Tumau Tagai foi i le Onosai; Faaosooso, Faaosoosoga; Mala O le tumau mausalī i se tautinoga ia faamaoni i poloaiga a le Atua e tusa lava pe oo mai faaosoosoga, tulaga faafeagai, ma puapuagā. O lē tumau seia oo atu i le gataaga e faaolaina o ia, Mata. 10:22 (Mare. 13:13). Ua leai ni o latou aa ua faaletumau i latou, Mare. 4:17. O le alofa mama e onosai i mea uma, 1 Kori. 13:7. Na onosai lava o Aperaamo, ona maua lea e ia o mea na folafolaina, Epe. 6:15. Afai latou te tumau e oo i le iuga, o le a sii ae i latou i luga i le aso gataaga, 1 Ni. 13:37. Afai tou te usiusitai i poloaiga, ma tutumau e oo i le iuga, o le a faaolaina outou, 1 Ni. 22:31 (Alema 5:13). Afai tou te fetaomi atu i luma, ma taumamafa i le afioga a Keriso, ma tumau e oo i le gataaga, o le a maua le ola e faavavau, 2 Ni. 31:20 (3 Ni. 15:9; MF&F 14:7). Soo se tasi na te ave i ona luga loʼu igoa, ma tumau e oo i le iuga, o le a faaolaina, 3 Ni. 27:6. Ai sē tumau i lau ekalesia e oo i le iuga, o ia lea o le a ʼOu faatuina i luga o laʼu papa, MF&F 10:69. O lē e tumau i le faatuatua o le a manumalo i le lalolagi, MF&F 63:20, 47. O nofoalii ma malo uma o le a tuumai i luga o i latou uma o e na tumau ma le lototoa mo le talalelei a Iesu Keriso, MF&F 121:29.