Tusitusiga Paia
Mataupu Faavae ma Feagaiga 98
Mea e Sii mai
Tusi Atoa (PDF)
Vaefaamatalaga

Hide Footnotes

Autu

Vaega 98

Faaaliga na tuuina mai e ala mai ia Iosefa Samita le Perofeta, i Katelani, Ohaio, 6 Aokuso 1833 (History of the Church, 1:403–406). O lenei faaaliga na oo mai ona o le sauaga na oo i luga o le Au Paia i Misuri. O se mea e malamalama i ai le mananao o le Au Paia i Misuri e toe tetee atu ma tauimasui talu ai ona sa mafatia faaletino ma le toesea foi o a latou meatotino. O lea na tuu mai ai e le Alii le faaaliga lenei. E ui ina lē taumate sa oo atu i le Perofeta i Katelani (e iva selau maila le mamao) ni tala o faalavelave i Misuri, ae nao se faaaliga na mafai ai ona iloa e ia i lea lava aso le tuga tele o le mea ua tupu.

1–3, O puapuaga o le Au Paia ua mo lo latou lelei; 4–8, E tatau i le Au Paia ona lagolago le tulafono faavae o le laueleele; 9–10, E tatau ona lagolagoina tagata faamaoni, atamamai, ma lelei mo malo faalelalolagi; 11–15, O i latou o e e tuu atu o latou ola i le galuega a le Alii o le a latou maua le ola e faavavau; 16–18, Tetee i taua ma folafola atu le filemu; 19–22, Ua aoaiina le Au Paia i Katelani ma poloaiina ia salamo; 23–32, Ua faaali mai e le Alii ana tulafono e pulea ai sauaga ma puapuaga e oo mai i lona nuu; 33–38, E nao le poloaiina e le Alii e taʼuamiotonu ai taua; 39–48, E tatau i le Au Paia ona faamagalo o latou fili, o e, afai latou te salamo, o le a sao foi mai le tauimasui a le Alii.

1 E Moni Ou te fai atu ia te outou aʼu uo, aua le amatatau, ia faamafanafanaina o outou loto; ioe, ia saga olioli pea, ma ia avatu le efaafetai i mea uma;

2 Ma afaatalitali ma le onosai i le Alii, ona ua ulu atu a outou tatalo i fofoga-faafofoga o le Alii o Sapaota, ma ua tusifaamaumau ma le faamaufaailoga lenei ma le molimau—ua tauto le Alii ma folafola o le a talia i latou.

3 O lea, ua tuuina mai e ia le folafolaga lenei ia te outou, ma se feagaiga e lē masuia o le a faataunuuina i latou; ma o mea uma sa outou apuapuagatia ai o le a galulue faatasi mo lo outou lelei, ma le mamalu o loʼu igoa, ua fetalai mai ai le Alii.

4 Ma o lenei, e moni Ou te fai atu ia te outou e faatatau i tulafono o le laueleele, o loʼu loto, e tatau i loʼu nuu ona vaai ia faia mea uma o soo se mea Ou te poloaiina ai i latou.

5 Ma o lena atulafono o le laueleele ua tusa ma le etulafono faavae, ua lagolagoina le mataupu autu lena o le saolotoga i le faatumauina o aiā ma avanoa, e a tagata uma, ma ua tauamiotonuina i oʼu luma.

6 O lea, o Aʼu, o le Alii, ua tauamiotonuina outou, ma o outou uso o laʼu ekalesia, i le lagolagoina o le tulafono lena o le tulafono faavae lea o le laueleele;

7 Ma e faatatau i tulafono a tagata, soo se mea e sili atu pe itiiti mai i lo lea, ua sau mai le leaga.

8 O Aʼu, o le Alii le Atua, ua afaasaolotoina outou, o lea ua outou saoloto moni ai; ma ua faasaolotoina foi outou e le tulafono.

9 E ui i lea, a pule e aamioleaga e faanoanoa le nuu.

10 O le mea lea, e tatau ai ona saili ma le filiga atagata faamaoni, ma o tagata lelei ma tagata atamamai e tatau ona outou vaai ia sapasapaia; a lē o lea, soo se mea e itiiti mai lo ia mea, ua sau mai le leaga.

11 Ma Ou te tuu atu ia te outou se poloaiga, ia outou lafoai i mea leaga uma ma pipii atu i mea lelei uma, ma ia outou ola i aafioga uma e tulei mai le fofoga o le Atua.

