O le tasi lea i mafaufauga, manaoga, ma faamoemoega e muamua lava ona tasi ma lo tatou Tamā i le Lagi ma Iesu Keriso, ona tasi ai lea ma isi o le Au Paia.
O aʼu nei ma le Tamā e tasi lava i māua, Ioane 10:30 (MF&F 50:43 ).
Na tatalo Iesu ina ia tasi tagata uma e pei ona tasi o i laua ma lona Tamā, Ioane 17:11–23 (3 Ni. 19:23 ).
Ou te ʼaiʼoi atu ia te outou, ina neʼi i ai ni maseiga ia te outou, a ia maopoopo lava i le loto e tasi ma le manatu e tasi, 1 Kori. 1:10 .
Ia mauai i le manatu e tasi ma le loto e tasi, ma lotogatasi i mea uma, 2 Ni. 1:21 .
E tatau i le Au Paia ona fili faatasi ō latou loto i le lotogatasi, Mosaea 18:21 .
Na tatalo Iesu mo le lotogatasi i ona soo sa Nifaē, 3 Ni. 19:23 .
Sa aufaatasi le au soo i le tatalo faatauanau ma le anapogi, 3 Ni. 27:1 .
O le Tamā, le Alo, ma le Agaga Paia ua tasi, MF&F 20:27–28 (MF&F 35:2 ; 50:43 ).
O lou tiute o le auai faatasi lea ma le ekalesia moni, MF&F 23:7 .
Soo se mea tou te ole mai ai i le faatuatua, ma le lotogatasi i le tatalo, o le a outou maua, MF&F 29:6 .
Afai tou te le tasi, e le ā aʼu outou, MF&F 38:27 .