e totogi se pili sa faaleaogaina.¹⁶

I le tausaga 1970 sa faamamafa e le Peresitene Aoao o le Aualofa o Barbara B. Smith tiutetauave i totonu o fale ma aiga ma talanoa e uiga i le Suiga o Aia Tatau Tutusa taufaaofi ao fefaasoaai ai manatu i le Iunaite Setete; o le Peresitene Aoao na sosoo atu ai o Barbara Winder sa faamalosia le faamalologa i le mavae ai o le sefulu tausaga o fevaevaeaiga faatupulaia.¹⁷ I tausaga 1990 sa faaalu ai e le Peresitene Aoao o Elaine L. Jack lona taimi e iloilo ai manaoga o uso i le lalolagi atoa ma amataina ai se polokalama faitau tusi fou.¹⁸

Ua iloga le Aualofa i le lalolagi mo ana taumafaiga e saunia tamaitai i auaunaga faaleagaga, auaunaga faaleaiga ma faalenuu, ola tutoatasi i le tamaoaiga, ma auaunaga alofa ma tagata sulufai. E faaauau pea e le Aualofa ona saofaga atu se leo taua i aufono o le Ekalesia: e pei lava ona galulue ai taitai o le Aualofa i le lotoifale i aufono a a latou uarota ma paranesi, o Au Ofisa a le Aualofa Aoao sa amata i le 2016 ona galulue i le Perisitua ma Aufono Autu mo Aiga, Aufono mo Faifeautalai, ma Aufono o le Malumalu ma Talafaasolopito o Aiga.

o tamaitai e toalua o loo feopoa’i

Sa fesoasoani uso o le Aualofa e faatautaia taumafaiga lavaeai i le mavae ai o se mafuie tele i Chile.

Punaoa o le Ekalesia

O Afafine i Lo’u Malo: O Le Talafaasolopito ma le Galuega a le Aualofa(2011).

Talaaga o le Soifuaga

O lomiga nei o loo tuuina atu ai nisi faamatalaga e uiga i lenei autu. I le faasinoina atu po o le faafesootaia o oe i nei punaoa, matou te le faamaonia pe faamautinoa atu le anomea po o manatu o tusitala.

Jill Mulvay Derr, Carol Cornwall Madsen, Kate Holbrook, and Matthew J. Grow, eds., The First Fifty Years of Relief Society: Key Documents in Latter-day Saint Women’s History (Salt Lake City: Church Historian’s Press, 2016).

Jill Mulvay Derr, Janath Russell Cannon, and Maureen Ursenbach Beecher, Women of Covenant: The Story of Relief Society (Salt Lake City: Deseret Book, 1992).

Autu Fesootai: Female Relief Society of Nauvoo, Eliza R. Snow, Zina D. H. Jacobs Young, Emmeline B. Wells, Primary, Young Women Organizations.

Faamatalaga

1. I le Jill Mulvay Derr, Carol Cornwall Madsen, Kate Holbrook, and Matthew J. Grow, eds., The First Fifty Years of Relief Society: Key Documents in Latter-day Saint Women’s History (Salt Lake City: Church Historian’s Press, 2016), 23–37. Tagai foi Autu: Female Relief Society of Nauvoo [Aualofa a Tamaitai o Navu].

2. Tagai Autu: Departure from Nauvoo [Malaga Ese mai Navu].

3. Richard L. Jensen, “Forgotten Relief Societies, 1844–67,” Dialogue: A Journal of Mormon Thought, vol. 16, no. 1 (Spring 1983), 109. Tagai foi Autu: American Indians [Initia Amerika]

4. Tagai i le Autu: Utah War [Taua i Iuta]

5. In Derr and others, The First Fifty Years of Relief Society, 405, 437–39.

6. Tagai i Autu: Pioneer Women and Medicine [Tamaitai Paionia ma Vailaau Faafomai], Women’s Suffrage [Aia Tatau a Tamaitai e Palota Ai], Cooperative Movement.

7. Tagai i Autu: Retrenchment [Tuuitiitia o le Faaalu Tupe], Young Women Organizations [Faalapotopotoga a Tamaitai Talavou], Primary [Peraimeri].

8. Jill Mulvay Derr, Janath Russell Cannon, and Maureen Ursenbach Beecher, Women of Covenant: The Story of Relief Society (Salt Lake City: Deseret Book, 1992), 157–60, 166–67, 233, 237.

9. Derr and others, Women of Covenant, 165–66.

10. Derr and others, Women of Covenant, 189.

11. Derr and others, Women of Covenant, 174–76.

12. Derr and others, Women of Covenant, 242–43.

13. Derr and others, Women of Covenant, 210–14.

14. Derr and others, Women of Covenant, 255–61.

15. Derr and others, Women of Covenant, 327–29; “A Home of Our Own,” history.ChurchofJesusChrist.org.

16. Derr and others, Women of Covenant, 345.

17. Derr and others, Women of Covenant, 366–70, 384–91.

18. Derr and others, Women of Covenant, 409–13, 419.