O le misa, feupuaiga, ma maseiga. O finauga, aemaise lava i le va o tagata o le Ekalesia a le Alii po o le va o tagata o le aiga, e lē fiafia i ai le Alii.
Afai ua agaleagaina se tasi e se tasi, e faapei ona faamagalo mai Keriso ia te outou, ia faapea foi outou, Kolo. 3:13 .
Ia taumamao ma sailigavalea ma le femisaiga, Tito 3:9 .
Ua poloaiina e le Alii tagata e le tatau ona fefinau ai o le tasi i le tasi, 2 Ni. 26:32 .
Tou te le tuu atu i a outou fanau e misa ma fefinauai ma le tasi, Mosaea 4:14 .
Na poloai atu Alema e le tatau ona i ai ni finauga i tagata o le Ekalesia, Mosaea 18:21 .
E faasalalauina e Satani fafatala ma finauga, Hela. 16:22 .
O le tiapolo o le tamā o finau ma ua faaosoina tagata e fefinauai, 3 Ni. 11:29 (Mosaea 23:15 ).
Ia faatuina o laʼu talalelei, ina ia mafai ona le i ai o ni finauga e tele, MF&F 10:62–64 .
Tuu le fefinauai ma i le tasi, MF&F 136:23 .