Talafaasolopito o le Ekalesia
Kanata

“Kanata,” O Autu o le Talafaasolopito o le Ekalesia

“Kanata”

Kanata

E oo lava a o lei maea le lolomiina o kopi o le Tusi a Mamona, sa asiasi atu ai Solomona Chamberlin, o se faifeau femalagaai, i le aiga o le Au Samita e lata i Palamaira, Niu Ioka, ina ua faalogo i tala feaveai e uiga i le Tusi a Mamona. Sa aveina e Ailama Samita ia Chamberlin i le ofisa lea sa lolomi ai le tusi, ma e lei pine ae tuua e Chamberlin mo Kanata i Luga (lea ua igoa nei ia Ontario) ma itulau lolomi e 64 o le Tusi a Mamona ma talai atu “mea uma sa [ia] iloa e uiga i le faa-Mamona.”1 O le talaiga a Chamberlin i Kanata o le uluai faataitaiga lea na iloa o le talai atu mai le Tusi a Mamona. I le isi sefulu tausaga, e toatele le Au Paia o Aso e Gata Ai---e aofia ai ma Iosefa Samita, o lona tina o Lusi; Oliva Kaotui, ma le toaono o uluai Aposetolo---na malaga i Kanata e folafola atu ma faatino pisinisi a le Ekalesia.2

A o talai atu e lata i Toronto i le 1836, sa maua ai e Pale P. Palate se vaega toaitiiti o Kerisiano o loo sailia se ekalesia e i ai “tulaga faigofie anamua” o loo maua i le tusi paia.3 E tele tagata o le vaega lena, e aofia ai ma Ioane ma Leonora Teila ma Iosefa, Mele, ma Mercy Filitia, sa lei pine ae papatiso, ma sa faatulagaina e Palate ni paranesi laiti i le eria.4 Na mavae se tausaga, ina ua amata e Heber C. Kimball ma Osona Haiti ona talai atu i Egelani, sa latou o mai Iosefa Filitia, Ioane Goodson, Isaako Russell, ma Ioane Snyder---o le au liliu uma mai i le misiona a Palate i Kanata.5

Na amata i le 1847, o le toatele o le silia ma le 2,000 tagata Kanata o e sa auai i le Ekalesia, na malaga i sisifo o le Iunaite Setete faatasi ma le tino autu o le Au Paia.6 I le 1887, sa taitai ai e Salesa Ora Card, o se peresitene o le siteki i Cache Valley, Iuta, se vaega toaitiiti o le Au Paia i Lee Creek (ua igoa mulimuli ane ia Cardston), Alberta, lea na latou faamautu ai.7 O le toatele o i latou na muai nofoia Alberta i Saute, e aofia ai ma Card ma lona faletua o Zina Young Card, o ni tagata o au aiga faaautaunonofo. Ina ua uma ona pasia e le Konekeresi I.S. le Tulafono [Edmunds Act] i le 1882, sa i ai nei Au Paia o Aso e Gata Ai i tulaga matautia o le faasalaina ma le faafalepuipuia i le faaauau pea ona faia o sootaga faaautaunonofo. O le taunuuga, o nisi o i latou na filifili e malaga atu i Mekisiko ma Kanata. O Alberta sa ofo atu ai ni avanoa faaletamaoaiga ma se malutaga sulufai mai tulafono tetee i autaunonofo a le Iunaite Setete e ui ina sa tatau i tane e fai autaunonofo ona avatu na o se toatasi o a latou ava ma i latou i Kanata.8

Ata
Faapaiaga o le Malumalu o Cardston Alberta

Ata na pueina i le aso 26 Aokuso, 1923, i le faapaiaga o le Malumalu o Cardston Alberta.

I le isi tolusefulu tausaga na sosoo ai, sa malaga atu ai le Au Paia o Aso e Gata Ai i Alberta i Saute i ni vaega e toatele. I le 1895, o le uluai siteki na faatulaga i fafo o le Iunaite Setete o le Siteki o Cardston Alberta, ma i le 1923, o le uluai malumalu i fafo o le Iunaite Setete na fauina i Cardston. E oo atu i le taimi lena ua silia ma le 9,500 Au Paia o Aso e Gata Ai i le pe tusa ma le 20 pitonuu Mamona i Alberta.9 E oo atu i le faaiuga o le 1970, ua faavae siteki ma misiona i teritori uma ma itumalo o Kanata.10 E toatele tagatanuu o Kanata ua galulue o ni Pulega Aoao, ma Taitai Aoao o le Ekalesia, e aofia ai uso o le Au Peresitene Sili o Hugh B. Brown ma N. Eldon Tanner ma le Peresitene Aoao o le Aualofa o Elaine L. Jack. E oo mai i le 2018, ua silia ma le 95,000 tagata o le Ekalesia sa nonofo ai i le atunuu, ma malumalu faaopoopo ua fauina pe o fuafua mo Toronto, Halifax, Regina, Edmonton, Montreal, Vancouver, Cagary, ma Winnipeg.11