12 Aua o le a atuu atu e ia i e faamaoni lea fasifuaitau ma lea fasifuaitau, o le mataupu i lea mataupu; ma o le a Ou efaataitaia ma tofotofoina outou i lenei mea.

13 Ma ʼai se tasi e atuu i lalo lona ola i loʼu faamoemoe, mo loʼu igoa, o le a toe maua e ia, o le ola lava e faavavau.

14 O lea, aua le afefefe i o outou fili, aua ua Ou folafola i loʼu loto, ua fetalai mai ai le Alii, o le a Ou etofotofoina outou i mea uma, pe tou te mau i laʼu feagaiga, e oo lava i le ioti, ina ia mafai ona maua outou o agavaa.

15 Aua afai tou te lē mau i laʼu feagaiga, ua outou lē agavaa mo aʼu.

16 O lea, ia atetee ai i etaua ma folafola atu le ifilemu, ma saili ma le filiga e oliliu loto o fanau i o latou tamā, ma loto o tamā i fanau;

17 O lenei foi, o loto o tagata aIutaia i perofeta, ma perofeta i tagata Iutaia; neʼi Ou alu atu ma taia le lalolagi atoa i se fetuu, ma mu ai tagata uma i oʼu luma.

18 Aua le atuatuvale o outou loto; aua e atele maota o i ai i le fale o loʼu Tamā, ma ua Ou saunia se nofoaga mo outou; ma o le mea e i ai loʼu Tamā ma Aʼu, o iina foi o le a outou i ai.

19 Faauta, o Aʼu, o le Alii, ua Ou lē fiafia tele i le toatele o e o i ai i le ekalesia i Katelani;

20 Aua ua latou lē lafoaia a latou agasala, ma o latou ala amioleaga, le faamaualuluga o o latou loto, ma lo latou matapeʼapeʼa, ma a latou mea inosia uma, ma tausi i upu o le poto ma le ola e faavavau na Ou tuu atu ia te i latou.

21 E moni Ou te fai atu ia te outou, o Aʼu, o le Alii, o le a Ou aaoaiina i latou ma o le a Ou faia soo se mea Ou te loto i ai, pe afai latou te lē salamo ma tausi mea uma o soo se mea na Ou fai atu ai ia te i latou.

22 Ma Ou te toe fai atu ia te outou, afai tou te vaai ia afaia soo se mea Ou te poloaiina ai outou, o Aʼu, o le Alii, o le a Ou liliu ese le ita ma le toasa uma mai ia te outou, ma o le a lē manumalo efaitotoa o seoli ia te outou.

23 O lenei, Ou te tautala atu ia te outou e faatatau i o outou aiga—afai e faa-tasi ona afasi o outou, po o o outou aiga, e tagata, ma outou talia ma le onosai ma lē upuleaga faasaga atu ia te i latou, pe saili e tauimasui, o le a tauia outou.

24 Ae afai tou te lē taliaina ma le onosai, o le a faitauina ia te outou o se mea ua tonu ona afua atu ia te outou.

25 O lenei foi, afai e faa-lua ona fasi o outou e lo outou fili, ma outou lē upuleaga faasaga atu i lo outou fili, ma talia ma le onosai, o le a sautuaselau lo outou taui.

26 O lenei foi, afai e faa-tolu ona fasi o outou e ia, ma outou talia ma le aonosai, o le a faaluaina lo outou taui ia te outou ia sautuafā;

27 Ma o nei molimau e tolu o le a tutu e faasaga i lo outou fili pe afai e lē salamo o ia, ma o le a lē soloiesea lava.

28 Ma o lenei, e moni Ou te fai atu ia te outou, afai e sao lena fili mai laʼu tauimasui, o le a lē aumai ai o ia i le faamasinoga i oʼu luma, ona outou vaai ai lea ia outou alapataia o ia i loʼu igoa, ia lē toe sau o ia i luga ia te oe, po o luga o lou aiga, e oo lava i fanau a au fanau e oo atu i le tupulaga e tolu ma le fa.

29 Ma ona faapea lea, afai e sau o ia i luga ia te oe po i luga o lau fanau, po o le fanau a lau fanau e oo atu i le tupulaga e tolu ma le fa, ua Ou tuu atu lou fili i ou lima;

30 Ma afai e te faasaoina o ia i le taimi lea, o le a tauia oe mo lou amiotonu; ma au fanau foi ma fanau a au fanau e oo i le tupulaga e tolu ma le fa.

