Mulumuluina o Vae

I le taimi o le Talisuaga Mulimuli, na ave e Iesu se solo, ma se pesini vai, ma mulumulu ai vae o le au soo.¹ O nisi vaega Kerisiano sa mulimuli i le mamanu o le Feagaiga Fou, o le mulumuluina o vae o se faailoga o le lotomaualalo po o le usoga.² O se faaaliga ia Iosefa Samita ia Tesema 1832, na manaomia ai i latou sa auai i le Aoga a Perofeta e faatinoina le mulumuluina o vae. Sa poloaiina e le Alii ia toeaina ia “faamama o outou lima, ma o outou vae, i o’u luma” e fai ma molimau ua latou “mamā mai le toto o lenei tupulaga amioleaga.”³ O Iosefa Samita ma isi tagata o le aoga sa uluai faatinoina lenei sauniga i le a’ega muamua o le aoga ia Ianuari 1833.⁴ Ina ua lata ona maea le fauga o le Malumalu o Katelani, sa faamalamalama atu e Iosefa Samita i tagata o le aoga e faapea o le “sauniga o le mulumuluina o vae” o se toefuataiga o le faiga i le Feagaiga Fou “lea sa fuafua ai ia tuufaatasia o tatou loto” ma sauniuni ai toeaina mo se faaeega o le mana faaleagaga.⁵ Na ia aoao atu atili e faapea o le sauniga e manaomia ona faatinoina i se nofoaga “e ese mai le lalolagi.”⁶ E tusa ai, o le aso 29 Mati ma le 30, 1836, pe tusa ma le 300 i latou e umia le perisitua mai le eria o Katelani, e aofia ai ma Iosefa Samita ma isi taitai o le Ekalesia, sa potopoto e mulumulu e le tasi vae o le isi.⁷

Punaoa o le Ekalesia

Nathan Waite, “A School and an Endowment: DC 88, 90, 95, 109, 110,” i le Matthew McBride and James Goldberg, eds., Revelations in Context: The Stories behind the Sections of the Doctrine and Covenants (Salt Lake City: The Church of Jesus Christ of Latter-day Saints, 2016), 174–82.

“Washing of feet,” josephsmithpapers.org

“Minutes, 30 March 1836,” i le Brent M. Rogers, Elizabeth A. Kuehn, Christian K. Heimburger, Max H Parkin, Alexander L. Baugh, and Steven C. Harper, eds., Documents, Volume 5: October 1835–January 1838. Vol. 5 o le faasologa o Talafaamaumau o le The Joseph Smith Papers, edited by Ronald K. Esplin, Matthew J. Grow, and Matthew C. Godfrey (Salt Lake City: Church Historian’s Press, 2017), 216–21.

Autu Fesootai: School of the Prophets, Endowment of Power

Faamatalaga

1. Ioane 13:1–17

2. Tagai Matthew J. Grow, “‘Clean from the Blood of This Generation’: The Washing of Feet and the Latter-day Saints,” i le Richard Lyman Bushman, ed., Summer Fellows’ Papers, 2000–2002: Archive of Restoration Culture (Provo, Utah: Joseph Fielding Smith Institute for Latter-day Saint History, Brigham Young University, 2005), 131–33.

3. Tagai “Faaaliga, 27–28 Tesema 1832 [MFF 88:1–126],” i le Revelation Book 2, 40, josephsmithpapers.org.

4. “Minutes, 22–23 January 1833,” i le Minute Book 1, 7, josephsmithpapers.org

5. Joseph Smith, Journal, 1835–1836, 32, 33, josephsmithpapers.org; tagai foi Autu: Endowment of Power.

6. Joseph Smith, Journal, 1835–1836, 32.

7. Joseph Smith, Journal, 1835–1836, 186–88. O le faiga o le mulumuluina o vae e pei ona folasia i Katelani, sa toe faaolaola mo se taimi puupuu ina ua toe faatuina le Aoga a Perofeta e lei umi i Iuta i le 1833. Grow, “Clean from the Blood of This Generation,” 135–36. O le faiga foi faapena ae e le fesootai o le tafitafiina o vae e faavae foi i se fuaitau o le Feagaiga Fou ma sa faatagaina i se faaaliga i ona po nei, sa faatinoina e le toatele o faifeautalai o le seneturi e 19. Tagai Autu: Early Missionaries