Faamatalaga

  1. Solomon Chamberlin autobiography, 10, Church History Library, Salt Lake City; see also Larry C. Porter, “Solomon Chamberlain—Early Missionary,” BYU Studies, vol. 12, no. 3 (1972), 314–18.

  2. Tagai Faatomuaga Faasolopito i le “Revelation, circa Early 1830,” josephsmithpapers.org; Stephen K. Ehat, “‘Securing’ the Prophet’s Copyright in the Book of Mormon: Historical and Legal Context for the So-called Canadian Copyright Revelations,” BYU Studies, vol. 50, no. 2 (2011), 4–70; Eric Smith, “A Mission to Canada: DC 100,” i le Matthew McBride and James Goldberg, eds., Faaaliga i le Matalalaga: O Tala i tua atu o Vaega o le Mataupu Faavae ma Feagaiga (Salt Lake City: The Church of Jesus Christ of Latter-day Saints, 2016), 202–7; tagai foi Autu: Printing and Publishing the Book of Mormon. Mo nisi faamatalaga i uluai talaiga i Kanata, tagai Carma T. Prete, “Eastern Canada: An Early Fruitful Field, 1829–77,” in Roy A. Prete and Carma T. Prete, eds., Canadian Mormons: History of The Church of Jesus Christ of Latter-day Saints in Canada (Provo, Utah: Religious Studies Center, Brigham Young University, 2017), 23–38.

  3. Tagai “History of John Taylor by Himself,” 7, Historian’s Office Histories of the Twelve, 1856–1861, Church History Library, Salt Lake City.

  4. Ioane Teila, “History of John Taylor by Himself,” 10, 12.

  5. Orson F. Whitney, Life of Heber C. Kimball, an Apostle; the Father and Founder of the British Mission (Salt Lake City: Kimball Family, 1888), 123.

  6. Tagai Roy A. Prete, “Rise and Progress of the Church in Canada,” in Prete and Prete, Canadian Mormons, 1–22.

  7. Sa taitai e Card le vaega suesue i Alberta i Saute i le 1886 ma le 1887. Ina ua uma ona matamata i le itulagi faataamilo i le Vaitafe o St Mary, sa autasi la latou palota e “faatu [lo latou] nuu mavae” i luga o se magavai o le vaitafe e ta’ua o le Alia o Lee. Donald G. Godfrey and Brigham Y. Card, eds., The Diaries of Charles Ora Card (Salt Lake City: University of Utah Press, 1993), 52, 54–55; see also Rebecca J. Doig and W. Jack Stone, “The Alberta Settlement,” in Prete and Prete, Canadian Mormons, 60–63.

  8. Tagai ““The Manifesto and the End of Plural Marriage,”Gospel Topics, lds.org/topics

  9. E i ai ni nai felafolafoaiga e uiga i le aofaiga o faiganuu na faatutuina atoatoa pe na o se vaega e le Au Paia o Aso e Gata ai i Alberta i Saute. Tagai Lynn A. Rosenvall, “The Church of Jesus Christ of Latter-day Saints in Alberta: A Historical and Geographical Perspective,” in Dennis A. Wright, Robert C. Freeman, Andrew H. Hedges, and Matthew O. Richardson, eds., Regional Studies in LDS Church History: Western Canada (Provo, Utah: Department of Church History and Doctrine, Brigham Young University, 2000), 1–12; Brigham Y. Card, “Charles Ora Card and the Founding of the Mormon Settlements in Southwestern Alberta, North-West Territories,” in Brigham Y. Card, Herbert C. Northcott, John E. Foster, Howard Palmer, and George K. Jarvis, eds., The Mormon Presence in Canada (Logan: Utah State University Press, 1990), 77–107; Doig and Stone, “The Alberta Settlement,” 55–99.

  10. Daniel H. Olsen, Brandon S. Plewe, and Jonathan A. Jarvis, “Historical Geography: Growth, Distribution, and Ethnicity,” in Prete and Prete, Canadian Mormons, 108–13.

  11. “Facts and Statistics: Canada,” Mormon Newsroom, mormonnewsroom.org.