31 E ui i lea, ua i ai ou fili i ou lima; ma afai e te tauia o ia e tusa ma ana galuega, ua tauamiotonuina oe; afai sa saili e ia lou ola, ma ua lamatia lou ola e ia, ua i ai lou fili i ou lima ma ua tauamiotonuina oe.

32 Faauta, o le tulafono lenei na Ou tuu atu i laʼu auauna o Nifae, ma ou atamā, o Iosefa, ma Iakopo, ma Isaako, ma Aperaamo, ma aʼu perofeta ma aposetolo uma anamua.

33 O lenei foi, o le atulafono lenei na Ou tuu atu i oʼu tagata anamua, e faapea e lē tatau ona latou o atu e tau faasaga i se atunuu, ituaiga, gagana, po o se nuu, vagana ai ua poloaiina ai i latou, e Aʼu, le Alii.

34 Ma afai e i ai se atunuu, gagana, po o se nuu e alagaina se taua faasaga mai ia te i latou, e tatau ona muamua o latou sisi atu se tagavai o le afilemu i lena nuu, atunuu, po o le gagana;

35 Ma afai sa lē talia e lena nuu le ofo o le filemu, po o le taimi lona lua po o le taimi lona tolu, e tatau ona latou aumai na molimau i luma o le Alii;

36 Ona tuu atu ai lea e Aʼu, o le Alii, se poloaiga ia te i latou, ma tauamiotonuina i latou i le o atu i fafo e tau faasaga i lena atunuu, gagana, po o le nuu.

37 Ma o Aʼu, o le Alii, e atauina a latou taua, ma taua a a latou fanau, ma fanau a a latou fanau, seia oo ina latou tauimasui mo i latou lava i o latou fili uma, e oo i le tupulaga e tolu ma le fa.

38 Faauta, o se faataitaiga lenei i tagata uma, ua fetalai mai ai le Alii lo outou Atua, mo le tauamiotonuina i oʼu luma.

39 O lenei foi, e moni Ou te fai atu ia te outou, afai e sau lou fili ia te oe ina ua mavae le taimi muamua, ua salamo o ia ma ua sau ia te oe ma aioi mai mo lau faamagaloga, ia e faamagalo atu ia te ia, ma ia e lē toe taofia o se molimau e faasaga i lou fili—

40 Ma ia faapea lava ona fai e oo atu i le taimi lona lua ma le lona tolu; ma o le tele o taimi e salamo ai lou fili i se agasala na ia faia e faasaga mai ia te oe, ia e afaamagalo atu ia te ia, seia faafitugafulu ni fitu.

41 Ma afai e agasala o ia faasaga mai ia te oe i le taimi muamua ma ua lē salamo ai, e ui i lea ia e faamagalo atu ia te ia.

42 Ma afai e agasala o ia faasaga mai ia te oe i le taimi lona lua, ma ua lē salamo ai, e ui i lea ia e faamagalo atu ia te ia.

43 Ma afai e agasala o ia faasaga mai ia te oe i le taimi lona tolu, ma ua lē salamo ai, ia e faamagalo atu foi ia te ia.

44 Ae afai e agasala o ia faasaga mai ia te oe i le taimi lona fa, ia e lē faamagalo atu ia te ia, ae ia e aumai na molimau i luma o le Alii; ma o le a lē soloiesea i latou seia salamo o ia ma tauia oe sautuafā i mea uma na agasala ai o ia e faasaga mai ia te oe.

45 Ma afai e faia e ia lenei mea, ia e faamagalo atu ia te ia ma lou loto atoa; ae afai e lē faia e ia lenei mea, o Aʼu, o le Alii, o le a Ou atauimasui i lou fili mo oe i le sautuaselau;

46 Ma i luga o ana fanau, ma luga o fanau a ana fanau o i latou uma o e e inoino mai ia te aʼu, e oo atu i le tupulaga e atolu ma le fa.

47 Ae afai e salamo le fanau, po o le fanau a fanau, ma aliliu mai i le Alii lo latou Atua, ma o latou loto atoa, ma o latou manatu atoa, mafaufau atoa, ma le malosi atoa, ma sautuafā ona latou toefuatai atu mo a latou agasala uma na latou agasala ai, po o agasala na faia e o latou tamā, po o tamā o o latou tamā, ona liliu ese ai lea o lou ita;

48 Ma o le a lē toe oo atu le atauimasui i luga o i latou, ua fetalai mai ai le Alii lou Atua, ma o le a lē toe aumaia a latou agasala o se molimau i luma o le Alii e faasaga ia te i latou. Amene.