Fesoasoaniga mo Suesuega
Mesia


Mesia

O se upu Faa-Aramaika ma Faa-Eperu o lona uiga “o lē na faauuina.” I le Feagaiga Fou ua taʼua Iesu o le Keriso, o le upu i le Faa-Eleni e tutusa ma le upu Mesia. O lona uiga o le Perofeta faauuina, o le Faitaulaga, o le Tupu, ma le Laveai o lē sa faatalitali i ai tagata Iutaia ma le fiafia i lona afio mai.

O le toatele o tagata Iutaia sa naʼona tulimatai atu i se e laveai mai le pule a Roma ma se tamaoaiga tele faaleatunuu; o lea, ina ua afio mai le Mesia, sa teena ai o ia e taitai o Iutaia ma le toatele o isi tagata. E naʼo tagata faamaualalo ma faatuatua na mafai ona iloa o Iesu le Nasareta o le Keriso moni lava (Isai. 53; Mata. 16:16; Ioane 4:25–26).