Talafaasolopito o le Ekalesia
Kuinisi, Ilinoi, Pitonuu


“Kuinisi, Ilinoi, Pitonuu,” Autu o le Talafaasolopito o le Ekalesia

“Kuinisi, Ilinoi, Pitonuu”

Kuinisi, Ilinoi, Pitonuu

O le aai o Kuinisi, Ilinoi, e sili ona lauiloa i le talafaasolopito o Mamona o se nofoaga na toe sii mai i ai le au sulufai o le Au Paia o Aso e Gata ai ina ua mavae ona tutuliese mai Misuri i le 1839. Sa muai fetaiai tagata o Kuinisi ma Mamona ina ua pasia e vaega o le Au Paia o Aso e Gata Ai le nuu i lo latou agai atu i Misuri i le va o le 1834 ma le 1838. Ina ua tutuliese ia Mamona mai Misuri i le taumalulu o le 1838--1839, e faitau afe le Au Paia na leai ni nofoaga sa tuua le setete, ma sa savavali agai atu i sasae e sopoia ai le Vaitafe o le Misisipi ua malo i le ‘aisa ma faamautu ai mo sina taimi le tumau i Kuinisi. Ina ua mafanafana le tau, sa o mai isi, sa faaaoga ai vaamafola taumua uumi, o vaa alo, o vaa laiti e sopoia ai le vaitafe seia oo i le vaitau ua amata ai ona faaaoga vaa la’u pasese. Faatasi ai ma le faamaoniga a le au sulufai Mamona, sa faateleina le faitau aofai o Kuinisi mai le 800 i le 1835 i le 2,300 i le 1840.

Sa ta’usalaina faalauaitele i le Asosi Temokarasi o Kuinisi ia tagata Misuri i lo latou faamasino le tonu i le Au Paia ma sa latou folafola atu e fesoasoani i le au sulufai Mamona. Sa latou aoina foai, faatulagaina fale, ma galulue soosootauau ma isi pitonuu i le lotoifale e tuuina atu le fesoasoani i le Au Paia sa matitiva. Sa patipatia e Eliza R. Snow le agalelei ma le alofa moni o tagata o le taulaga i lana solo “I Tagatanuu o Kuinisi,” e faafetai atu ai i “Atalii ma Afafine o le Atua” mo le taulimaina o “manaoga faanatinati o e puapuagatia ma matitiva.”1

I le tausaga na sosoo ai, o le toatele o le Au Paia o e sa mapu i Kuinisi sa agai atu i le 45 maila i luga atu o le vaitafe i Komesi, Ilinoi, lea sa latou faavae ai le aai o Navu. O le mea e faanoanoa ai, i le 1845, sa i ai se komiti mai Kuinisi na malaga atu i Navu e faamalosia le tuua e le Au Paia o le setete.

Autu Fesootai: Mormon-Missouri War of 1838; Extermination Order; Nauvoo (Commerce), Illinois

Faamatalaga

  1. Eliza R. Snow, “To the Citizens of Quincy,” Quincy Whig, May 11, 1839; in Jill Mulvay Derr and Karen Lynn Davidson, eds., Eliza R. Snow: The Complete Poetry (Provo, Utah: Brigham Young University Press; Salt Lake City: University of Utah Press, 2009), 86–88.