Tusitusiga Paia
Mataupu Faavae ma Feagaiga 113
Mea e Sii mai
Tusi Atoa (PDF)
Vaefaamatalaga

Hide Footnotes

Autu

Vaega 113

O tali i ni fesili faapitoa e uiga i tusitusiga a Isaia, na tuuina mai e Iosefa Samita le Perofeta, Mati 1838 (History of the Church, 3:9–10).

1–6, Ua faamatala mai le Pogai o Iese, le tatupu e tupu mai ai, ma le aʼa o Iese; 7–10, Ua i ai i toe vaega faataapeapeina o Siona se aiā i le perisitua ma ua valaauina e foi mai i le Alii.

1 O ai le Pogai o aIese ua taʼu mai i fuaiupu 1, 2, 3, 4, ma le 5 o le mataupu 11 o le Isaia?

2 E moni ua faapea ona fetalai mai le Alii: O Keriso lea.

3 O le a le tatupu ua taʼua i le fuaiupu muamua o le mataupu 11 o le Isaia, lea o le a tupu mai le Pogai o Iese?

4 Faauta, ua faapea ona fetalai mai o le Alii: O se auauna i aao o Keriso, o lē o se vaega o lona tupuga mai e mai ia Iese faapea foi mai ia aEfaraima, po o le aiga o Iosefa, o lē ua tuuina i ai le emana tele.

5 O le a le aʼa o Iese ua taʼu mai i le fuaiupu 10 o le mataupu 11?

6 Faauta, ua faapea ona fetalai mai o le Alii, o se tasi lea e tupuga mai ia Iese, faapea foi ma Iosefa, o lē e ā tonu le perisitua, ma aki o le malo, e avea ma etagavai, ma mo le ifaapotopotoina o loʼu nuu i aso e gata ai.

7 O fesili mai ia Elais Higbee: O le a le uiga o le poloaiga o loo i le Isaia, mataupu 52, fuaiupu 1, ua fai mai: Ia ofu i lou malosi, Siona e—ma o ai tagata ua faatatau i ai le tala a Isaia?

8 Sa faatatau o ia ia te i latou o e o le a valaaulia e le Atua i aso e gata ai, o e o le a umia le mana o le perisitua e toe aumai ai aSiona, ma le laveaiina o Isaraelu; ma o le ofu i lona emalosi o le ofu lea i le pule o le perisitua, lea ua ia te ia, o Siona, le iaiā i ai, e ala i le gafa; ma le tasi foi, ia toe foi atu i lena mana na aveesea mai ia te ia.

9 O le a se mea ia tatou malamalama i ai e uiga i le tatalaina e Siona o ia lava mai noataga o lona ūa; fuaiupu 2?

10 Ia tatou malamalama ua apoapoaiina toe vaega afaataapeapeina ia toe efoi mai i le Alii na latou pauu ese mai ai; o se mea afai latou te faia, o le folafolaga a le Alii e faapea o le a fetalai mai o ia ia te i latou, pe tuu mai ia te i latou faaaliga. Tagai i le fuaiupu 6, 7, ma le 8. O noataga o lona ūa, o fetuu ia a le Atua i ona luga, po o toe vaega o Isaraelu i lo latou tulaga faataapeapeina i totonu o Nuuese.