Faamanatuga

Mo le Au Paia o Aso e Gata Ai, o le faamanatuga e faatatau i le sauniga o le taumafa i le areto ma le vai i le faamanatuina o le taulaga togiola a Keriso. O le areto tofitofia ua avea ma faatusa o lona tino na faamomomoina; o le vai ua avea ma faatusa o le toto na ia faamaligiina e togiola ai o ā tatou agasala (1 Kori. 11:23–25; MF&F 27:2). Pe a taumamafa tagata agavaa o le Ekalesia i le faamanatuga, latou te folafola atu e aveina i o latou luga le suafa o Keriso, manatua pea o ia, ma tausi i ana poloaiga. O lenei sauniga, e faafouina ai e tagata o le Ekalesia ā latou feagaiga o le papatisoga.

I le Talisuaga Mulimuli, sa faamalamalama atu ai e Iesu le sauniga o le faamanatuga a o taumamafa o ia ma Aposetolo e Toasefululua (Mata. 26:17–28; Luka 22:1–20).