Tusitusiga Paia
Mataupu Faavae ma Feagaiga 95
Mea e Sii mai
Tusi Atoa (PDF)
Vaefaamatalaga

Hide Footnotes

Autu

Vaega 95

Faaaliga na tuuina mai e ala mai ia Iosefa Samita le Perofeta, i Katelani, Ohaio, 1 Iuni 1833 (History of the Church, 1:350–352). O lenei faaaliga o se faaauauaga o faatonuga paia ia fausia ni fale mo tapuaiga ma aoaoga, aemaise le maota o le Alii (tagai i le vaega 88:119–136 ma le vaega 94).

1–6, Ua aoaiina le Au Paia i lo latou lē fausia o le maota o le Alii; 7–10, Ua finagalo le Alii e faaaoga lona maota e faaee ai i lona nuu le mana mai luga; 11–17, Ua faamoemoeina le fale ia faapaiaina o se maota o le tapuai ma mo le aoga a Aposetolo.

1 E Moni, ua faapea ona fetalai mai o le Alii ia te outou o e ua Ou alofa i ai, ma o e Ou te alofa i ai Ou te aaoaiina foi ina ia mafai ona efaamagaloina a latou agasala, aua Ou te saunia, faatasi ma le aoaiga, se ala mo le ilaveaiga o i latou i fafo mai le ofaaosoosoga, i mea uma, ma sa Ou alofa ia te outou—

2 O le mea lea, e ao ai ina aoaiina outou ma tutu aoaiina i oʼu luma;

3 Ona ua outou faia mai ia te aʼu se agasala mamafa tele, i lo outou lē manatu i le poloaiga sili i mea uma, lea na Ou tuu atu ia te outou e faatatau i le fausiga o loʼu afale;

4 Mo le sauniuniga lea ua Ou fuafuaina e saunia ai aʼu aposetolo e ateu loʼu tovine mo le taimi mulimuli, ina ia mafai ona Ou faataunuu o laʼu galuega euiga ese, ina ia mafai ona Ou isasaa atu loʼu Agaga i luga o tagata uma—

5 Ae faauta, e moni Ou te fai atu ia te outou, o loo i ai se toatele o e ua uma ona faauuina i totonu o outou, o e na Ou valaaulia ae toaitiiti i latou ua afilifilia.

6 O i latou o e ua lē filifilia ua latou faia se agasala mamafa, lea ua latou savavali ai i le apouliuli i le aoauli.

7 Ma o le pogai lenei na Ou tuu atu ai ia te outou se poloaiga e tatau ona taaloina la outou alofi asa, ina ia mafai ona alu aʼe a outou eanapogi ma a outou faanoanoaga i taliga o le Alii o iSapaota, o lona uiga pe a faaliliuina, o le ofoafoa lea o le uluai aso, o le amataga ma le gataaga.

8 Ioe, e moni Ou te fai atu ia te outou, na Ou tuu atu ia te outou se poloaiga e tatau ona outou fausia se fale, o se fale lea ua Ou fuafuaina e afaaeeina ai i latou o e ua Ou filifilia, i le mana mai lugā;

9 Ona o le afolafolaga lenei a le Tamā ia te outou; o lea Ou te poloai atu ai ia te outou ia nonofo pea, e pei lava o aʼu aposetolo i Ierusalema.

10 E ui i lea, na faia e aʼu auauna se agasala mamafa; ma sa tutupu mai ni afinauga i le eaoga a perofeta; o se mea na mamafa ia te aʼu, ua fetalai mai ai lo outou Alii; o lea na ʼOu auina atu ai i latou ia aoaiina.

11 E moni Ou te fai atu ia te outou, o loʼu manao ia outou fausia se fale. Afai tou te tausia aʼu poloaiga o le a outou maua le mana e fausia ai.

12 Afai tou te lē atausia aʼu poloaiga, o le a lē tumau pea le ealofa o le Tamā e faatasi ma outou, o lea o le a outou savavali ai i le pouliuli.

13 O lenei o le poto lenei, ma le mafaufau o le Alii—ia fausia le fale, e lē tusa ma le ala a le lalolagi, aua Ou te lē tuu atu ia te outou ia outou ola e tusa ma le ala a le lalolagi;

14 O lea, ia fausia e tusa ma le ala lea o le a Ou faaali atu i se toatolu o outou, o e ia outou tofia ma faauu i lenei mana.

15 Ma o lona telē ia limasefulu ma le lima futu le lautele, ma ia onosefulu-lima futu le umi, i lona lotoifale i totonu.

16 Ma ia tuu le vaega alalo o le lotoifale i totonu ia faapaia mo aʼu mo a outou taulaga faamanatuga, ma mo a outou talaiga, ma a outou anapogi, ma a outou talosaga, ma le atuu mai ia te aʼu o o outou manaoga silisili ona paia, ua fetalai mai ai lo outou Alii.

17 Ma ia tuu le vaega aluga o le lotoifale i totonu e faapaia mo aʼu mo le aoga a aʼu aposetolo, ua fetalai mai ai Atalii o aAmani; pe, i ni isi upu, o Alefasa; pe, i ni isi upu, o Omekasi; o Iesu Keriso lava lo outou eAlii. Amene.