Uelefea Tagai foi i le Auauna, Galuega; Anapogi; Mativa; Meaalofa, Tuuina atu o Meaalofa; Taulaga O le ala ma tupe mo le tausiga o manaoga faaleagaga ma faaletino o tagata. Ia e matuā faamāfola atu lou lima i lou uso, i lē ua tīgāina, ma lē ua mativa i lou nuu, Teu. 15:11. O lē ua foai atu i le tagata mativa, e lē mativa o ia, Faata. 28:27. e le o lenei ea le anapogi ou te loto i ai? ia foai atu au meaai i e fia aai, ia aumai o e matitiva i lou fale, Isai. 58:6–7. Na ou fia ai ona outou avane ai lea ni mea ou te ai ai; sa fai aʼu ma tagata ese ma sa outou talia lea o aʼu. Pe a faia e outou i le tasi o e aupito itiiti o oʼu uso nei, o aʼu lea na outou faia i ai, Mata. 25:35–40. Ia avatu ni isi o ā outou mea ia te ia o lē ua le tagolima, Mosaea 4:16–26. Na latou faasoa atu le tasi i le tasi faaletino ma faaleagaga e tusa ma mea sa latou manaomia ma latou mananao i ai, Mosaea 18:29. Na poloaiina i latou e aufaatasi i le anapogi ma le tatalo mo le manuia o i latou o e sa le iloa le Atua, Alema 6:6. Ia tatalo mo lo outou manuia ma le manuia o i latou o e ua siomia outou, Alema 34:27–28. Sa latou tuutele mea uma i totonu ia te i latou, 4 Ni. 1:3. Ia manatua e ua matitiva, MF&F 42:30–31. Ia asiasi atu i e ua matitiva ma e ua lē tagolima, MF&F 44:6. Ia manatua i mea uma e ua matitiva ma e ua lē tagolima, MF&F 52:40. Oi talofa ia te outou o e mauoa o e lē tuu atu ni ā outou mea i e ua matitiva, ma oi talofa ia te outou o e matitiva o e e lē faamalieina, o e ua matapeʼapeʼa ma e mumusu e galulue, MF&F 56:16–17. I Siona sa leai se mativa i totonu i latou, Mose 7:18.